მე­ო­თხე კლა­სის მოს­წავ­ლე­ე­ბი - ლიზი, ლა­ზა­რე და ელე­ნე ქარ­თუ­ლი ენის გაკ­ვე­თილ­ზე ნას­წავლ ტექ­სტებ­ზე სპექ­ტაკ­ლებს დგა­მენ, მის მი­ხედ­ვით ნა­ხა­ტებს ქმნი­ან, ბუ­ნე­ბის გაკ­ვე­თი­ლებ­ზე მცე­ნა­რე­ე­ბის და­ფეს­ვი­ა­ნე­ბის პრო­ცეს­ში მო­ნა­წი­ლე­ო­ბენ, და­ვა­ლე­ბებს ხან­და­ხან ელექტრო­ნუ­ლად და იმ ფორ­მით ას­რუ­ლე­ბენ, რო­გო­რიც თა­ვად წარ­მო­უდ­გე­ნი­ათ; შეც­დო­მებს თა­ნაკ­ლა­სე­ლებ­თან ერ­თად გა­ნი­ხი­ლა­ვენ და სწორ პა­სუ­ხამ­დეც ერ­თად მი­დი­ან...

ეს არა ფი­ნე­თის, ნორ­ვე­გი­ის ან თუნ­დაც ეს­ტო­ნე­თის რო­მე­ლი­მე სა­გან­მა­ნათ­ლებ­ლო და­წე­სე­ბუ­ლე­ბა, არა­მედ ალექ­სან­დრე ცინ­ცა­ძის სა­ხე­ლო­ბის თბი­ლი­სის 150-ე სა­ჯა­რო სკო­ლაა.

2019-2024 წლებ­ში გან­სა­ხორ­ცი­ე­ლე­ბე­ლი გა­ნათ­ლე­ბის რე­ფორ­მის ერთ-ერთი კომ­პო­ნენ­ტი - „ახა­ლი სკო­ლის მო­დე­ლი“ გა­ნათ­ლე­ბის, მეც­ნი­ე­რე­ბის, კულ­ტუ­რი­სა და სპორ­ტის სა­მი­ნის­ტრომ 150-ე სკო­ლა­ში ერთი წე­ლია და­ნერ­გა, შე­დე­გად, ლი­ზის, ელე­ნე­სა და ლა­ზა­რეს თა­ნა­ტო­ლე­ბი და უმ­ცროსკლა­სე­ლე­ბი საგ­ნებს სხვა სკო­ლე­ბის­გან გან­სხვა­ვე­ბუ­ლი მე­თო­დე­ბით სწავ­ლო­ბენ.

რა შე­იც­ვა­ლა 150-ე სა­ჯა­რო სკო­ლა­ში?

150-ე სა­ჯა­რო სკო­ლა ერთ-ერ­თია ჩვე­ნი ქვეყ­ნის იმ მრა­ვა­ლი სკო­ლი­დან, რო­მე­ლიც სა­რე­ა­ბი­ლი­ტა­ციო სა­მუ­შა­ო­ებ­სა და ინფრას­ტრუქ­ტუ­რის მო­წეს­რი­გე­ბას სა­ჭი­რო­ებს. მისი ძვე­ლი კი­ბე­ე­ბი და ნა­წი­ლობ­რივ გა­რე­მონ­ტე­ბუ­ლი ოთა­ხე­ბი, ერთი შე­ხედ­ვით არ გვი­ტო­ვებს შთა­ბეჭ­დი­ლე­ბას, რომ აქ სრულ­ყო­ფი­ლი სას­წავ­ლო პრო­ცე­სი მიმ­დი­ნა­რე­ობს, სი­ნამ­დვი­ლე­ში კი მოს­წავ­ლე­ებს გაკ­ვე­თილ­ზე შეს­ვლა უხა­რი­ათ და პირ­ვე­ლი­დან მე-4 კლა­სამ­დე არ არ­სე­ბობს მოს­წავ­ლე, რო­მე­ლიც სა­გაკ­ვე­თი­ლო პრო­ცეს­ში მაქ­სი­მა­ლუ­რად ჩარ­თუ­ლი არ არის.

