მნიშვნელოვანი ინფორმაცია
8
ივნისიდღის ზოგადი ასტროლოგიური პროგნოზი
კვირა, მთვარის მეცამეტე დღე დაიწყება 19:40-ზე, მთვარე მორიელშია – კარგია ჯგუფური მუშაობისთვის, ახალი ინფორმაციის მოსაპოვებლად, სწავლის დასაწყებად. საყოფაცხოვრებო ნივთების დაგროვების, შეძენისა და წარმოებისთვის. კარგია პურის გამოცხობა. არ არის რეკომენდებული სერიოზული საქმეების და ვალდებულებების შესრულება, განსაკუთრებით მარტო. ადრე დაწყებული პროექტების მიტოვება. სიზარმაცე. ხელსაყრელი დღეა მოგზაურობისთვის, მივლინების ან მომლოცველებისთვის. აგრეთვე ოჯახის შესაქმნელად.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"რა არის საქართველოში ყველაზე საშიში? ჭაჭა!" - ამერიკულმა გამოცემამ 20 ტურისტულ მიმართულებას შორის დაგვასახელა
16:47 / 27-02-2019
პოპულარული ამერიკული სამოგზაურო გამოცემა Thrillist-მა საქართველო 2019 წლის 20 ტურისტულ მიმართულებას შორის დაასახელა. ამის შესახებ „ინტერპრესნიუსს“ ტურიზმის ეროვნული ადმინისტრაციიდან აცნობეს.
მათივე ცნობით, სიაში საქართველოსთან ერთად რუმინეთი, პოლონეთი, მონტენეგრო, სამხრეთ აფრიკის რესპუბლიკა, ნეპალი და სხვა ქვეყნები მოხვდნენ და ეს ის ადგილებია, სადაც Thrillist-ი ამერიკელ ტურისტებს მოგზაურობას ურჩევს.
Thrillist-ს თვეში 20 მილიონზე მეტი მკითხველი ჰყავს. აღსანიშნავია, რომ ჟურნალისტმა ბენჯამინ კემპერმა საქართველოს სხვადასხვა კუთხეში ტურიზმის ეროვნული ადმინისტრაციის მოწვევით იმოგზაურა და მკითხველს საქართველოს ტურისტული მიმართულება გააცნო.
„ახალი ტურისტული შემოთავაზება, უძველესი სამყარო სტუმართმასპინძლობითა და სითბოთი, ეს საქართველოა. მსოფლიო რუკაზე საქართველოს მოსაძებნად თვალის მოჭუტვა დაგჭირდებათ, მაგრამ ამ ქვეყნის მცირე გეოგრაფიულმა ზომამ არ მოგატყუოთ, საქართველოში ყველაფერი შთამბეჭდავია, ხაჭაპურიდან დაწყებული ცეცხლოვანი ფოლკლორული ცეკვებით გაგრძელებული, აქ იხილავთ კავკასიონის შთამბეჭდავ მთებს, რომელიც მდელოებს გადაჰყურებს. საქართველომ ბოლო პერიოდში ტრანსფორმაცია განიცადა, ქვეყანაში დაამარცხეს კრიმინალი, ააშენეს გზები, ახალი აეროპორტები, საზღვარგარეთ საქართველოს პოპულარიზაცია დაიწყო. რა არის დღეს საქართველოში ყველაზე საშიში? ეს ჭაჭაა, მაღალგრადუსიანი სასმელი, რომლისაც გასინჯვასაც ადგილობრივები ყველგან გთავაზობენ.
საქართველოში შეგიძლიათ სალაშქროდ ჩახვიდეთ, ახალი ტრანსკავკასიური სამთო ბილიკი თქვენ ევროპის ყველაზე მაღალ დასახლებაში გადაგისვრით. იქ, სადაც აღმოსავლეთი დასავლეთს ხვდება შეგიძლიათ მრავალფეროვანი, კერძები დააგემოვნოთ. უგემრიელესი ცომში გამოყვანილი წვნიანი კერძები, მცენარეული სალათები და ნიგვზიანი კერძები.
სადაც არ უნდა წახვიდეთ საქართველოში, ყველგან დაგხვდებათ უძველესი სამყაროსთვის დამახასიათებელი სტუმართმოყვარეობა, ყველა შესახვევში, ღვინოს იპოვით. ეს არის სასმელი, რომელიც ქართველებმა ანტიკურ პერიოდში გამოიგონეს.
არ დაგავიწყდეთ გერგეთის სამებაზე ასვლა, ეს არის სანთლებით დაღვენთილი სალოცავი, რომელიც მე-14 საუკუნეში ღრუბლებზე მაღლა ააშენეს. გერგეთის სამება ევროპის სიდიდით მე-5 მწვერვალის, მყინვარწვერის ჩრდილშია მოქცეული, იქ სადაც ღმერთებმა პრომეთე ცეცხლის მოპარვისთვის მიაჯაჭვეს“, -წერს ბენჯამინ კემპერი.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
