ვინ არის პ.ღ, რომლის სახელიც "თიბისი ბანკის" საქმეში ახლახანს გამოჩნდა

„თიბისის“ საქმეში კიდევ ერთი მონაწილის ვინაობა დასახელდა დღეს, პროკურატურაში გამართულ ბრიფინგზე.

ბრიფინგზე საუბრისას, პროკურორმა 2007-2008 წლებში განხორციელებული ტრანზაქციის გარდა, უკვე 2012 წელს მიმდინარე მოვლენებიც ახსენა, რომელშიც ბანკის ერთ-ერთ მაღალ მენეჯერულ პოზიციაზე მყოფ პირის სახელიც იკვეთება.

BPN.GE-ს ინფორმაციით, საუბარია პაატა ღაძაძეზე, რომელიც 2019 წლის 1-ელ იანვრამდე „თიბისი ბანკის“ გენერალური დირექტორის პირველი მოადგილის თანამდებობას იკავებდა, თუმცა ახლა ამ თანამდებობაზე აღარაა.

"2008 წლის ოქტომბერ-ნოემბერში - მამუკა ხაზარაძესთან დაახლოებული ბიზნესმენის კომპანიებს, ისე რომ სესხის დაფარვაც კი არ იყო დაწყებული, სესხის გადახდის ვადა, სრულიად უსაფუძვლოდ, გაეზარდათ ერთი წლით.

თუმცა, დაახლოებით ერთ თვეში, 2008 წლის 31 დეკემბერს, სესხის გადახდის ვალდებულების დადგომამდე, “თიბისი ბანკმა“: აღნიშნულ სესხებს სრულიად უსაფუძვლოდ მიანიჭა უიმედო კლასიფიკაცია; საბანკო რეგულაციებით დადგენილ ვადაზე ადრე, დაუსაბუთებლად ჩამოწერა ანუ გარე საბალანსო ანგარიშზე გადაიტანა ისე, რომ არ მომხდარა სესხის თანხის გადახდა; არ მოახდინა თავმდები პირებისთვის თანხის ანაზღაურების მოთხოვნა; არ მოახდინა ანგარიშზე არსებული თანხის უაქცეპტო წესით ჩამოჭრა ან სესხის უზრუნველსაყოფად ჩადებული ქონებების ჩამორთმევა.

ხაზგასმით აღსანიშნავია, რომ აღნიშნულის პარალელურად, მიუხედავად იმისა, რომ ბანკის მიერ შპს სამგორი თრეიდსა და სამგორი M-ზე გაცემულ სესხებს მიენიჭა უიმედო კლასიფიკაცია, "თიბისი ბანკი" განაგრძობდა მამუკა ხაზარაძესთან დაახლოებული ბიზნესმენის ხსენებული კომპანიების დაკრედიტებას და მათზე სხვა საკრედიტო ხელშეკრულებების საფუძველზე სესხების გაცემას წაიკითხეთ ვრცლად BPN.GE-ზე