ასევე დაგაინტერესებთ

09:08 / 07-09-2018

"მომავლის მასწავლებელი" სოფელ ჩიბათის სკოლიდან

სკო­ლის დი­რექ­ტორ­მა, ირაკ­ლი მექ­ვევ­რიშ­ვილ­მა გან­გვი­მარ­ტა, რომ სა­პი­ლო­ტე პრო­ექ­ტის ფარ­გლებ­ში სკო­ლა­ში რამ­დე­ნი­მე სი­ახ­ლე და­ი­ნერ­გა. მათ შო­რის:

• მას­წავ­ლებ­ლებს მი­ე­ცათ მეტი თა­ვი­სუფ­ლე­ბა;
• სა­ხელ­მძღვა­ნე­ლო არ არის ერ­თა­დერ­თი, რის მი­ხედ­ვი­თაც სწავ­ლის პრო­ცე­სი უნდა წა­რი­მარ­თოს;
• არას­წო­რი პა­სუ­ხის გამო მოს­წავ­ლე „დამ­ნა­შა­ვე“ არ არის, რად­გან მან იშ­რო­მა და იმუ­შა­ვა;
• UNICEF-თან თა­ნამ­შრომ­ლო­ბით შე­იქ­მნა სპე­ცი­ა­ლუ­რი პლატ­ფორ­მა, რომ­ლის მეშ­ვე­ო­ბით მოს­წავ­ლე­ე­ბი სა­ში­ნაო და­ვა­ლე­ბე­ბის ნა­წილს ელექტრო­ნუ­ლად ას­რუ­ლე­ბენ;
• სას­წავ­ლო პრო­ცეს­ში მშობ­ლე­ბი უფრო მე­ტად ჩარ­თუ­ლე­ბი გახ­დნენ.

სი­ახ­ლე­ე­ბი სექ­ტემ­ბრი­დან, პირ­ვე­ლი კლა­სი­დან მე­ო­თხე კლა­სის ჩათ­ვლით და­ი­ნერ­გა. 150-ე სკო­ლის დი­რექ­ტო­რი აღ­ნიშ­ნავს, რომ ცვლი­ლე­ბე­ბი მოს­წავ­ლე­ებ­თან და მას­წავ­ლებ­ლებ­თან შე­თან­ხმე­ბით გან­ხორ­ცი­ელ­და.

"შე­იც­ვა­ლა მიდ­გო­მე­ბი - მას­წავ­ლებ­ლებს მი­ვე­ცით უფრო მეტი თა­ვი­სუფ­ლე­ბა. აქამ­დე თუ გაკ­ვე­თი­ლის­თვის 45 წუთი იყო გან­სა­ზღვრუ­ლი და ეს იყო რუ­ტი­ნა, რო­მელ­საც მო­ცე­მუ­ლი ჩარ­ჩო­ე­ბი­სა და რე­გუ­ლა­ცი­ე­ბის გამო ფაქ­ტობ­რი­ვად, ვერ გა­და­უხ­ვევ­დი, ამა­ზე ვთქვით უარი - ახლა მას­წავ­ლე­ბე­ლი კონ­კრე­ტულ მა­სა­ლას ერთ გაკ­ვე­თილს და­უთ­მობს თუ ორს, მნიშ­ვნე­ლო­ბა არ აქვს, მთა­ვა­რია მი­ზანს და შე­დეგს მი­აღ­წი­ოს და მოს­წავ­ლე­ებს გან­სა­ზღვრუ­ლი ცნე­ბე­ბი ას­წავ­ლოს.

მა­გა­ლი­თად, საგ­ნის სწავ­ლე­ბი­სას პე­და­გო­გი სა­ხელ­მძღვა­ნე­ლოს და­ეყ­რდნო­ბა თუ მის მიერ მო­ძი­ე­ბულ მა­სა­ლებს, ინ­ტე­რაქ­ცი­ულ გაკ­ვე­თი­ლებს ჩა­ა­ტა­რებს თუ სა­ერ­თოდ, სკო­ლა­ში არ ჩა­ა­ტა­რებს და გას­ვლით სა­ხეს მის­ცემს, ეს უშუ­ა­ლოდ მას­წავ­ლებ­ლის გა­და­წყვე­ტი­ლე­ბაა. მთა­ვა­რია, ის შე­დე­გი აჩ­ვე­ნოს, რა­ზეც ყვე­ლა ერ­თად ვართ შე­თან­ხმე­ბუ­ლე­ბი“ - აღ­ნიშ­ნა ირაკ­ლი მექ­ვევ­რიშ­ვილ­მა.

