და­ვით ადე­იშ­ვი­ლი ერთ-ერ­თია იმ ბიზ­ნეს­მენ­თა­გან, რო­მელ­თაც "ნა­ცი­ო­ნა­ლუ­რი მოძ­რა­ო­ბის" დროს უკა­ნო­ნოდ ჩა­მო­არ­თვეს ქო­ნე­ბა. ბიზ­ნეს­მე­ნე­ბის მი­მართ გან­ხორ­ცი­ლე­ბუ­ლი რე­კე­ტის თით­ქმის ყვე­ლა საქ­მე, ხელ­წე­რით ერ­თმა­ნეთს ჰგავს: საქ­მის "შე­კერ­ვა" იწყე­ბო­და და­უ­სა­ბუ­თე­ბე­ლი ბრალ­დე­ბის წა­ყე­ნე­ბით, რაც მთავ­რდე­ბო­და გა­უ­საძ­ლი­სი ფი­ზი­კუ­რი და მო­რა­ლუ­რი ზე­წო­ლის შე­დე­გად გა­ფორ­მე­ბუ­ლი საპ­რო­ცე­სო შე­თან­ხმე­ბე­ბი­თა და ქო­ნე­ბის ჩა­მორ­თმე­ვით.

2006 წელს და­ვით ადე­იშ­ვილ­მა ბიზ­ნეს­პარტნი­ორ ელ­გუ­ჯა ელი­ა­ურ­თან ერ­თად და­არ­სა შპს "ლე­ო­ნი", რომ­ლის 50%-იანი წი­ლის მე­სა­კუთ­რე თა­ვად იყო. კომ­პა­ნია წლე­ბის გან­მავ­ლო­ბა­ში აქ­ტი­ურ სა­მე­წარ­მეო საქ­მი­ა­ნო­ბა­ში იყო ჩარ­თუ­ლი, თა­ნამ­შრომ­ლობ­და სა­ყო­ფა­ცხოვ­რე­ბო ტექ­ნი­კის მწარ­მო­ე­ბელ მო­წი­ნა­ვე კომ­პა­ნი­ებ­თან - SONY-ისა და YAMAHA-სთან, ეწე­ო­და მათი პრო­დუქ­ცი­ის იმ­პორ­ტსა და დის­ტრი­ბუ­ცი­ას სა­ქარ­თვე­ლო­ში. ბიზ­ნე­სი ყო­ველ­წლი­უ­რად სულ უფრო წარ­მა­ტე­ბუ­ლი ხდე­ბო­და და წლი­უ­რი ბრუნ­ვა სამ მი­ლი­ონ ლარს შე­ად­გენ­და. რო­გორც ადე­იშ­ვი­ლი AMBBEI.GE-ს უყ­ვე­ბა, ბიზ­ნე­სის გა­ფარ­თო­ე­ბის მიზ­ნით, კომ­პა­ნია მა­შინ­დელ ბანკ "რეს­პუბ­ლი­კას­თან" წლე­ბის გან­მავ­ლო­ბა­ში პირ­ნათ­ლად თა­ნამ­შრომ­ლობ­და და VIP კლი­ენ­ტის სტა­ტუ­სი­თაც სარ­გებ­ლობ­და.

2006 წელს შპს "ლე­ონ­მა" ოფი­სის ასა­შე­ნებ­ლად თბი­ლის­ში, კ. გამ­სა­ხურ­დი­ას გამ­ზირ­ზე (პე­კი­ნის ქუჩა) მდე­ბა­რე არა­სა­სოფ­ლო სა­მე­ურ­ნეო და­ნიშ­ნუ­ლე­ბის 362 კვ.მ მი­წის ნაკ­ვე­თი შე­ი­ძი­ნა. აღ­ნიშ­ნუ­ლი მი­წის ნაკ­ვე­თის შე­ძე­ნა მას ბიზ­ნეს­პარტნი­ორ­მა ურ­ჩია და მი­წის მე­სა­კუთ­რეც თა­ვად მო­უყ­ვა­ნა. სწო­რედ ეს უძ­რა­ვი ქო­ნე­ბა აღ­მოჩ­ნდა ადე­იშ­ვი­ლის ბიზ­ნე­სის­თვის სა­ბე­დის­წე­რო - 2009 წელს ფი­ნან­სურ­მა პო­ლი­ცი­ამ ამ მი­წის ნაკ­ვე­თის თაღ­ლი­თუ­რად შე­ძე­ნა­ში დას­დო ბრა­ლი ბიზ­ნეს­მენს.

