მნიშვნელოვანი ინფორმაცია
4
ივნისიდღის ზოგადი ასტროლოგიური პროგნოზი
4 ივნისი, ოთხშაბათი, მთვარის მეცხრე დღე დაიწყება 14:30-ზე, მთვარე სასწორში გადავა 17:41-ზე – დღის ენერგია უარყოფითად მოქმედებს ადამიანებზე. პროვოკაციების დღეა, უფრთხილდით მოტყუებას და ცდუნებებს, იყავით მოკრძალებული. ცოტა დაისვენეთ, აღიდგინეთ ძალა. მოუფრთხილდით პირად ნივთებს. იყავით თავშეკავებული და ტოლერანტული სამსახურში, კომუნიკაციაში, ეცადეთ არავის ანაწყენოთ. არ მიიღოთ მონაწილეობა სარისკო საქმიანობაში. არ არის რეკომენდებული ბიზნესის დაწყება, პრეზენტაციებსა და გასართობ ღონისძიებებზე დასწრება, ხელშეკრულებების გაფორმება. საბუთების შედგენა. აქტიური ორგანოებია: თირკმელები, შარდის ბუშტი, გამომყოფი სისტემა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
მადურო რუსეთის მძევალია? - რას ამბობენ რუსი და ევროპელი ექსპერტები ვენესუელაში რუსეთის ინტერესებზე
11:19 / 26-02-2019
ვენესუელაში სიტუაცია კვლავ უკიდურესად დაძაბულია. ბოლო დღეების განმავლობაში ვენესუელას პრეზიდენტის მოვალეობის შემსრულებლის, ხუან გუაიდოს ინიციატივით, ქვეყანაში ჰუმანიტარული დახმარების შეტანას ვენესუელას მოქმედი პრეზიდენტი ნიკოლას მადურო დაუპირისპირდა. მან თავის მომხრეებთან ერთად ამერიკასა და სხვა ქვეყნებიდან მიღებულ ჰუმანიტარულ დახმარებაზე კატეგორიული უარი თქვა, შედეგად კი, ასობით ადამიანი დაშავდა.
დასავლური მედიის ცნობით, ვენესუელა-ბრაზილიისა და ვენესუელა-კოლუმბიის საზღვარებთან სამართალდამცავი ორგანოების და დემონსტრანტების შეტაკების შედეგად არიან დაღუპულები; დაშავებულია 335 ადამიანი.
"ამერიკის ხმის" ცნობით, შეერთებული შტატების სახელმწიფო მდივანი მაიკ პომპეო აცხადებს, რომ მადუროს დიდი დრო არ დარჩა. "ზუსტი თარიღის თქმა ძნელია. დარწმუნებული ვარ, ვენესუელას ხალხი უზრუნველყოფს, რომ მადუროს დღეები დათვლილი იყოს" - განაცხადა პომპეომ.
23 თებერვალს ნიკოლას მადუროს მხარდამჭერმა ძალებმა ოპოზიციის წინააღმდეგ ცრემლსადენი გაზი და რეზინის ტყვიები გამოიყენეს. მიუხედავად იმისა, რომ მადურო ჰუმანიტარული ტვირთის შემოტანას ეწინააღმდეგებოდა, ოპოზიცია შეეცადა საბარგო მანქანებიდან ჰუმანიტარული ტვირთი გადმოეზიდა და დაერიგებინა. თუმცა, უსაფრთხოების ძალებმა მანქანებს ცეცხლი მოუკიდეს.
ქვეყნის გარდამავალმა პრეზიდენტმა ხუან გუაიდომ სოციალურ ქსელში დაწერა, რომ აპირებს საერთაშორისო საზოგადოებას მიმართოს, ყველა შესაძლებლობა გამოიყენონ და ქვეყნის გათავისუფლება უზრუნველყონ... მოგვიანებით, შეერთებული შტატების ვიცე-პრეზიდენტმა მაიკ პენსმა განაცხადა, რომ ის ხუან გუაიდოსთან შეხვედრას გეგმავს. შესაძლოა, პენსმა ვენესუელას მიმართ ახალი სანქციების შესახებ გააკეთოს განცხადება.