მოს­წავ­ლე­ებს არას­წო­რი პა­სუ­ხის „შიში“ აღარ აქვთ. ამა­ზე ცალ­სა­ხად სა­უბ­რო­ბენ რო­გორც დი­რექ­ტო­რი, ისე 150-ე სკო­ლის მას­წავ­ლებ­ლე­ბი და მოს­წავ­ლე­თა ნა­წი­ლი, რო­მელ­თაც AMBEBI.GE გა­ე­სა­უბ­რა.

„სა­გაკ­ვე­თი­ლო პრო­ცე­სი უფრო მე­ტად აქ­ტი­უ­რი გახ­და, მეტი კი­თხვაა, მეტი მსჯე­ლო­ბაა. ჩვენ ამ გა­და­სა­ხე­დი­დან შეგ­ვიძ­ლია ვთქვათ, რომ მოს­წავ­ლე­ებ­მა კი­თხვის დას­მის შიში გა­და­ლა­ხეს ანუ მცდა­რი შე­ხე­დუ­ლე­ბე­ბი არ არ­სე­ბობს. ამ მო­ცე­მუ­ლო­ბის მი­ხედ­ვით, ყვე­ლა მო­საზ­რე­ბას თა­ვი­სი ად­გი­ლი აქვს. ყვე­ლა აქ­ტი­უ­რად არის ჩარ­თუ­ლი. რა თქმა უნდა, მოს­წავ­ლე­ე­ბი შე­საძ­ლებ­ლო­ბე­ბის მი­ხედ­ვით მეტ­ნაკ­ლე­ბად გან­სხვავ­დე­ბი­ან, თუმ­ცა ჩვენ არ გვყავს მოს­წავ­ლე, რო­მე­ლიც სა­გაკ­ვე­თი­ლო პრო­ცეს­ში ჩარ­თუ­ლი არ არის. სკო­ლა მათ­თვის ხდე­ბა ის ად­გი­ლი, სა­დაც ყო­ველ­დღი­უ­რად მოს­ვლა უხა­რი­ათ და სი­ხა­რუ­ლით ეს­წრე­ბი­ან გაკ­ვე­თი­ლებს“, - აღ­ნიშ­ნა ირაკ­ლი მექ­ვევ­რიშ­ვილ­მა.

რაც შე­ე­ხე­ბა ელექტრო­ნულ და­ვა­ლე­ბებს, 150-ე სკო­ლის დი­რექ­ტო­რის თქმით, სპე­ცი­ა­ლურ სის­ტე­მა­ში მოს­წავ­ლე­ებს მო­ცე­მუ­ლი აქვთ ვრცე­ლი რუკა, რო­მელ­შიც და­ვა­ლე­ბას იმ ფორ­მით ას­რუ­ლე­ბენ, რო­გორც თა­ვად წარ­მო­უდ­გე­ნი­ათ.

10 წლის ლიზი რო­ბი­ტაშ­ვილს ყვე­ლა­ზე მე­ტად ხე­ლოვ­ნე­ბის, მა­თე­მა­ტი­კი­სა და ქარ­თუ­ლი ენის გაკ­ვე­თი­ლე­ბი მოს­წონს, თუმ­ცა აღ­ნიშ­ნავს, რომ ყვე­ლა სა­გან­მა მის­თვის სა­ინ­ტე­რე­სო ფორ­მა შე­ი­ძი­ნა. რო­დე­საც შევ­თა­ვა­ზეთ, რომ საყ­ვა­რე­ლი სა­გაკ­ვე­თი­ლო პრო­ცე­სი გა­ეხ­სე­ნე­ბი­ნა, არ­ჩე­ვა­ნი ე.წ რო­ლურ თა­მა­შებ­ზე შე­ა­ჩე­რა, როცა თა­ნაკ­ლა­სე­ლებ­თან ერ­თად ნა­წარ­მო­ე­ბი „მგე­ლი და კრა­ვი“ დად­გა, რო­მელ­შიც ბე­კე­კას როლი მო­ირ­გო.

