მნიშვნელოვანი ინფორმაცია
9
ივნისიდღის ზოგადი ასტროლოგიური პროგნოზი
ორშაბათი, მთვარის მეთოთხმეტე დღე დაიწყება 21:02-ზე, მთვარე მშვილდოსანში იქნება 18:53-დან, უკურსო მთვარის პერიოდი იქნება 16:06-დან 18:55-მდე – მიიღეთ აქტიური და გადამწყვეტი მოქმედება. დაიწყე მნიშვნელოვანი და სერიოზული საქმეები. მომავალ წარმატებაში ეჭვი არ შეგეპაროთ. ფრთხილად და კარგად დაფიქრდი თქვენს ნაბიჯებზე. კომუნიკაცია სხვადასხვა ადამიანებთან. გააძლიერეთ ოჯახური კავშირები და დაამყარეთ ურთიერთობა საყვარელ ადამიანებთან, განსაკუთრებით უფროს თაობასთან. თუ შესაძლებელია, გადადეთ ყველაფერი, დაისვენეთ და ისიამოვნეთ ცხოვრებით. ფიზიკური აქტივობა სასარგებლოა. გაუფრთხილდით მხედველობას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ცენტრ პოინტი" დაზარალებულების დასახმარებლად მოლაპარაკებებს სახელმწიფოსთან აწარმოებს - M2-თან შეთანხმება ვერ შედგა
11:47 / 21-02-2019
„ცენტრ პოინტ ჯგუფის“ ერთ-ერთი დამფუძნებლის გუკა რჩეულიშვილის განცხადებით, კომპანია დაზარალებულების დასაკმაყოფილებლად კერძო დეველოპერებს აღარ ეძებს და მოლაპარაკებებს უშუალოდ სახელმწიფოსთან აწარმოებს. ამის შესახებ რჩეულიშვილმა „ინტერპრესნიუსს“ განუცხადა.
„მოლაპარაკება სხვა კომპანიასთან არ მიმდინარეობს, განსხვავებული სცენარით მივდივართ. კომპანიები ჩართული არ არიან. „ცენტრ პოინტსა“ და სახელმწიფოს შორის მიდის მოლაპარაკება“, - განაცხადა რჩეულიშვილმა.
ამასთან, მან იმ მიზეზებზეც ისაუბრა, რის გამოც საბოლოოდ, M2-თან შეთანხმება ვერ შედგა.
„ჩვენსა და M2-ს შორის ყველაფერი დალაგებული იყო, ყველა პირობაზე შეთანხმებული ვიყავით, უბრალოდ, M2-ს ჰქონდა რამდენიმე წინაპირობა წამოყენებული, რომელიც სახელმწიფოს უნდა შეესრულებინა. იქიდან სახელმწიფომ ყველა შეასრულა ორი წინაპირობის გარდა. ერთი ეხება ფინანსურ ინიციატივებს საგადასახადო კუთხით. მეორე, ნინოშვილის განაშენიანების გეგმის დამტკიცებას. ამ ორ საკითხზე ვერ შეთანხმდნენ, ამიტომ ჩაიშალა M2-ის სცენარი, მაგრამ ეს იმას არ ნიშნავს, რომ სხვა სცენარები არ გვიდევს მაგიდაზე. უკვე ბოლოში ვართ გასული მოლაპარაკებებზე. ალბათ, მარტის დასაწყისში ამას საჯაროს გავხდით“, - აღნიშნა რჩეულიშვილმა.
როგორც „ცენტრ პოინტის“ ერთ-ერთმა დამფუძნებელმა განმარტა, მოლაპარაკებებში აქტივების რამდენიმე მყიდველიც ჩართო.
„ყველა ვალდებულებას იხდის „ცენტრ პოინტი“. არც M2-ის შემთხვევაში, არც სხვა შემთხვევაში ფულს არავინ იხდის. ეს ფული ჩვენ გვაქვს აქტივების სახით, რომელიც დაყადაღებულია. ჩვენ ვეუბნებით, ეს აქტივები იყიდეთო. მხოლოდ ჩვენი აქტივების რეალიზაციაში გვეხმარებიან, დანარჩენი კომპანიას აქვს იმდენი აქტივები, რომ ჩვენს ვალდებულებებს აბსოლუტურად ჰყოფნის, როგორც ამას ბოლო 10 წლის განმავლობაში ვიძახდით. ასევე მოლაპარაკებებში ჩავრთე ამ აქტივების რადენიმე მყიდველი, რომელი ფულიც დაზარალებულებს მოხმარდება. ახალი დევოლოპერული კომპანია არ შემოგვყავს.
საპროცესო მხოლოდ იმ შემთხვევაში გაფორმდება, როცა დაზარალებულების მიმართ არსებული ვალდებულება დაკონტრაქტებული იქნება. რეალურად, სახელმწიფოს მხრიდან რა სისწრაფით მოხდება ამის დამთავრება, ამაზეა დამოკიდებული. ჩემი საქმე შესრულებული მაქვს, ველოდებით სახელმწიფოს“, - განაცხადა რჩეულიშვილმა.
შეგახსენებთ, რომ თბილისის საქალაქო სასამართლომ „ცენტრ პოინტის“ დამფუძნებლებს მაია რჩეულიშვილსა და რუსუდან კერვალიშვილს 4-4 წლით თავისულების აღკვეთა შეუფარდა. საგამოძიებო უწყება დებს 11 მილიონი ლარზე მეტის მითვისებას ედავება.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