"გვინ­დო­და ოფი­სის ქი­რა­ში თან­ხა აღარ გვე­ხა­და და გა­დავ­წყვი­ტეთ მი­წის ნაკ­ვე­თის შეს­ყიდ­ვა, ჩემი ბიზ­ნეს­პარტნი­ო­რის ელ­გუ­ჯა ელი­ა­უ­რის ვაჟ­მა თვი­თონ მო­იყ­ვა­ნა ვინ­მე ალექ­სი მთავ­რე­ლი­ძე, რო­მელ­მაც დე­და­მი­სის - მა­რი­ნე ჭკუ­ა­სე­ლის სა­კუთ­რე­ბა­ში არ­სე­ბუ­ლი მი­წის ნაკ­ვე­თის შე­ღა­ვა­თი­ან ფას­ში მოყიდ­ვა შე­მოგ­ვთა­ვა­ზა. რო­გორც თა­ვად ამ­ბობ­და, მი­წის ნაკ­ვე­თი "სა­ქარ­თვე­ლოს ბან­კის" მიერ გი­რავ­ნო­ბით იყო დატ­ვირ­თუ­ლი, რის გა­დახ­და­საც ისი­ნი ვერ ახერ­ხებ­დნენ და უძ­რა­ვი ქო­ნე­ბა სა­ა­უქ­ცი­ო­ნედ იყო გამ­ზა­დე­ბუ­ლი. სწო­რედ ამი­ტომ, რე­ა­ლურ ღი­რე­ბუ­ლე­ბე­ბას­თან შე­და­რე­ბით გა­ცი­ლე­ბით ია­ფად მოგ­ვყი­დეს ეს ნაკ­ვე­თი.

ასევე დაგაინტერესებთ

11:23 / 28-11-2018

"შემიყვანეს აბანოში, გამაშიშვლეს და გაუპატიურებით დამემუქრნენ..." - რატომ არ უბრუნებს "ნაციონალებისგან" წართმეულ ქონებას "ოცნება" ბიზნესმენს

ყვე­ლა­ფე­რი ჩვე­უ­ლე­ბი­სა­მებრ გა­ტარ­და სა­ჯა­რო რე­ესტრში, მე­სა­კუთ­რედ შპს "ლე­ო­ნი"და­ფიქ­სირ­და. შემ­დეგ გა­ირ­კვა, რომ ამ მი­წის ნაკ­ვეთ­თან და­კავ­ში­რე­ბით დავა ჩემს წინა მე­სა­კუთ­რეს მარ­თლაც ჰქო­ნია სა­სა­მარ­თლო­ში, თუმ­ცა მე ამის შე­სა­ხებ არ ვი­ცო­დი, რაც და­ა­დას­ტუ­რა კი­დეც სა­სა­მარ­თლომ. არ­სე­ბობს სა­ქა­ლა­ქო სა­სა­მარ­თლოს კა­ნო­ნი­ერ ძა­ლა­ში შე­სუ­ლი გა­და­წყვე­ტი­ლე­ბა, რომ­ლის მი­ხედ­ვი­თაც მე კე­თილ­სინ­დი­სი­ე­რი შემ­ძე­ნი ვარ. ამი­ტომ ცხა­დია, რომ ბრალ­დე­ბა იყო აბ­სურ­დუ­ლი, რი­თაც ვერ მო­იყ­ვან­დნენ სის­რუ­ლე­ში თა­ვი­ანთ გან­ზრახ­ვას. სწო­რედ ამი­ტომ კი­დევ ერთი ბრალ­დე­ბის შე­თი­თხვა და­ი­წყეს" - იხ­სე­ნებს ადე­იშ­ვი­ლი 2009 წელს გან­ვი­თა­რე­ბულ მოვ­ლე­ნებს და ამ­ბობს რომ, საბ­რალ­დე­ბო დას­კვნის მი­ხედ­ვით, გა­მო­ძი­ე­ბა სსკ-ის 180-ე მე­ო­რე და მე­სა­მე ნა­წი­ლე­ბით გათ­ვა­ლის­წი­ნე­ბუ­ლი და­ნა­შუ­ლის ჩა­დე­ნას ედა­ვე­ბო­და.