ლი­ზის მსგავ­სად, 9 წლის ლა­ზა­რე პერ­ტა­ხი­აც მხი­ა­რულ სა­გაკ­ვე­თი­ლო პრო­ცეს­ზე სა­უბ­რობს. მოს­წავ­ლე­ე­ბი აღ­ნიშ­ნა­ვენ, რომ პე­და­გო­გე­ბის მხრი­დან და­დე­ბით და­მო­კი­დე­ბუ­ლე­ბას გრძნო­ბენ.

„ჩვე­ნი დამ­რი­გე­ბე­ლი გვე­უბ­ნე­ბა, რომ რა­საც ვერ გა­ვი­გებთ, ყო­ველ­თვის ვუ­თხრათ და თუ სა­ჭი­რო იქ­ნე­ბა, ათას­ჯერ აგ­ვიხ­სნის. ცდი­ლო­ბენ, რომ ცოდ­ნა გად­მოგ­ვცენ. ყვე­ლაფ­რის კარ­გად სწავ­ლას ვცდი­ლობ, მაგ­რამ ჩემი აზ­რით, ქარ­თუ­ლი და ბუ­ნე­ბა უკეთ გა­მომ­დის. დიდ, 20-წუ­თი­ან შეს­ვე­ნე­ბას ყო­ველ­თვის კარ­გად ვი­ყე­ნებთ, რად­გან მულ­ტფილ­მებს ვუ­ყუ­რებთ ხოლ­მე“ - აღ­ნიშ­ნავს ლა­ზა­რე.

ელე­ნე ქევ­ხიშ­ვი­ლიც მე-4 კლა­სე­ლია. თა­ნას­კო­ლე­ლე­ბის მსგავ­სად, მა­საც ყვე­ლა­ზე მე­ტად სპექ­ტაკ­ლე­ბის დად­გმა მოს­წონს. ასე­ვე, აღ­ფრთო­ვა­ნე­ბუ­ლია იმით, რომ უმ­ცროსკლა­სე­ლე­ბის­თვის სხვა­დას­ხვა თე­მა­ზე პრე­ზენ­ტა­ცი­ე­ბის ჩა­ტა­რე­ბის სა­შუ­ა­ლე­ბა მი­ე­ცა.

„მე­ო­თხე კლა­სე­ლებ­მა გაკ­ვე­თი­ლე­ბი მე­ო­რეს ჩა­უ­ტა­რეს, მე­სა­მემ პირ­ველს, რაც ძა­ლი­ან კარ­გი იყო. მოს­წავ­ლე­ე­ბი გვი­ჯე­რებ­დნენ, დამ­სწრე­ე­ბი იყ­ვნენ, შენ ას­წავ­ლი­დი, რაც პა­სუ­ხის­მგებ­ლო­ბის გრძნო­ბას გვი­ვი­თა­რებს“, - დას­ძი­ნა ელე­ნემ.

მოს­წავ­ლე­ებ­მა თა­ვი­ან­თი კრი­ტი­კუ­ლი შე­ხე­დუ­ლე­ბე­ბიც გა­მოთ­ქვეს. რო­გორც ელე­ნემ, ისე ლი­ზიმ და ლა­ზა­რემ აღ­ნიშ­ნეს, რომ მათი სურ­ვი­ლია, სას­წავ­ლო პრო­ცეს­ში კომ­პი­უ­ტე­რი ნაკ­ლე­ბად გა­მო­ი­ყე­ნონ და უფრო მე­ტად, წიგნ­ზე და ერ­თმა­ნეთ­თან ინ­ტე­რაქ­ცი­ა­ზე იყ­ვნენ ორი­ენ­ტი­რე­ბუ­ლე­ბი.

სწავ­ლე­ბის მო­დელს, რო­მე­ლიც 150-ე სკო­ლა­ში და­ი­ნერ­გა მალე და­ახ­ლო­ე­ბით, 50 სკო­ლა­ში შე­ი­ტა­ნენ. ამ სკო­ლე­ბის პე­და­გო­გებს კი მის გან­ხორ­ცი­ე­ლე­ბა­ში კუ­რი­კუ­ლუ­მის გან­ვი­თა­რე­ბი­სა და და­ნერგვის ექ­სპერ­ტე­ბი ნინო კვა­ხა­ჯე­ლი­ძე და მა­ნა­ნა ჯა­დუ­გიშ­ვი­ლი და­ეხ­მა­რე­ბი­ან.

