მნიშვნელოვანი ინფორმაცია
18
ივნისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
იაგო ნებიერიძემ ნაფიც მსაჯულთა სასამართლოზე უარი განაცხადა - "ყველაფერი საინფორმაციო წყაროებით გავრცელებულია"
17:48 / 21-02-2019
იაგო ნებიერიძე დუმილის უფლებით სარგებლობს და ნაფიც მსაჯულთა სასამართლოზე უარი განაცხადა, - ამის შესახებ ჟურნალისტებს გორში, 9 წლის გოგონას მკვლელობაში ბრალდებულის ადვოკატმა, მარიამ პოპიაშვილმა რუსთავის N6 პენიტეცნიური დაწესებულებიდან გამოსვლის შემდეგ განუცხადა. როგორც ადვოკატი განმარტავს, მან ბრალდების მხარის მიერ წარმოდგენილი ყველა მტკიცებულება სადავოდ სცნო.
"ყველა მტკიცებულება, რაც ჩვენთვის იყო გადმოცემული, სადავოდ ვცანით. იაგო ნებიერიძე დუმილის უფლებით სარგებლობს და ნაფიც მსაჯულთა სასამართლოზე უარი განაცხადა. საქმე არსებითად განსახილველად სასამართლოს გადეცა. ნაფიც მსაჯულთა სასამართლოთი სარგებლობის უფლება იაგო ნებიერიძეს ფაქტობრივად მოესპო, იმის გამო, რომ ყველაფერი საინფორმაციო წყაროებით გავრცელებულია", - აღნიშნა პაპოშვილმა.
მისივე განმარტებით, ნებიერიძე დუმილის უფლებას სასამართლოში დაარღვევს. "შემდგომში დუმილს არ აპირებს. ექსპერტიზის დასკვნა, როცა სასამართლოზე იქნება გამოკვლეული და ექსპერტები დაიკითხებიან, მერე მოგაწოდებთ ინფორმაციას. გამამართლებელ განაჩენს ველოდები თუ არა, ამას არ და ვერ გეტყვით, მაგრამ არსებითი განხილვის ეტაპზე ყველაფერი გამოიკვეთება, თითოეულ მტკიცებულებას სამართლებრივი შეფასება მიეცემა", - აღნიშნა ადვოკატმა.
შემდეგი სასამართლო სხდომა 6 მარტს, 14:00 საათზე დაინიშნა.
გორში 9 წლის ნანიკო ბერიაშვილი 25 ოქტომბერს გაუჩინარდა. ის რამდენიმე საათში სამართალდამცველებმა გარდაცვლილი იპოვეს. განზრახ მკვლელობის ბრალდებით 33 წლის, წარსულში ნასამართლევი იაგო ნებიერიძე დააკავეს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ევროკავშირმა რუსეთის წინააღმდეგ ყირიმის ანექსიისთვის დაწესებული სანქციები ერთი წლით გაახანგრძლივა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