საბ­რალ­დე­ბო დას­კვნა­ში, რო­მელ­საც მა­შინ­დე­ლი პრო­კუ­რო­რი ირაკ­ლი შო­თა­ძე აწერს ხელს, ვკი­თხუ­ლობთ: "ალექ­სი მთვა­რე­ლი­ძე, მა­რი­ნა ჭკუ­ა­სე­ლი და და­ვით ადე­იშ­ვი­ლი მარ­თლსა­წი­ნა­აღ­მდე­გოდ და­ე­უფლნენ სა­ხელ­მწი­ფო სა­კუთ­რე­ბა­ში არ­სე­ბულ 237 000 ლა­რის ღი­რე­ბუ­ლე­ბის მი­წის ნაკ­ვეთ­სა და შე­ნო­ბა ნა­გე­ბო­ბებს, რა­მაც სა­ხელ­მწი­ფოს მი­ა­ყე­ნა დიდი ოდე­ნო­ბით ზი­ა­ნი. და­ვით ადე­იშ­ვილ­მა გა­ნიზ­რა­ხა მისი, მთვა­რე­ლი­ძი­სა და ჭკუ­ა­სე­ლის მიერ თაღ­ლი­თუ­რად მი­სა­კუთ­რე­ბუ­ლი, უკვე შპს "ლე­ო­ნის" სა­კუთ­რე­ბად რე­გის­ტრი­რე­ბუ­ლი მი­წის ნაკ­ვე­თი ბანკ „რეს­პუბ­ლი­კას­გან“ უკა­ნო­ნოდ კრე­დი­ტის მი­სა­ღე­ბად, და­ეტვირ­თა იპო­თე­კით".

ბან­კის­გან უკა­ნო­ნოდ კრე­დი­ტის მი­ღე­ბა იყო მე­ო­რე ბრალ­დე­ბა, რაც ბიზ­ნეს­მენს წა­უ­ყე­ნეს. გა­მო­ძი­ე­ბის მტკი­ცე­ბით, ადე­იშ­ვილ­მა შეგ­ნე­ბუ­ლად და­უ­მა­ლა ბანკს ის ფაქ­ტი, რომ მი­წის ნაკ­ვეთ­თან და­კავ­ში­რე­ბით სა­მარ­თლებ­რი­ვი დავა მიმ­დი­ნა­რე­ობ­და და მო­ტყუ­ე­ბით მი­ი­ღო დიდი ოდე­ნო­ბით კრე­დი­ტი. თუმ­ცა, რო­გორც თა­ვად ადე­იშ­ვი­ლი აცხა­დებს, ამ პე­რი­ოდ­ში არა­ნა­ი­რი დავა არ მიმ­დი­ნა­რე­ობ­და, მე­ტიც უკვე არ­სე­ბობ­და სა­სა­მარ­თლოს გა­და­წყვე­ტი­ლე­ბა, რომ­ლის მი­ხედ­ვი­თაც ადე­იშ­ვი­ლი ამ მი­წის კე­თილ­სინ­დი­სი­ერ შემ­ძე­ნად ცნეს. ბიზ­ნეს­მე­ნის გან­მარ­ტე­ბით, სს ბანკ „რეს­პუბ­ლი­კას­გან“ 1 100 000 აშშ დო­ლა­რი ჰქონ­და კრე­დი­ტად გა­მო­ტა­ნი­ლი, რის უზ­რუნ­ველ­სა­ყო­ფა­დაც არა­ერ­თი უძ­რა­ვი ქო­ნე­ბა, მისი და მე­გობ­რე­ბის სა­ცხოვ­რე­ბე­ლი სახ­ლე­ბი ჰქონ­და იპო­თე­კით დატ­ვირ­თუ­ლი.

