30
მაისიდღის ზოგადი ასტროლოგიური პროგნოზი
იტალიაში ჟურნალისტები და საზოგადოებრივი ტრანსპორტის თანამშრომლები გაიფიცნენ.იტალიაში დღეს არც ერთი გაზეთი არ გამოსულა, ეთერში არ გასულა რადიო და ტელეგადაცემები.
ჟურნალისტთა საყოველთაო გაფიცვა იტალიის ბეჭდვის ნაციონალურმა ფედერაციამ პარლამენტში შეტანილი კანონპროექტის გამო გამოცხდა. კანონპროექტის თანახმად, სატელეფონო მოსმენებზე უფლების მიღება და მოსმენილის შესახებ ინფორმაციის გავრცელების პირობები მკაცრდება - ჟურნალიტებსა და გამოცემლებს სერიოზული სასჯელი ემუქრებათ, მათ შორის თავისუფლების აღკვეთა, თუ სატელეფონო საუბრის ტექსტს გამოაქვეყნებენ. ჟურნალისტებმა იტალიის ხელისუფლება სიტყვის თავისუფლების შეზღუდვაში დაადანაშაულეს.
კანონპროექტის შესახებ იტალიის პარლამენტის ქვედა პალატაში მოსმენა 29 ივლისისთვის არის დაგეგმილი.
კანონპროექტის მიღება იტალიის პრემიერ-მინისტრ სილვიო ბერლუსკონის სურს, რომლის სატელეფონო საუბრები პრესაში არაერთხელ გამოქვეყნდა და დიდი სკანდალის საფუძველიც გახდა.
ჟურნალისტების გაფიცვას საზოგადოებრივი ტრანსპორტის წარმომადგენლებიც გამოეხმურნენ. სარკინიგზო მიმოსვლა უკვე 24 საათია, შეჩერებულია. იტალიის დიდ ქალაქებში დღეს არ იმოძრავებს მეტრო და მიწისზედა ტრანსპორტიც.
