მნიშვნელოვანი ინფორმაცია
2
აპრილიდღის ზოგადი ასტროლოგიური პროგნოზი
ოთხშაბათი, მთვარის მეხუთე დღე დაიწყება 07:57-ზე, მთვარე ტყუპშია
მოერიდეთ ახალი საქმეების დაწყებას, მნიშვნელოვანი გადაწყვეტილებების მიღებას. უძრავი ქონების ყიდვა-გაყიდვა სხვა დღისთვის გადადეთ. არ გირჩევთ საქმეების, ურთიერთობის გარჩევას. მშვიდად აკეთეთ თქვენი საქმე. ნუ განიხილავთ ახალ პროექტებს. ივარჯიშეთ.ცუდი დღეა ნიშნობისა და ქორწინებისთვის. მოერიდეთ ცხოველური საკვებს. ნაკლები დრო გაატარეთ უჰაერო ოთახში, მოერიდეთ ე.წ. მოწევის ადგილებს. გაანიავეთ ოთახი. შეამცირეთ დატვირთვა ხელებსა და მხრებზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ISIS-ის “ნარჩენები” რუსეთში - რას ყვებიან ტერორისტების ცოლები და შვილები სირიიდან დაბრუნების შემდეგ
13:51 / 25-03-2019
"ისლამური სახელმწიფოს" დამარცხების შემდეგ, რუსეთში ტერორისტთა ოჯახები ეტაპობრივად ბრუნდებიან. რუსული მედია წერს, რომ ამ მხრივ ჩრდოლოეთ კავკასიის რეგიონი - დაღესტანი უმძიმეს მდგომარეობაშია და იქ სიტუაციის აფეთქების საფრთხე ყოველდღიურად არსებობს.
სირიასა და ერაყში, “ისლამური სახელმწიფოს” რიგებს, რუსეთიდან 4 000 ათასზე მეტი ადამიანი შეუერთდა. ბევრი მათგანის დაღუპვის ან დაპატიმრების შემდეგ, მათი ოჯახის წევრები, ძირითადად, ქალები და ბავშვები ქვეყანაში დაბრუნებას ცდილობენ. ათეულობით მათგანი დაბრუნდა კიდეც, თუმცა, ადგილობრივი მედიის ცნობით, ბევრი ქალი რუსეთში დააკავეს. დანარჩენებთან ФСБ-ს თანამშრომლები მუშაობენ, ქალები დადიან მუდმივ დაკითხვაზე, აძლევენ ჩვენებებს, აღრიცხვაზე არიან და შესაბამისი უწყებებისგან კონტროლდებიან, თუმცა, ეს მაინც არ ნიშნავს, რომ საფრთხე არ არსებობს.
Кавказский Узел-თან საუბარში, პოლიტოლოგი ედუარდ ურაზაევი აცხადებს, რომ ამის მიზეზია ტერორისტთა ცოლები და მათი ოჯახები, რომლებიც ახლა რეგიონში ბრუნდებიან და რომლებთანაც ISIS-ს იდეოლოგიის ქვეშ მყოფები კავშირს მაინც ინარჩუნებენ. მისივე თქმით, გასულ წელს დაღესტნელებსა და სამართალდამცავებს შორის 11 შეტაკება მოხდა.
BBC-ის რუსული საინფორმაციო სამსახურის კორესპოდენტი, სარა რაისფორდი დაღესტანში ერთ-ერთ ასეთ ოჯახს ესტუმრა. "ისლამურ სახელმწიფოში" დაბადებული გოგონა, სამირა იხსენებს, რომ მათ ეუბნებოდნენ, როგორც კი დაბომბვა დაიწყებოდა, მაშინვე სახლებში შესულიყვნენ. მისივე თქმით, ეს იყო საშინელი სიზმარი, რომელიც დიდხანს არ დამთავრდა და რომელსაც ვერ ივიწყებს. ის და მისი ძმა აბუ ბაქრი დაღესტანში დეიდასთან 2018 წელს დაბრუნდნენ.
ბავშვების მეურვის თქმით, ბავშვების დედა ერაყში, ბაღდათის ციხეში იხდის სასჯელს, მამა კი - 2017 წელს ავიაიერიშების დროს მოკლეს. ბავშვების ბებია იხსენებს, რომ როდესაც მისმა ქალიშვილმა იმ ბიჭზე გათხოვება გადაწყვიტა, არ შეწინააღმდეგებია:
"ვიფიქრე, ნარკომანი არ არის, ჭკვიანი ბიჭია, ოჯახს მიხედავს-მეთქი, რას ვიფიქრებდი, თუ იქ წავიდოდნენ... ეს ყველაფერი საშინელ სიზმარს ჰგავს... ჩემი შვილიშვილი, ბიჭი, ყოველ ღამე მეკითხებოდა - დედა როდის მოვაო... ვეუბნები, რომ მალე მოვა-მეთქი... ხანდახან იმედი არც აქვს, მას ალბათ არასდროს ჩამოიყვანენო... რატომ, შენ ხომ ჩამოგიყვანეს-მეთქი, ვეუბნები. ძალიან განიცდის", - ამბობს ბავშვების ბებია.
გოგონას “ისლამურ სახელმწიფოში” ყოფნისას, მხოლოდ რელიგიურ სკოლაში სიარულის უფლება ჰქონდა, ამიტომ წერა-კითხვას მას ახლა დეიდა ასწავლის.
კიდევ ერთი დაღესტნელი ახალგაზრდა ქალი, ვიქტორია BBC-ისთან საუბრისას ამბობს, რომ ძალიან დაიღალა იქ ყოფნით, მუდმივი სტრესით და შიშით: “მეშინოდა, რომ მე თუ რამე დამემართებოდა, ჩემი 5 წლის შვილი უპატრონოდ დარჩებოდა...” თუმცა, იმასაც ამბობს, რომ მაინცდამაინც არ ნანობს, რომ “ისლამურ სახელმწიფოში" წავიდა.
ჟურნალისტის კითხვაზე - რას ფიქრობს იმაზე, რასაც ISIS სჩადიოდა, ის პასუხობს: "არავინ მომიკლავს, ღმერთისა და სახელმწიფოს წინაშე სუფთა ვარ. რაც შეეხება იმათ, მე მათ ნაცვლად არ ვაგებ პასუხს, ყველა თავის ცოდვაზეა პასუხისმგებელი...” - ამბობს ვიქტორია, რომლის თქმითაც, იქ მიღებული სტრესის შემდეგ, მის გოგონას მშვიდობიან გარემოში ცხოვრება უჭირს.
სირიაში ტერორისტული დაჯგუფება "ისლამური სახელმწიფო" სრულად განადგურებულია. ისლამისტების წინააღმდეგ მიმდინარე 4-წლიანი ინტენსიური ბრძოლა დასრულდა. ერთ დროს მათ სირიისა და ერაყის ტერიტორიის მესამედი ეკავათ. სირიაში დაეშის სრულად განადგურების შესახებ ოფიციალური ინფორმაცია ამერიკის შეერთებული შტატების მხარდაჭერის მქონე სირიის დემოკრატიული ძალების წარმომადგენლებმა "ტვიტერის" მეშვეობით რამდენიმე დღის წინ გაავრცელეს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვლადიმირ პუტინმა სამხედრო სამსახურში საგაზაფხულო გაწვევის შესახებ ბრძანებას ხელი მოაწერა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
