მნიშვნელოვანი ინფორმაცია
10
ივნისიდღის ზოგადი ასტროლოგიური პროგნოზი
სამშაბათი, მთვარის მეთხუთმეტე დღე დაიწყება 22:19-ზე, მთვარე მშვილდოსანშია – ენერგიული დღეა. ჯობია ემოციების მოთვინიერება, ვნებების აღკვეთა და თვითდისციპლინის გაძლიერება დაიწყება. მოიქეცით მშვიდად. მნიშვნელოვანი არაფერი გააკეთო. დაიწყეთ მარტივი ამოცანები, რომლებიც არ საჭიროებს ზედმეტ ძალისხმევას. ყურადღება მიაქციეთ საინტერესო იდეებს, შესაძლოა სამომავლოდ გამოგადგეთ. არ არის რეკომენდებული გამოიჩინოთ ამბიცია. გადაიტანოთ პასუხისმგებლობა სხვა ადამიანებზე. ჩაერთოთ ფინანსურ ოპერაციებში. მნიშვნელოვანი მოლაპარაკებების წარმოება. დღეს მოხმარებული პროდუქტები უნდა იყოს მაღალი ხარისხის და ახალი. უმჯობესია უარი თქვათ ძლიერ ჩაის, ყავასა და ალკოჰოლურ სასმელებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"თავიდანვე ტრაგიკული იღბალი დაჰყვა..." - ვინ იყო გოდერძის როლის შემსრულებელი ფილმში "ჯარისკაცის მამა"
16:35 / 05-05-2020
სამსახიობო კარიერა თეატრის სცენაზე დაიწყო და საკმაოდ წარმატებულადაც, მერე კინოროლებით გახდა პოპულარული. ჯერ კიდევ სტუდენტი იყო, როცა რეზო ჩხეიძის ფილმში "ჯარისკაცის მამა" გოდერძი მახარაშვილი ითამაშა. ფილმებში ეპიზოდების გარდა, რამდენიმე მთავარი როლიც განასახიერა.
გია (გიჟური) კობახიძე საქართველოს დამსახურებული არტისტი გახლდათ. წოდების მისაღებად არავინ შეუწუხებია, ამაზე არც ფიქრობდა. ყველაზე მეტად თავისი ქვეყნის ბედზე შესტკიოდა გული. მსახიობს თავიდანვე ტრაგიკული იღბალი დაჰყვა. 16 წლის იყო, როცა მამამისი გაურკვეველ ვითარებაში გარდაცვლილი იპოვეს. როგორც ამბობენ, ის სტალინისტი იყო და ბელადის კულტის დაგმობას შეეწინააღმდეგა.
გია კობახიძის პირადი ცხოვრებაც არ აეწყო... მისი დაკრძალვის დღეს რეზო ჩხეიძეს დანანებით უთქვამს: ძალიან ნიჭიერი კაცი იყო და ვერ ვუპატრონეთო...
გთავაზობთ ამონარიდებს ჟურნალ "გზაში" გამოქვეყნებული ინტერვიუდან:
"პატარა გია ძალიან ცელქი იყო. ამბობდნენ, - ოი, რა გიჟი ბიჭიაო... გიჟია, გიჟი და გიჟურიც ამიტომ შევარქვით. კობახიძეების უბანი იყო სოფლის შემაღლებულ ადგილას, ისინი სერზე ცხოვრობდნენ. ძმების მამა, პარტიული მუშაკი - რაიაღმასკომის თავმჯდომარე, ზესტაფონში მუშაობდა. ოჯახს როდინაულში დიდი მიწები და კარგი მატერიალური მდგომარეობა ჰქონდა..."
"ახოვანი, წარმოსადეგი და ლამაზი გია ერთი ერთში მსახიობ გრეგორი პეკს ჰგავდა. ასეთი მსგავსება იშვიათია. წარმოსადეგი გარეგნობისა იყვნენ მისი ძმებიც. გია უმცროსი იყო. ბებიაჩემისგან ვიცი მაგათი ბიძის ამბავი. ის ულამაზესი, ახოვანი და ძლიერი კაცი ყოფილა. ერთხელ ტყეში დიდი მორი მოუჭრია და მარტოს აუწევია. ეტყობა, რაღაც დაუზიანდა ან ინფარქტი მიიღო, ცოტახანს ჩაწვა და ახალგაზრდა გარდაიცვალა.
აქედან იწყება მათი ოჯახის ტრაგიკული ამბები. შუათანა ძმა რუბენი სრულიად უმიზეზოდ დაიჭირეს. მატარებელში ძარცვა მოხდა, ამ ფაქტთან ბიჭს არანაირი კავშირი არ ჰქონდა, მაგრამ მგზავრობდა მატარებლის იმ ვაგონში და მძარცველებს ისიც მიაყოლეს. ციხეში 10 წელი გაატარა..."
"გიას დედა თითქმის ას წელს მიღწეული გარდაიცვალა, მამამისი კი 1957 წელს მოკლეს. უპატიოსნესი და რაიონში გამორჩეული კაცი იყო. გამორიცხულია, ვინმეს შურისძიების მიზნით მოეკლა, არც გაძარცვული ყოფილა. რაიონიდან სოფელში მიდიოდა, მდინარის პირას იპოვეს სასტიკად ნაცემი. ვერაფერი გაიგეს და არც არავინ დაუჭერიათ. გადის დრო, უკვე ჩემი ოჯახი მაქვს და შემომითვალეს, რომ ვიტალი (უფროსი ძმა) და გია დაიჭირეს..."
"მსახიობს იცით, რა კლავს? როლების ნოსტალგია... გიამ ბოლო წლებში ლექსების წერა დაიწყო. სხვათა შორის, კობახიძეებს პოეტური ნიჭი აქვთ, დეიდაჩემიც წერდა. გიამ ბოლოს რომ დამირეკა, მითხრა: ლექსების კრებულს გამოგიგზავნი, არა ვარ კარგადო. მომეწონა, სიმპათიური ლექსებია. ერთი ლექსის ტაეპების პირველი ასოებისგან, ქეთევანი ამოვიკითხე და მესიამოვნა. ფილმებს მისი მონაწილეობით ყოველთვის გულდაწყვეტით ვუყურებ..."
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რა დასანანია აქამდე არ ვიცოდი გოდერძის როლის შემსრულებლის ვინაობა. არა და მთელი ფილმი იმაზეა აგებული აგერ ნახავს თავის შვილს გიორგი ბოლოს მომაკვდავ შვილს ჩახუტებული მამა საზარელი სანახავია ახლაც ცრემლი მომადგა ამ სტრიქონებს რომ ვწერ. ვინ იცის ქართველმა ხალხმა რამდენჯერ დაიტირა ეს სანაქებო ვაჟკაცი. ნათელი დაადგეს მის ვაჟკაცურ და სპეტსკ სულს. არ დავკარგოთ ასეთი ადამიანი. განა რამდენი ვართ ქართველები. უფრო მეტი ინფორმაცია მოგვაწოდეთ.
უფრო ვრცლად დაწერეიცოდეს ხალხმა ვინ და რანი იყვნენ ეს საუკეთესო ადამიანები..