ისი­ნი 150-ე სა­ჯა­რო სკო­ლის მას­წავ­ლებ­ლე­ბი არი­ან, რო­მელ­თაც სა­გაკ­ვე­თი­ლო პრო­ცე­სი თი­თო­ე­ულ მოს­წავ­ლეს ინ­დი­ვი­დუ­ა­ლუ­რად მო­არ­გეს. პე­და­გო­გე­ბი თვი­თონ ქმნი­ან სა­ხა­ლი­სო და­ვა­ლე­ბებს, რომ­ლებ­საც ხში­რად, სა­ხელ­მძღვა­ნე­ლო არ სთა­ვა­ზობთ და ცდი­ლო­ბენ, ყვე­ლა მოს­წავ­ლის რე­სურ­სი მაქ­სი­მა­ლუ­რად გა­მო­ი­ყე­ნონ.

"ბავ­შვი სწო­რედ სკო­ლი­დან ყა­ლიბ­დე­ბა. როცა მას­წავ­ლე­ბე­ლი სწო­რად მო­პა­სუ­ხე ბავ­შვს აქებს, ბუ­ნებ­რი­ვია, ეუბ­ნე­ბა, „სწო­რია შენი პა­სუ­ხი, ყო­ჩაღ“ და ა.შ, ხოლო ვი­საც შე­ე­შა­ლა, შე­იძ­ლე­ბა, არ ეუბ­ნე­ბა, „რო­გორ შე­გე­შა­ლაო“, მაგ­რამ ეს ბავ­შვი თავს თით­ქმის დამ­ნა­შა­ვედ გრძნობს. სხვებ­საც უყა­ლიბ­დე­ბათ შთა­ბეჭ­დი­ლე­ბა, რომ ის ვერ პა­სუ­ხობს. ახლა კი ასე არ არის, ყვე­ლა ერ­თად ვმსჯე­ლობთ, რა­ტომ შე­იძ­ლე­ბო­და, ასე­თი რამ მომ­ხდა­რი­ყო, რა­ტომ ფიქ­რობ­და მათი თა­ნაკ­ლა­სე­ლი ასე.

ბავ­შვე­ბი ეძე­ბენ პა­სუხს, ხვდე­ბი­ან, რომ არას­წო­რი პა­სუ­ხი „კა­ტას­ტრო­ფა“ კი არ არის, არა­მედ მი­იჩ­ნე­ვენ, რომ მოს­წავ­ლე, რო­მელ­მაც არას­წო­რი დას­კვნა გა­მო­ი­ტა­ნა, და­ფიქ­რდა და იშ­რო­მა

ბავ­შვე­ბის თვალ­ში არას­წო­რი პა­სუ­ხი აღარ ნიშ­ნავს იმას, რომ მას ვინ­მე სჯობს ან ვინ­მე­ზე ნაკ­ლე­ბია. ბავ­შვე­ბი ერ­თმა­ნეთს ეხ­მა­რე­ბი­ან, მი­აშ­ვე­ლე­ბენ ხოლ­მე სი­ტყვას თუ აზრს. კომ­პი­უ­ტე­რულ ტექ­ნი­კას როცა ვი­ყე­ნებთ, ერ­თმა­ნეთს ვეხ­მა­რე­ბით, აზ­რის გა­ზი­ა­რე­ბა, პრე­ზენ­ტა­ცია ძა­ლი­ან კარ­გია, რად­გან ბავ­შვე­ბი ერ­თმა­ნეთს ნა­მუ­შე­ვარს არ უკარ­გა­ვენ და ვფიქ­რობ, რე­ფორ­მა ამ მხრი­ვაც ძა­ლი­ან კარ­გია“ - გან­მარ­ტა ნინო კვა­ხა­ჯე­ლი­ძემ.

150-ე სკო­ლის პე­და­გო­გი, მა­ნა­ნა ჯა­დუ­გიშ­ვი­ლი გაკ­ვე­თი­ლე­ბის შემ­დეგ მოს­წავ­ლე­ებს კი­თხვა­რის შევ­სე­ბას სთხოვს, სა­ი­და­ნაც შე­დე­გის და­ნახ­ვა შე­უძ­ლია. რო­გორც თა­ვად აღ­ნიშ­ნავს, ერთ-ერთ კი­თხვარ­ში ეწე­რა - „კი­დევ მინ­და ასე­თი გაკ­ვე­თი­ლი“, რაც მას კი­დევ უფრო დიდ მო­ტი­ვა­ცი­ას აძ­ლევს.

