მნიშვნელოვანი ინფორმაცია
6
ივნისიდღის ზოგადი ასტროლოგიური პროგნოზი
პარასკევი, მთვარის მეთერთმეტე დღე დაიწყება 17:02-ზე, მთვარე სასწორშია – ერთ-ერთი ყველაზე ენერგიული, წარმატებული და ძლიერი დღეა. ნებისმიერი დავალების შესრულებისას საჭიროა სიფრთხილე და ყურადღება. იმოქმედეთ გადამწყვეტად, ბიზნესში თუ სამსახურში. განხორციელდეთ ის, რაც ჩაფიქრებული გქონდათ. გააფორმეთ კონტრაქტები, დაიკავეთ ახალი პოზიცია. დაასრულეთ რაც დაიწყეთ. დღის საუკეთესო საკვებად ითვლება წვენები და ხილი. გამოიჩინეთ მზრუნველობა და სიყვარული საყვარელი ადამიანის მიმართ, მიართვათ საჩუქარი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"თავდამსხმელს წინააღმდეგობა გავუწიე და თავადაც ნაცემია, ხელები მიხატული კი არ მაქვს" - ლადო ბედუკაძე
17:10 / 14-02-2019
იქნება ნაცემი, ხელები მიხატული კი არ მაქვს, - ასე გამოეხმაურა „ინტერპრესნიუსთან“ ციხის კადრების ავტორი, ლადო ბედუკაძე მასსა და თენგიზ ნაზღაიძეს შორის მომხდარ დაპირისპირებას.
აღნიშნული პირიც ალადაშვილის კლინიკაში ტრავმებით გადაიყვანეს და მას საავადმყოფოდან რამდენიმე საათში გაწერენ. თავად ბედუკაძემ კლინიკა საკუთარი სურვილით უკვე დატოვა.
"ერთი პაციენტი 42 წლის, მეორე კი 43 წლისაა. ისინი ჩვენს კლინიკაში შემოიყვანეს ტრავმებით. ერთ შემთხვევაში იყო გულ-მკერდის ზედაპირული ტრავმა, ხოლო მეორე შემთხვევაში სახის ზედაპირული ტრავმა.
42 წლის პაციენტის მდგომარეობა არის სტაბილური, დამაკმაყოფილებელი და ის გაწერილია კლინიკიდან. რაც შეეხება მეორე პაციენტს, მისი მდგომარეობაც არის სტაბილური, თუმცა რჩება კლინიკაში და გრძელდება დაკვირვების რეჟიმი/ ის რამდენიმე საათში გაიწერება,"- განუცხადეს "ინტერპრესნიუსს" ალადაშვილის კლინიკაში.
როგორც ბედუკაძე განმარტავს, მასზე ძალადობა წინასწარ დაგეგმილი იყო და ის ამაში „ნაციონალურ მოძრაობას“ ადანაშაულებს.
„ნაცმოძრაობაზე“ მეტი მტერი პოლიტიკურ პროცესებში მე არ მყავს. ეს ადამიანი ფაქტებს ვერ ალაგებს, ვერ ასახელებს ვინ, სად, როდის მოკლეს. ეს არის თითიდან გამოწოვილი სისულელე, აბსურდი. ის ან კარგად დაარიგეს და ვერ დაიმახსოვრა, ან ასეთი მსგავსი რაღაც, წინასწარ დაგეგმილი სცენარი ჰქონდა, ეს განახორციელა, ატეხა ხმაური, ხმაურისთვის სჭირდებოდათ ეს“, - აცხადებს ბედუკაძე.
როგორც ის განმარტავს, პირს, რომელიც მას დაუპირისპირდა, არ იცნობს და დღეს პირველად ნახა.
„ქაშვეთის ეკლესიაში ვიყავი, ეს პირიც ეკლესიაში იყო, მითვალთვალებდა და უკან გამომყვა. ამ ადამიანს არ ვიცნობ, დღეს ის პირველად ვნახე. მითხრა, რომ მე ვარ მკვლელი, ვიღაც მოვკალი, ვარ მწვალებელი, მთელი „ქართული ოცნება“ არის მწვალებელი, ილანძღებოდა ბიძინა ივანიშვილის, „ოცნების“ მისამართით.
რაც შეეხება იმას, რომ ის მეც ვცემე, იქნება ნაცემი, ხელები მიხატული კი არ მაქვს. ჩემი საპასუხო რეაქცია იყო, რადგან მისგან ცეცხლსასროლი იარაღის ამოღებას ველოდი, ამიტომ თავის დაზღვევის მიზნით წინააღმდეგობა გავუწიე. გაგვაშველეს, შემდეგ ის მანქანით გაიქცა, ნომერი დავიმახსოვრე“, - განაცხადა ბედუკაძემ.
მან ახლახანს, ლევან სამხარაულის სახელობის სასამართლო ექსპერტიზის ეროვნული ბიურო დატოვა, სადაც დაზიანებების ხარისხთან დაკავშირებით, სამედიცინო ექსპერტიზა ჩაუტარდა.
შემთხვევა რუსთაველის გამზირზე დღეს მოხდა. ფაქტს წინ ორ მხარეს შორის კონფლიქტი უძღოდა.
როგორც „ინტერპრესნიუსს“ შსს-ში განუცხადეს, გამოძიება 126-ე მუხლით, ძალადობის ფაქტზე დაიწყო.
არსებული ინფორმაციით, ბედუკაძე ყოფილმა პატიმარმა სცემა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქართულ კომერციულ ბანკებში დაახლოებით 2 მილიარდი რუსული რუბლი ინახება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
