მნიშვნელოვანი ინფორმაცია
6
ივნისიდღის ზოგადი ასტროლოგიური პროგნოზი
პარასკევი, მთვარის მეთერთმეტე დღე დაიწყება 17:02-ზე, მთვარე სასწორშია – ერთ-ერთი ყველაზე ენერგიული, წარმატებული და ძლიერი დღეა. ნებისმიერი დავალების შესრულებისას საჭიროა სიფრთხილე და ყურადღება. იმოქმედეთ გადამწყვეტად, ბიზნესში თუ სამსახურში. განხორციელდეთ ის, რაც ჩაფიქრებული გქონდათ. გააფორმეთ კონტრაქტები, დაიკავეთ ახალი პოზიცია. დაასრულეთ რაც დაიწყეთ. დღის საუკეთესო საკვებად ითვლება წვენები და ხილი. გამოიჩინეთ მზრუნველობა და სიყვარული საყვარელი ადამიანის მიმართ, მიართვათ საჩუქარი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
უთანხმოება სარალიძე-მაჩალიკაშვილის მხარდამჭერებს შორის - რატომ დატოვეს კარვები აქციის მონაწილეებმა
16:40 / 26-02-2019
პარლამენტის შენობის წინ განთავსებულ კარვებში ზაზა სარალიძის მხარდამჭერთა ნაწილი აღარ იმყოფება. არსებული ინფორმაციით, აღნიშნულის მიზეზი ზაზა სარალიძისა და მალხაზ მაჩალიკაშვილის მხარდამჭერებს შორის მომხდარი გარკვეული უთანხმოებაა.
აღნიშნულთან დაკავშირებით Ambebi.ge აქციის ერთ-ერთ მონაწილეს, გიორგი მათიაშვილს დაუკავშირდა, რომელმაც კომენტარის გაკეთება არ ისურვა. ამ თემაზე საუბრისგან თავი შეიკავა ხორავას ქუჩაზე მოკლული დავით სარალიძის მამა, ზაზა სარალიძემაც, თუმცა მისი მხარდამჭერების კარვებიდან წამოსვლის ფაქტი არ უარყო.
შეკითხვაზე, თუ რატომ აღარ ჩანს პარლამენტის წინ აქციაზე თავად ზაზა სარალიძე, ხორავას ქუჩაზე მომხდარი, მოზარდებს შორის დაპირისპირებისას მოკლული დავით სარალიძის მამა აღნიშნულს მის ჯანმრთელობის მდგომარეობას უკავშირებს.
"პარლამენტთან ვართ ჩვეულებრივად, უბრალოდ ჯანმრთელობის მხრივ მაქვს პრობლემები, ვმკურნალობ და ეს ყველაფერი მიშლის ხელს. რაც შეეხება კონკრეტულ ადამიანებს, რომლებიც ჩემს გვერდით არიან, თუ რატომ აღარ იმყოფებიან კარვებში, ამ კითხვის პასუხისგან თავს შევიკავებ", - განუცხადა ზაზა სარალიძემ Ambebi.ge-ს.
რაც შეეხება მალხაზ მაჩალიკაშვილის განცხადებას, რომ ერთი კარავი შესაძლოა, მთავარ პროკურატურასთან დადგან, სარალიძის თქმით, ინფორმაციას არ ადასტურებს.
"მე ვიბრძვი სამართლიანობისთვის. პროკურატურასთან წავალ თუ სად წავალ, ეგ არავინ იცის, მე კონკრეტულად არაფერს ვადასტურებ", - აღნიშნა სარალიძემ.
თავის მხრივ, ზაზა სარალიძესთან რაიმე ტიპის უთანხმოებას უარყოფს მალხაზ მაჩალიკაშვილი. როგორც Ambebi.ge-ს გარდაცვლილ თემირლან მაჩალიკაშვილის მამამ განუცხადა, მასსა და ზაზა სარალიძეს შორის უთანხმოება არ მომხდარა და ორივე ერთად აგრძელებს ბრძოლას სამართლიანობის აღდგენისთვის.
"ჩემსა და ზაზა სარალიძეს შორის დაპირისპირება არ მომხდარა და არასდროს არ მოხდება! ჩემსა და ზაზას შორის დაპირისპირება იქნება მთელი ქვეყნის სირცხვილი. მსგავსი არაფერი მომხდარა და ამას არც დავუშვებთ არც მე და არც ზაზა", - აღნიშნა მალხაზ მაჩალიკაშვილმა.
ფაქტთან დაკავშირებით, ინფორმაციას არ ფლობს აქციის კიდევ ერთი მონაწილე, გიორგი ოლქიევი. Ambebi.ge-სთან საუბრისას ოლქიევი აღნიშნავს, რომ ის ადგილზე არ იმყოფება და უთანხმოების შესახებ არაფერი სმენია, თუმცა არ უარყოფს, რომ აქციას იმ ადამიანთა ნაწილი გამოაკლდა, რომელებიც ზაზა სარალიძის გვერდით პირველივე დღეებში გამოჩდნენ და რომელთა ნაწლიც, აქციის საორგანიზაციო საკითხებსა და სარალიძის უსაფრთხოებას კურირებდა.
"არაფერი არ ვიცი, ადგილზე არ ვყოფილვარ. რატომ წავიდა აქციის მონაწილეთა ნაწილი, არც ეს ვიცი. დაპირისპირება არ ყოფილა", - აღნიშნავს გიორგი ოლქიევი.
არსებული ინფორმაციით კი, უთანხმოება აქციის სხვა მონაწილეებთან სწორედ გიორგი ოლქიევს მოუვიდა, თუმცა უთანხმოების გამომწვევი მიზეზი უცნობია.
"შვილმოკლული მამების აქცია" პარლამენტის შენობის წინ, 2018 წლის 10 სექტემბერს დაიწყო. ზაზა სარალიძისა და მალხაზ მაჩალიკაშვილის მთავარი მოთხოვნა, მათი შვილების მკვლელობის საქმის ობიექტური გამოძიება და სამართლიანობის აღდგენაა. პარლამენტის შენობის წინ, აქციის მონაწილეთა არაერთი მცდელობის შემდგომ უკვე ექვსი თვეა კარვებია გაშლილი.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
