26
მარტიდღის ზოგადი ასტროლოგიური პროგნოზი
აშშ-ს 72 წლის პრეზიდენტი დონალდ ტრამპის ჯანმრთელობის მდგომარეობა სრულიად დამაკმაყოფილებელია, ამის შესახებ ნათქვამია სამედიცინო კვლევის შედეგებში, რომელიც ხუთშაბათს გავრცელდა.
CNN-ის ინფორმაციით, ტრამპმა სავალდებულო სამედიცინო გამოკვლევა ვოლტერ რიდის სამხედრო ჰოსპიტალში ჩაიტარა, რომელსაც ექიმი შონ კონლი ხელმძღვანელობდა.
გასული წლის გამოკვლევის დროს დონალდ ტრამპი, რომლის სიმაღლე 190 სმ-ა, 108 კგ-ს იწონიდა. პრეზიდენტს, რომელსაც გულის პრობლემები აწუხებს, ურჩიეს, წონაში დაეკლო, თუმცა ამის ნაცვლად მან თითქმის 2 კგ მოიმატა და ახლა მისი წონა 110 კილოგრამია. როგორც ჩანს, აშშ-ს პრეზიდენტმა დიეტისა და ვარჯიშის შესახებ ექიმების რჩევა არ გაითვალისწინა და ახლა მისი სხეულის მასის ინდექსი 30.4-ია, რაც სიმსუქნის მაჩვენებელია. ექიმები ამბობენ, რომ ჭარბმა წონამ, შესაძლოა, რაიმე დაავადების პროვოცირება მოახდინოს.
ამასთან, გამოკვლევის პარალელურად პრეზიდენტს ვაქცინაციაც ჩაუტარდა პნევმოკოკური ინფექციების (მენინგიტისა და პნევმონიის) და ჰერპესის წინააღმდეგ.