რუსული მედია და ექსპერტების ნაწილი ხაზს უსვამს რუსეთის მხარდაჭერას იმ ფონზე, როცა აშშ სამოქალაქო დაპირისპირების ზღვარზე მყოფ ქვეყანას ახალი სანქციებით ემუქრება, "დასავლური მედია კი ვენესუელაში "Вагнер"-ის მოხალისეების ყოფნაზე საუბრობს..."
თუმცა, რუსი ექსპერტების კიდევ ერთი ნაწილი მიიჩნევს, რომ ეს არის რუსეთის კიდევ ერთი შეცდომა და როდესაც იქ "ვაგნერის" მეომრების ყოფნაზე დაიწყეს საუბარი, ნიშნავს, რომ ეს ყველაფერი სიმართლისგან შორს არ არის, რადგან რუსეთი ამ შანსს ხელიდან არ გაუშვებდა.
"20-მდე ევროპულმა ქვეყანამ, მათ შორის: ბრიტანეთმა, გერმანიამ, საფრანგეთმა, ესპანეთმა, პორტუგალიამ, პოლონეთმა და სხვებმა, გუაიდო გარდამავალ პრეზიდენტად აღიარეს, რუსეთმა და ჩინეთმა დიქტატორ მადუროს დაუჭირეს მხარი. ალბათ ყველაფერი ნათელია...”- წერს infox.ru.
გამოცემის ცნობით, ის, რომ რუსეთის პროპაგანდისტული მანქანა კარგად მუშაობს, რუსი საზოგადოების მადუროს მიმართ დამოკიდებულებიდანაც კარგად ჩანს - 57% მას გულშემატკივრობს და მიაჩნია, რომ ხელისუფლებაში უნდა დაბრუნდეს.
Эхо Москвы-სთვის მომზადებულ სტატიაში ექსპერტი ივან ჩუმაკოვი ამბობს, რომ რუსეთის ვენესუელას საშინაო საკითხებში ჩარევა ვლადიმირ პუტინის რეიტინგს დაარტყამს.
"გასაგებია, რომ ხალხისთვის ცნობილია ფრაზა - "პუტინი თავისიანებს არ ტოვებს", თუმცა, ამ შემთხვევაში მას სიფრთხილე მართებს, რადგან როგორც კი მადურო პუტინის მხარდაჭერაზე ხმამაღლა ალაპარაკდა, რუსეთის პრეზიდენტის რეიტინგი მყისიერად დავარდა.
მით უფრო, რომ ბოლო 13 წლის განმავლობაში მისი რეიტინგი ისტორიულ მინიმუმზე დაბლაა. ახლა ვენესუელაში ვითარება სოციალური ფონის გათვალისწინებით, უფრო და უფრო მძიმდება, ამიტომ ახლა, ამ კონკრეტულ სიტუაციაში მისთვის სამხედრო გზით მხარდაჭერა, პუტინისთვის ფაქტიურად, პოლიტიკური კრახის ტოლფასია..." - წერს ჩუმაკოვი.
RT-ის ცნობით, პოლონელი პოლიტოლოგი ეჟი ტარგალსკის თქმით, მსოფლიოს ქვეყნების უმრავლესობა გუაიდოს აღიარებს ვენესუელას პრეზიდენტად. ნიშანდობლივია, რომ მადუროს მხარეს არის რუსეთი, ჩინეთი და კუბა.
"ამ რეალობაში რუსეთი აქტიურობს და თუ ვენესუელაში ამ ქვეყნის ინვესტიციებს გავითვალისწინებთ, შეიძლება ითქვას, მადურო რუსეთის მძევალია. არც ის არის გამორიცხული, რომ რუსეთმა იგივე სცენარით წარმართოს სიტუაცია, როგორც სირიაში - ვგულისხმობ ქაოსს. რუსეთს ვენესუელა სხვადასხვა რამის გამო სჭირდება, მათ შორის ბუნებრივი რესურსები, ასევე ნარკოტიკების ბაზარი", - აცხადებს პოლონელი პოლიტოლოგი.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აფეთქება, ამჯერად წყალქვეშ - თავდასხმა ყირიმის ხიდზე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
