იულია ნაჩალოვას დაკრძალვაზე ხალხი გონებას კარგავს - სამგლოვიარო დარბაზთან რიგებია

რუსი მომღერლის იულია ნაჩალოვას დაკრძალვაზე მისული მეგობრები ცუდად ხდებიან და გონებას კარგავენ, ინფორმაციას Gazeta.ru ავრცელებს. ერთ-ერთი ქალი სამგლოვიარო დარბაზიდან გამოსვლისას უგონოდ დაეცა ძირს, ის ექიმებმა კლინიკაში გადაიყვანეს.

მედიკოსები დარბაზში მორიგეობენ. ისინი დამამშვიდებლებს აძლევენ ყველას, ვინც თავს ცუდად გრძნობს. შენობასთან უამრავმა ადამიანმა მოიყარა თავი, მომღერლის კოლეგების გარდა, ნაჩალოვასთვის უკანასკნელი პატივის მისაგებად მისი თაყვანისმცემლებიც მივიდნენ.

ნახეთ ვიდეო : იულია ნაჩალოვას დაკრძალვაზე სამგლოვიარო დარბაზთან რიგებია - მედიკოსები დარბაზში მორიგეობენ

იულია ნაჩალოვა 16 მარტს გარდაიცვალა, მას სეფსისი განუვითარდა, ბოლოს კი გული გაუჩერდა. მომღერალი 39 წლის იყო. გარდაცლილს მოსკოვში, ტროეკუროვის სასაფლაოზე დაკრძალავენ.

ფოტო: Ирина Боброва, mk.ru