მნიშვნელოვანი ინფორმაცია
28
მაისიდღის ზოგადი ასტროლოგიური პროგნოზი
ოთხშაბათი, მთვარის მეორე დღე დაიწყება 04:56-ზე, მთვარე კირჩხიბში გადავა 21:36-ზე – კარგია ბიზნესის დაწყება. მუშაობა ინდივიდუალურადაც და გუნდურადაც. მოძებნეთ სპონსორები თქვენი პროექტებისთვის. შეგიძლიათ დაიწყოთ ახალი საგნების სწავლა, ჩაირიცხოთ კურსებზე. მოგზაურობა, მივლინებები. ერთ-ერთი საუკეთესო დღეა ქორწინებისთვის. ამ დღეს შექმნილი ოჯახი ძლიერი და მეგობრული იქნება. კარგია მტვერსასრუტით სახლის დალაგება, სანტექნიკის გამოცვლა. აუცილებელია ნათურების, ჭაღების გაწმენდა, აგრეთვე ჭურჭლისა და სარეცხის გარეცხვა. კარგი დღეებია მცენარეების მორწყვისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ვინ არის 11 წლის ბიჭი, რომელსაც კარლ ლაგერფილდის ქონების ნაწილი დარჩება
18:27 / 21-02-2019
19 თებერვალს ლეგენდარული დიზაინერი, Chanel-ის მოდის სახლის კრეატიული დირექტორი კარლ ლაგერფილდი გარდაიცვალა. მისი სიკვდილის შემდეგ ერთ-ერთი მთავარი კითხვაა, ვის დარჩება 85 წლის დიზაინერის 400 მილიონ ევროდ შეფასებული ქონება. ამ ქონების მემკვიდრეები კი სავარაუდოდ, დიზაინერის ბირმული კატა შუპეტი და 11 წლის ნათლული ჰადსონ კროენიგი გახდებიან.
შუპეტი, რომელიც უამრავ რეკლამაში გადაიღეს, ლაგერფილდს განსაკუთრებულად უყვარდა.
"ის ჩემი სამყაროს ცენტრია, მის მოძრაობაში რაღაც განსაკუთრებულს ვხედავ. მისი ელეგანტურობა ჩემი შთაგონების წყაროა" - ამბობდა ერთ-ერთ ინტერვიუში დიზაინერი საყვარელი კატის შესახებ.
მიუხედავად შუპეტის სიყვარულისა, ლაგერფილდის ერთ-ერთ მთავარ მემკვიდრედ მაინც 11 წლის ჰადსონს მიიჩნევენ. საფრანგეთის კანონმდებლობის მიხედვით, ლაგერფილდს არ ჰქონდა უფლება მთელი ქონება ცხოველისთვის დაეტოვებინა. ჰადსონისთვის მემკვიდრეობის დატოვების შემთხვევაში კი ის ვერ განკარგავს ქონებას, სანამ სრულწლოვანი არ გახდება.
ჰადსონი ცნობილი მოდელის და ლაგერფილდის მუზის - ბრედ კროენიგის შვილია. როგორც ამბობენ, ლაგერფილდი პატარა ჰადსონში საკუთარ თავს ხედავდა.
უცხოური გამოცემების მიხედვით, სწორედ ლაგერფილდის წყალობით მიაღწია ბრედ კროენიგმა წარმატებას. დიზაინერს სურდა ოჯახი ჰყოლოდა და განსაკუთრებულად კარგად ექცეოდა ბრედს და მის მეუღლეს ნიკოლს, ხოლო მას შემდეგ, რაც პატარა ჰადსონი დაიბადა, ლაგერფილდს შესთავაზეს, რომ ის გამხდარიყო ბიჭის ნათლია.
Chanel-ის მთავარი დიზაინერი ყველაფერს აკეთებდა ჰადსონის წარმატებისთვის. ხშირად ხუმრობით იმასაც ამბობდნენ, რომ ჰადსონი Chanel-ის პოდიუმზე გაიზარდა. ბიჭს „პოდიუმის პრინცი“ შეარქვეს, ის წლებია ჩვენებებში იღებს მონაწილეობას. პირველად ჰადსონი პოდიუმზე 2 წლის ასაკში მამასთან ერთად გამოჩნდა.
„ზუსტად არ მახსოვს როდის შედგა ჩემი დებიუტი, ალბათ ძალიან შეშინებული ვიყავი, თუმცა ახლა თავს კარგად ვგრძნობ“, - ამბობს ერთ-ერთ ინტერვიუში ლაგერფილდის ნათლული.
მოამზადა ეკა გადახაბაძემ
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შინაგან საქმეთა მინისტრად გელა გელაძე დაინიშნა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