„ვერ წარ­მო­მიდ­გე­ნია, სწავ­ლე­ბის ამ მე­თოდს უარ­ყო­ფი­თი რა უნდა ჰქონ­დეს. ზო­გა­დად, გა­ნათ­ლე­ბის სის­ტე­მა­ში, ერთი სე­მესტრის შე­დე­გე­ბით სა­უ­ბა­რი ძა­ლი­ან ნა­ად­რე­ვი და ნაჩ­ქა­რე­ვია, მაგ­რამ ის ხარ­ვე­ზე­ბი, რაც შე­იძ­ლე­ბო­და, რე­ფორ­მას ჰქო­ნო­და, ტეს­ტი­რე­ბის რე­ჟიმ­ში უკვე აღ­მო­ვა­ჩი­ნეთ და შე­ვე­ცა­დეთ, ამ ყვე­ლაფ­რის­თვის ფორ­მა მეტ­ნაკ­ლე­ბად შეგ­ვეც­ვა­ლა“ - აღ­ნიშ­ნა მან.

რა შე­დე­გი და­ი­ნა­ხა გა­ნათ­ლე­ბის სა­მი­ნის­ტრომ დაკ­ვირ­ვე­ბის შემ­დეგ?

გა­ნათ­ლე­ბის სა­მი­ნის­ტროს სკო­ლამ­დე­ლი ზო­გა­დი გა­ნათ­ლე­ბის დე­პარ­ტა­მენ­ტის კუ­რი­კუ­ლუ­მის გან­ვი­თა­რე­ბის ექ­სპერ­ტი, ნიკო სი­ლა­გა­ძე გან­მარ­ტავს, რომ 150-ე სკო­ლა­ში წი­ნას­წა­რი შე­ფა­სე­ბა უკვე ჩა­ტარ­და და პოსტ-შე­ფა­სე­ბაც ჩა­ტარ­დე­ბა.

„ერთი იყო სას­კო­ლო კულ­ტუ­რის შე­ფა­სე­ბა და მე­ო­რე მოს­წავ­ლის აკა­დე­მი­უ­რი მიღ­წე­ვე­ბის კვლე­ვა. აკა­დე­მი­ურ მიღ­წე­ვებს რაც შე­ე­ხე­ბა, მე­სა­მე და მე­ო­თხე კლა­სის ყვე­ლა მოს­წავ­ლე ყვე­ლა სა­გან­ში, ყვე­ლა კომ­პე­ტენ­ცი­ის მი­მარ­თუ­ლე­ბით შე­ფას­და. სექ­ტემ­ბერ­ში ჩა­ტარ­დე­ბა იგი­ვე ტი­პის კვლე­ვა ისევ მე­სა­მე და მე­ო­თხე კლა­სებ­ში და ეს გვაჩ­ვე­ნებს, აკა­დე­მი­უ­რი თვალ­საზ­რი­სით წინსვლა იყო თუ არა.

კვლე­ვის მე­ო­რე ნა­წი­ლი არის სას­კო­ლო კულ­ტუ­რის კვლე­ვა. ეს ნიშ­ნავს იმას, თუ რო­გორ ხდე­ბა სას­წავ­ლო პრო­ცე­სის და­გეგ­მვა, რამ­დე­ნად არის ისე­თი ატ­მოს­ფე­რო, სა­დაც აქ­ცენ­ტი კეთ­დე­ბა თა­ნამ­შრომ­ლო­ბა­სა და ურ­თი­ერ­თდახ­მა­რე­ბა­ზე. გა­მოჩ­ნდა, რომ სკო­ლა­ში სას­კო­ლო კულ­ტუ­რა მნიშ­ვნე­ლოვ­ნად შე­იც­ვა­ლა“, - აღ­ნიშ­ნა მან.

გა­ნათ­ლე­ბის სა­მი­ნის­ტროს წარ­მო­მად­გე­ნელ­მა აღ­ნიშ­ნა, რომ კვლე­ვის სა­ბო­ლოო შე­დე­გე­ბი სექ­ტემ­ბერ­ში გახ­დე­ბა ცნო­ბი­ლი, რის შემ­დე­გაც სი­ახ­ლე­ე­ბი კი­დევ 100 სკო­ლა­ში და­ი­ნერ­გე­ბა.