მნიშვნელოვანი ინფორმაცია
18
ივნისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ჯგუფ ''ნიუტონის'' სოლისტი თამარ ბაბილუა გარდაიცვალა
22:36 / 26-03-2019
ახალგაზრდა მუსიკოსი თამარ ბაბილუა, იგივე ბაბი, რომელიც სიმსივნეს ებრძოდა, გარდაიცვალა. ინფორმაცია Ambebi.ge-ს მუსიკოსის მეგობრებმა დაუდასტურეს.
თამარ ბაბილუა ბოლო სამი წლის განმავლობაში საქართველოს ერთ-ერთი ყველაზე პოპულარული ბენდის "ნიუტონის" სოლისტი იყო.
"ბაბი ჩვენთან სამი წელია, რაც არის. ის ნებისყოფის, უდიდესი ძალის, ნიჭიერების მაგალითია. რაც მას გადაუტანია, ქიმიაგაკეთებული მოსულა და ზედიზედ, სხვადასხვა ობიექტზე 2 "ლაივი" ჩაგვიტარებია. მისგან ერთი დაწუწუნება არ გამიგია, შინაგანად მყარი ადამიანია. მეორე ასეთი ადამიანი არ გვინახავს... ასე რომ, შეხმატკბილებულად ვმუშაობთ, ერთმანეთის გვესმის და ვაკეთებთ საქმეს, რომელიც გვიყვარს" - ასე ახასიათებდა ბაბილუას ჯგუფის ერთ-ერთი წევრი ლევან აბშილავა Ambebi.ge-სთვის რამდენიმე თვის წინ მიცემულ ინტერვიუში.
2015 წელს ბაბის სიმსივნე აღმოაჩნდა, მაგრამ შემოქმედებითი პაუზა არ გაუკეთებია, მეტიც პირველი ოპერაციის შემდეგ მან დაამყარა საქართველოს რეკორდი – 25 საათის განმავლობაში შეუსვენებლად დაუკრა ფორტეპიანოზე.
ასევე 2018 წელს აქტიურად იყო ჩართული პროექტ "მხოლოდ ქართულში", სადაც ჯგუფი "ნიუტონი" კონკურსანტებს მუსიკალურ აკომპანიმენტს უკეთებდა. მიუხედავად მძიმე ავადმყოფობისა, იმ პერიოდში თამარ ბაბილუას ჯგუფის წევრებთან ერთად მთელი კონცერტის მანძილზე სცენაზე ყოფნა უწევდა.
"არ შეიძლება, მაგრამ სხვანაირად არ შემიძლია, ამ რთულ სიტუაციაში ამ ყველაფერს ჩემთვის გამამხნევებელი ეფექტი აქვს. რომ დავწვე, მართლა კოშმარი იქნება. განტვირთვას საქმით ვახდენ... - დაავადებისთვის მნიშვნელოვანია, ფსიქოლოგიურად რამდენად ძლიერი ხარ. დიდი იმედი მაქვს, რომ საწყისი ეტაპია და ვუშველით! თუმცა ქიმიოთერაპია საშინელებაა. ამ პროცედურის შემდეგ რეპეტიციებზე მაინც დავდიოდი, მთლიანად მოშლილი და დასუსტებული" - ამბობდა თამარ ბაბილუა Ambebi.ge-სთვის მიცემულ ინტერვიუში. თამარ ბაბილუას ერთი შვილი დარჩა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა მიზეზით იბარებენ ხელმეორედ საგამოძიებო კომისიაზე ოპოზიციონერ პოლიტიკოსებს და როგორია მხარეთა პოზიციები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
