1 მლნ დოლარი 30 წლის ჰამზას შესახებ ინფორმაციისთვის - აშშ ბინ ლადენის შვილს ეძებს

ოსამა ბინ ლადენის შვილის შესახებ ინფორმაციისთვის აშშ-ს ხელისუფლებამ 1 მლნ დოლარი დააწესა. ჰამზა ბინ ლადენი ტერორისტული დაჯგუფება „ალ ქაიდას“ ლიდერია.

ჰამზა დაახლოებით 30 წლისაა, ის ყველაზე საშიში გლობალური ტერორისტების სიაში 2017 წლის იანვარში შეიყვანეს.

უმცროსმა ბინ ლადენმა ინტერნეტის საშუალებით აუდიო და ვიდეოგზავნილებიც გაავრცელა, სადაც მხარდამჭერებს დასავლეთის წინააღმდეგ თავდასხმების მოწყობისკენ მოუწოდებს. ის აღნიშნავს, რომ 2011 წელს აშშ-ს სპეცდანიშნულების ძალების მიერ მამამისის მოკვლის გამო რევანშს გეგმავს.

ოსამა ბინ ლადენი პაკისტანში, აბოტაბადში სპეცოპერაციის დროს მოკლეს.

ვრცელდება ინფორმაცია, რომ ჰამზა მოჰამედ ატას ქალიშვილზეა დაქორწინებული - ატა აშშ-ში 2001 წლის 11 სექტემბერს მომხდარი ტერაქტებს ხელმძღვანელობდა, რომელზეც პასუხისმგებლობა „ალ ქაიდამ“ აიღო. ტერაქტებს 3 ათასამდე ადამიანი ემსხვერპლა, გარდაცვლილთა შორის დაახლოებით 77 ქვეყნის მოქალაქეები იყვნენ.

ამერიკის დაზვერვის სამსახურები ჰამზა ბინ ლადენს მამის ჯიჰადისტური საქმიანობის გამგრძელებლად მიიჩნევენ.