მნიშვნელოვანი ინფორმაცია
31
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
როგორ მოხვდა პუტინის პრესმდივნის ქალიშვილი ევროპარლამენტში - რა ვიცით 21 წლის ლიზა პესკოვას შესახებ
10:32 / 27-02-2019
რუსეთის პრეზიდენტის პრესმდივნის დმიტრი პესკოვის 21 წლის ქალიშვილი ლიზა პესკოვა ბოლო დღეებია მსოფლიო მედიის ყურადღების ცენტრშია. ეს მას შემდეგ, რაც ცნობილი გახდა, რომ გოგონამ ევროპარლამენტში სტაჟიორად მუშაობა დაიწყო, რაც იმას ნიშნავს, რომ თავისუფლად მიუწვდება ხელი ევროკავშირის არაერთ, მათ შორის გასაიდუმლოებულ დოკუმენტებზე. ამის შესახებ ინფორმაცია პირველად "რადიო თავისუფლების" ევროპის ბიურომ გაავრცელა.
ელიზავეტა პესკოვა სტაჟირებას ევროპის პარლამენტის ფრანგ წევრთან, ემერიკ შოპრადთან გადის. ეს დეპუტატი ცნობილია თავისი პრორუსული განწყობით მას შემდეგ, რაც 2014 წელს ღიად დაუჭირა მხარი რუსეთის მიერ ყირიმის ნახევარკუნძულის ანექსიას და ამ პროცესს რუსეთის ტერიტორიების დაბრუნება უწოდა.
შოპრადმა "რადიო თავისუფლებასთან" საუბარში დაადასტურა, რომ პესკოვა მისი გუნდის წევრია. "ქალბატონი პესკოვა ნამდვილად არის რუსეთის ფედერაციის მნიშვნელოვანი პიროვნების შვილი, მაგრამ როგორც სტუდენტს, მას სხვა ახალგაზრდების მსგავსად აქვს უფლება, რომ სწავლის ფარგლებში სტაჟირება გაიაროს" - უპასუხა შოპრადმა გამოცემას.
მისივე თქმით, პესკოვა, ამჟამად რუსეთში არც სახელმწიფო და არც კერძო კომპანიებისთვის არ მუშაობს და შესაბამისად, ეს ვერ გამოიწვევს ინტერესთა კონფლიქტს, მისი როგორც ევროპის პარლამენტის წევრის უფლებამოსილებების განხორციელების პროცესში.
აღსანიშნავია რომ, ევროპარლამენტში ფრანგი დეპუტატი საგარეო ურთიერთობების, უსაფრთხოებისა და თავდაცვის ქვეკომიტეტისა და ევროკავშირ-რუსეთის საპარლამენტო კომიტეტის დელეგაციის წევრია.
"რადიო თავისუფლება" წერს, რომ "ევროპის სახალხო პარტიის" წარმომადგენელი სანდრა კალნიეტე ამას სამსახურებრივ გულგრილობად მიიჩნევს: "ეს ევროპის პარლამენტის უსაფრთხოების ზოგადი წესების დარღვევაა" - აღნიშნა მან.
როგორც გაირკვა, ევროპის პარლამენტში ბევრს არ ჰქონდა ინფორმაცია, რომ რუსი მაღალჩინოსნის ოჯახის წევრი პარლამენტში მუშაობდა.
"რადიო თავისუფლებასთან" საუბარში პიატრას აუშტრიავიჩიუსი, რომელიც პარლამენტში ლიბერალურ ჯგუფს წარმოადგენს, პესკოვას დასაქმებას "ძალიან დიდ სირცხვილს" უწოდებს. "მიჭირს დავიჯერო, რომ კრემლის ხელია ევროკავშირის ინსტიტუტების ჯიბეებსა და გულში," - განაცხადა მან.
ცნობისთვის, სტაჟიორის მუშაობის საფასურს თავად პარლამენტარი ადგენს და ამ შემთხვევაში, ემერიკ შოპრადი ელიზავეტა პესკოვას 1600 ევრომდე უხდის.
არსებული ინფორმაციით, ვლადიმერ პუტინის პრესმდივნის შვილს, ხელი მიუწვდება დახურულ შეხვედრებზე, სხდომებზე, ნებისმიერი საკითხის განხილვის პროცესზე, როგორც ბრიუსელში, ასევე სტრასბურგში. ასევე, მისთვის ხელმისაწვდომია დეპუტატების პერსონალურ კომპიუტერში შენახული ინფორმაცია და შიდა ქსელები. თავად ელიზავეტა პესკოვა მედიასთან კომენტარს არ აკეთებს.
ლიზა დმიტრი პესკოვის უფროსი ქალიშვილია, მეორე ქორწინებიდან. ის ლიზას დედას, ეკატერინა სოლოცინსკაიას 2012 წელს დაშორდა. მას შემდეგ, ეკატერინა პარიზში რუსული მეცნიერებისა და კულტურის ცენტრის ხელმძღვანელი იყო.
ელიზავეტა პესკოვა 11 წლიდან პარიზში ცხოვრობს და სწავლობს. გოგონა ხუთ ენაზე საუბრობს. ამჟამად, ადგილობრივ ბიზნეს-სკოლაში მარკეტინგს ეუფლება. გოგონას თქმით, ბოლო რამდენიმე წელია პარიზსა და ბრიუსელში ცხოვრობს და რუსეთში იშვიათად ჩადის. 2016 წელს რუსი დეპუტატების რეკომენდაცია - იმ მაღალჩინოსნების შვილები, რომლებიც ევროპაში იღებდნენ განათლებას, რუსეთში დაბრუნებულიყვნენ, სასტიკად გააპროტესტა.
"ეს რუსეთისთვის ძალიან მომგებიანია და არანაირად არ აზიანებს პატრიოტიზმს. ევროპაში ცხოვრების გამოცდილება, რუსეთისთვისაც ძალიან მომგებიანია, თუ კი მას სწორად გამოიყენებ…" - აცხადებდა ელიზავეტა. მისმა განცადებამ, რომ რუსეთის განათლების სისტემა არის "შხამი", რუსი ინტერნეტმომხმარებლების მწვავე რეაქცია გამოიწვია.
მამასთან ლიზას განსაკუთრებით ახლო ურთიერთობა აქვს, სოციალურ ქსელ "ინსტაგრამზე" ხშირად აქვეყნებს დმიტრი პესკოვთან ერთად გადაღებულ ფოტოებს. მის "ინსტაგრამზე" ასევე აღმოაჩენთ რუსეთის ცნობილ სახეებთან, ასევე პოლიტიკოსებთან ერთად გადაღებულ ფოტოებს. მათ შორის ალა პუგაჩოვასა და მაქსიმ გალკინს, ასევე ფოტოს, რომელზეც ასახულია, როგორ ცეკვავს ელიზავეტა პესკოვა ჩეჩნეთის ლიდერ რამზან კადიროვთან ერთად.
ელიზავეტა პესკოვას მამა 20 წელზე მეტია პუტინის პრესმდივნად მუშაობს. რუსეთში ყველაზე აქტიური ოპოზიოცინერი, ალექსეი ნავალნი მის კორუმპირებულობაზე მუდმივად საუბრობს. უფრო ადრე, დმიტრი პესკოვის ცოლი ამერიკაში საგადასახადო მაქინაციებში დაადანაშაულეს და მაშინ, პუტინის "მარჯვენა ხელს" საკმაოდ დიდი ჯარიმის გადახდა მოუწია.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
აი, ბატონო, დადასტურება იმისა, რომ რუსული იმპერიალისტური მაფია ყველგანაა მოდებული.