აღ­ნიშ­ნუ­ლი ბრალ­დე­ბე­ბით და­კა­ვე­ბულ ბიზ­ნეს­მენს 2009 წლის 25 აგ­ვის­ტოს აღ­კვე­თის ღო­ნის­ძი­ე­ბის სა­ხით წი­ნას­წა­რი ორ­თვი­ა­ნი პა­ტიმ­რო­ბა მი­უ­სა­ჯეს. სა­პა­ტიმ­რო ვადა ეტა­პობ­რი­ვად ცხრა თვემ­დე გა­ხან­გრძლივ­და. ამ ხნის გან­მავ­ლო­ბა­ში, რო­გორც ადე­იშ­ვი­ლი იხ­სე­ნებს, მას­ზე პერ­მა­ნენ­ტუ­ლად მიმ­დი­ნა­რე­ობ­და ფი­ზი­კუ­რი და ფსი­ქო­ლო­გი­უ­რი ზე­წო­ლა ბრა­ლის აღი­ა­რე­ბის მო­თხოვ­ნით.

"ერთ სა­ღა­მოს საკ­ნი­დან გა­მიყ­ვა­ნეს და შე­მახ­ვედ­რეს ორ ჩემ­თვის უც­ნობ პი­როვ­ნე­ბას. მათ პირ­და­პირ მომ­თხო­ვეს ბრა­ლის აღი­ა­რე­ბა და საპ­რო­ცე­სო შე­თან­ხმე­ბის გა­ფორ­მე­ბა.

მი­თხრეს სხვა შან­სი არ გაქვს - ორი ბიჭი გყავს, ერთს ნარ­კო­ტი­კებს ჩა­ვუ­დებთ და მე­ო­რეს ია­რაღ­სო, ორი­ვეს გვერ­დით მო­გის­ვამთ და მერე უფრო დიდი პრობ­ლე­მე­ბი გექ­ნე­ბაო. ამან სა­ბო­ლოდ გამ­ტე­ხა და დავ­თან­ხმდი საპ­რო­ცე­სო შე­თან­ხმე­ბა­ზე.

გა­და­ვი­ხა­დეთ 30 000 ლარი და სა­პყრო­ბი­ლე დავ­ტო­ვე. ჩემი გა­მოს­ვლის შემ­დეგ ყვე­ლა­ფე­რი წარ­თმე­უ­ლი დამ­ხვდა. მი­წის ნაკ­ვე­თი სა­ხელ­მწი­ფოს სა­ხელ­ზე გა­და­ა­ფორ­მეს, შპს "ლე­ო­ნის" 50 %, რო­მე­ლიც მა­მა­ჩემს ეკუთ­ვნო­და, ჩემ­მა თა­ნა­მო­წი­ლემ თა­ვის სა­ხელ­ზე მო­ტყუ­ე­ბით გა­და­ი­ფორ­მა, კომ­პა­ნია უკვე ისე­დაც გა­კოტ­რე­ბუ­ლი იყო. გა­მო­სულს დამ­ხვდა ბან­კის ვალი, რო­მე­ლიც უზ­რუნ­ველ­ყო­ფი­ლი იყო ჩემი და ჩემი მე­გობ­რის სა­ცხოვ­რებ­ლე­ბით, საქ­მე აღ­სრუ­ლე­ბამ­დე იყო მი­სუ­ლი, მე კი ამ თან­ხის გა­დახ­დის არა­ნა­ი­რი ბერ­კე­ტი არ და­მი­ტო­ვეს..." - ამ­ბობს AMBEBI.GE-სთან ინ­ტერ­ვი­უ­ში და­ვით ადე­იშ­ვი­ლი.

უკვე მერ­ვე წე­ლია ბიზ­ნეს­მე­ნის საქ­მეს სა­ქარ­თვე­ლოს პრო­კუ­რა­ტუ­რის გე­ნე­რა­ლუ­რი ინ­სპექ­ცია იძი­ებს. რვა წლია და­ვით ადე­იშ­ვი­ლი და მისი უფ­ლე­ბა­დამ­ცვე­ლე­ბი მი­მარ­თა­ვენ პრო­კუ­რა­ტუ­რას და ითხო­ვენ პა­სუხს კი­თხვებ­ზე - რა ეტაპ­ზეა გა­მო­ძი­ე­ბა? რა გა­კეთ­და ამ ხნის გან­მავ­ლო­ბა­ში? პრო­კუ­რა­ტუ­რა მერ­ვე წე­ლია დუმს. სა­გა­მო­ძი­ე­ბო უწყე­ბამ უპა­სუ­ხოდ და­ტო­ვა სა­ხალ­ხო დამ­ცვე­ლი და სა­კა­ნონ­მდებ­ლო ორ­გა­ნოც.

