სკოლის მიმდებარე ტერიტორიაზე დარგული 100 კედარი და გამწვანების სხვა აქციები, რომლებიც დღეს თბილისისთვის ძალიან მნიშვნელოვანია

თბილისში, სადაც ჰაერის დაბინძურების მაჩვენებელი, ფაქტობრივად, მაქსიმუმს აღწევს, გარემოს გამწვენების აქციები მეტად ღირებული და მნიშვნელოვანია. აუცილებელია სახელმწიფოს აქტივობა, მაგრამ არანაკლებ საჭიროა კომპანიების მიერ მოწყობილი გამწვანების აქციები, რაც მათ მაღალ სოციალურ კორპორაციულ პასუხისმგებლობაზე მიუთითებს.

არსებობენ კომპანიები, რომლებიც ამ პასუხისმგებლობას კარგად აცნობიერებენ და გამწვანების პროცესში აქტიურად მონაწილეობენ. მაგალითად, გასულ კვირას "ნეოგაზი" ჩაერთო აქციაში „გაამწვანე ვარკეთილი“. გამწვანების აქციის ფარგლებში 100 ძირი კედრის ხე ვარკეთილის მე-2 მ/რ-ში მდებარე N23-ე კორპუსის მიმდებარე ტერიტორიაზე დაირგო.

„ნეოგაზის“ მარკეტინგის მენეჯერის სალომე ასლანიკაშვილის განმარტებით, ხეების დარგვა მოხდა ტერიტორიაზე, რომელსაც ყოველდღიურად სკოლისკენ მიმავალი ბავშვები გადიან.

„აღნიშნულ გზაზე სიარული ხშირად უწევთ ბავშვებს და დარწმუნებული ვარ, რომ ეს ტერიტორია მთელი ვარკეთილისთვის არაჩვეულებრივ მოსასვენებელ ზონად იქცევა. სწორედ ამიტომ, სივრცის სრული რეაბილიტაცია იგეგმება. აქცია „გაამწვანე ვარკეთილი“ ტარდება ქალაქ თბილისის მუნიციპალიტეტის საკრებულოს ინიციატივით. „ნეოგაზმა“ საკრებულოს საჩუქრად 100 ძირი კედარი გადასცა, რომელიც ერთობლივი ძალისხმევით დაირგო. დარგვის პროცესში ჩვენი თანამშრომლები აქტიურად იყვნენ ჩართულები. დიდი ყურადღება ექცევა ხეების ჯიშის შერჩევასაც. სხვა წიწვოვანი ხეებისგან განსხვავებით კედარი ყველაზე ადვილი გასახარებელია. ამავდროულად, ის ბევრ ჟანგბადს გამოიმუშავებს და ქარის შემაკავებელი ფუნქციაც აქვს,“ - განმარტავს სალომე ასლანიკაშვილი.

ეს პირველი შემთხვევა არ იყო, როცა „ნეოგაზი“ გამწვანების აქციაში ჩაერთო. როგორც კომპანიაში განმარტავენ, ისინი ბუნებაზე ზრუნვას საკუთარ სოციალურ პასუხისმგებლობად აღიქვამენ. სლოგანით “მწვანე ჩვენი არჩევანია“ კომპანია აქტიურად მონაწილეობს ბორჯომის ტყის აღდგენის კამპანიაში. უკვე მეორე წელია, „ნეოგაზის“ მიერ მრავალი ასეული ხე დაირგა ბორჯომის ტყეში და პროცესი აქტიურად გაგრძელდება მომავალი წლების განმავლობაშიც. ამ აქციის პარალელურად, დედამიწის დღესთან დაკავშირებით, მომხმარებელსაც მიეცა შანსი, საკუთარი წვლილი შეეტანა ბორჯომის ტყის აღდგენის პროცესში. „ნეოგაზმა“ მომხმარებლებს საჩუქრად გადასცა სასაჩუქრე ბარათები, რომლითაც მათი სახელით ბორჯომის ტყეში დაირგო და ირგვება ხეები.

კომპანია დიდ ყურადღებას აქცევს საკუთარი გაზგასამართი სადგურების გამწვანებას და მაქსიმალურად უსაფრთხო გარემოს შექმნას. „ნეოგაზმა“ გაამწვანა რამდენიმე სადგური და პროცესი ეტაპობრივად გაგრძელდება. აღსანიშნავია ისიც, რომ კომპანია მომხმარებლებს სთავაზობს ეკოლოგიურად ყველაზე სუფთა და ეკონომიურ საწვავს - შეკუმშულ ბუნებრივ აირს, რომელიც გარემოს დაცვის თვალსაზრისით სხვა ალტერნატიულ საწვავებთან შედარებით ნაკლები ზიანის მომტანია.

„ნეოგაზის“ ერთ-ერთი მთავარი მიმართულებაა იზრუნოს უსაფრთხო გარემოზე. კომპანია ჩართულია ისეთ მნიშვნელოვან პროექტებში, რომელთა კონცეფცია მიმართულია ეკოლოგიური გარემოს გაჯანსაღებისკენ. სწორედ ამ მიმართულებით, „ნეოგაზი“კიდევ ერთ მნიშვნელოვან პროექტს ახორციელებს და თავის სადგურებზე ელექტრომობილებისთვის უფასო ელექტროსატენი აპარატურის ქსელს ავითარებს. მომხმარებლებს საშუალება აქვთ, უფასოდ ისარგებლონ ელექტროდამტენებით ნეოგაზის ახლა უკვე 8 სადგურზე. ქსელში იმართება ასევე სხვადასხვა აქციები, მაგალითად მესამე პირის წინაშე პასუხისმგებლობის დაზღვევის აქცია, ტექდათვალიერების აქცია, რომლის ფარგლებშიც „ნეოგაზი“ მომხმარებლებს ეხმარება ტექდათვალიერების გავლაში. „ნეოგაზი“ მუდამ ზრუნავს ეკოლოგიაზე და ხელს უწყობს მომხმარებლებს, რომ მათაც შეიტანონ საკუთარი წვლილი გარემოზე ზრუნვაში,“ - დაამატა სალომე ასლანიკაშვილმა.

გარდა გარემოს დაცვისა, „ნეოგაზის“ სოციალური პასუხისმგებლობის სხვა მიმართულებებია ჯანმრთელობა და უსაფრთხოება, თანამშრომლები და საზოგადოება.