"საქართველოს ვარსკვლავის" გამარჯვებული ცნობილია - "ევროვიზიაზე" საქართველოს ოთო ნემსაძე წარადგენს

"საქართველოს ვარსკვლავის" გამარჯვებულის ვინაობა ცნობილია. "ევროვიზიაზე" საქართველოს ოთო ნემსაძე წარადგენს. გამარჯვებული სულ ცოტა ხსნის წინ გამოვლინდა.

ნახეთ ვიდეო: ოთო ნემსაძის ემოციები, როდესაც გაიგო, რომ "საქართველოს ვარსკვლავის" გამარჯვებული გახდა

პროექტის ფინალში ერთმანეთს საკმაოდ ძლიერი კონკურსანტები დაუპირისპირდნენ: ლიზა კალანდაძე, ოთო ნემსაძე, გიორგი ნაკაშიძე და გიორგი ფრუიძე. კონკურსანტებმა ფინალში "ევროვიზიაზე" წარსადგენი სიმღერები შეასრულეს.

გრანდიოზულ ღონისძიებაზე AMBEBI.GE-მ, როგორც პროექტის ერთ-ერთმა მხარდამჭერმა, საკუთარი რჩეული დააჯილდოვა, რომელიც მკითხველის სპეციალური გამოკითხვის შედეგად გამოვლინდა - ლიზა კალანდაძეს AMBEBI.GE-სგან საჩუქრად გადაეცა ორდღიანი დასვენება ორ პერსონაზე "კაჭრეთი ამბასადორში", გარდა ამისა, ერთი წლის განმავლობაში ჩვენი რჩეულის ყველა აქტივობა გაშუქდება AMBEBI.GE-ზე.