"ადა­მი­ა­ნის უფ­ლე­ბა­თა ცენ­ტრის“ იუ­რის­ტი დი­მიტ­რი ნო­ზა­ძე, რომ­ლიც ამ­ჟა­მად ადე­იშ­ვი­ლის ინ­ტე­რე­სებს იცავს, აცხა­დებს, რომ პრო­კუ­რა­ტუ­რა მი­ზან­მი­მარ­თუ­ლად არ იძი­ებს საქ­მეს, ვი­ნა­ი­დან მას­ში ისე­თი პი­რე­ბის სა­ხე­ლე­ბი ფი­გუ­რი­რებს, როგ­რე­ბიც არი­ან - ირაკ­ლი შო­თა­ძე და ზუ­რაბ ადე­იშ­ვი­ლი.

მა­შინ გე­ნე­რა­ლუ­რი პრო­კუ­რო­რი იყო ზუ­რაბ ადე­იშ­ვი­ლი, უშუ­ა­ლოდ ამ საქ­მის პრო­კუ­რო­რი კი ირაკ­ლი შო­თა­ძე, ეს მო­ცე­მუ­ლო­ბა თა­ვის­თა­ვად სცემს პა­სუხს შე­კი­თხვას, თუ რა­ტომ არა­ფერს აკე­თებს პრო­კუ­რა­ტუ­რა უფ­ლე­ბა­დარ­ღვე­უ­ლი მო­ქა­ლა­ქის ინ­ტე­რე­სე­ბის და­სა­ცა­ვად.

არ დაგ­ვი­ტო­ვე­ბია უწყე­ბა, რომ­ლის­თვი­საც კი შე­იძ­ლე­ბო­და მიგ­ვე­მარ­თა, ყვე­ლას უპა­სუ­ხოდ ტო­ვებს პრო­კუ­რა­ტუ­რა. რვა წელი ვე­რა­ფე­რი და­ად­გი­ნეს?! ჩემი ინ­ფორ­მა­ცი­ით, ელე­მენ­ტა­რუ­ლად და­კი­თხუ­ლიც კი არ ყავთ ის პი­რე­ბი, რო­მელ­თა და­კი­თხვაც უპირ­ვე­ლე­სი უნდა ყო­ფი­ლი­ყო, რომ და­წყე­ბუ­ლი­ყო გა­მო­ძი­ე­ბა. ვი­თხოვთ, გვცნონ და­ზა­რა­ლე­ბუ­ლად, მაგ­რამ ამა­ზე ზედ­მე­ტია სა­უ­ბა­რი, პა­სუხ­საც არა­ვინ გცემს. ხე­ლოვ­ნუ­რად აჭი­ა­ნუ­რე­ბენ საქ­მეს, რომ რო­გორ­მე ხან­დაზ­მუ­ლად ცნონ და შე­წყვი­ტონ მასი წარ­მო­ე­ბა, რათა არა­ვინ მი­ე­ცეს პა­სუ­ხის­გე­ბა­ში. თუმ­ცა ჩვენ არ ვა­პი­რებთ გა­ჩე­რე­ბას!" - გა­ნა­ცხა­და დი­მიტ­რი ნო­ზა­ძემ.

და­ვით ადე­იშ­ვილ­მა AMBEBI.GE-ს ისიც უამ­ბო, რომ ანო­ნი­მუ­რი ნომ­რი­დან მის ნო­მერ­ზე მოკ­ლე ტექ­სტუ­რი შე­ტყო­ბი­ნე­ბე­ბი იგ­ზავ­ნე­ბა, სა­დაც მას და მის შვილს გა­ჩე­რე­ბას ურ­ჩე­ვენ, წი­ნა­აღ­მდეგ შემ­თხვე­ვა­ში კი "შუბ­ლის გახ­ვრე­ტით" ემუქ­რე­ბი­ან. ქო­ნე­ბა­წარ­თმე­უ­ლი ბიზ­ნეს­მე­ნის თქმით, მან ეს ტექ­სტუ­რი შე­ტყო­ბი­ნე­ბა პრო­კუ­რა­ტუ­რას წა­რუდ­გი­ნა, თუმ­ცა ამ ფაქ­ტზე საქ­მე დღემ­დე არ არის აღ­ძრუ­ლი.