მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
„ნენსკრა ჰიდრო“ თებერვლიდან სვანეთში მასშტაბური სოციალური პროექტების განხორციელებას იწყებს
16:45 / 13-02-2019
_2019-02-13_0MGzodmAQF1LF.jpg)
ნენსკრას ჰიდროელექტროსადგურის პროექტის განმახორციელებელმა კომპანიამ, სს „ნენსკრა ჰიდრომ“ 11 და 12 თებერვალს მესტიის მუნიციპალიტეტის სოფლებში ჭუბერსა და ნაკრაში მოსახლეობასთან შეხვედრები გამართა, რომლებზეც სამი მასშტაბური სოციალური პროექტის განხორციელება დაანონსდა. აღნიშნული პროექტები ადგილობრივი მაცხოვრებლების საჭიროებების შეფასების საფუძველზე შეიქმნა, მათი განხორციელება კი უკვე ა.წ. თებერვლიდან დაიწყება.
მიწის რეგისტრაციის მხარდაჭერის პროექტი ნენსკრასა და ნაკრას ხეობების მოსახლეობას სთავაზობს აღნიშნულ ხეობებში არსებული ყველა თემისა და საოჯახო მეურნეობის უზრუნველყოფას მათ საკუთრებაში ან/და სარგებლობაში არსებული მიწის ნაკვეთების (ჯამში 450 ჰექტარამდე) საკადასტრო აზომვითი ნახაზის მომზადებით, რაც “მიწის რეგისტრაციის შესახებ” კანონის მოთხოვნების შესაბამისად განხორციელდება. მიწის ნაკვეთის აგეგმვის, აზომვის, საკადასტრო აზომვითი ნახაზის მომზადებისა და მიწის რეგისტრაციის პროცედურების შესახებ კონსულტაციის ხარჯებს „ნენსკრა ჰიდრო“ სრულად დაფარავს.
მექანიზაციის პროექტი მოსახლეობისგან ინდივიდუალური ან ჯგუფური მიმართვის საფუძველზე კომპანიის მხრიდან მძიმე ტექნიკით მომსახურებას გულისხმობს, რაც სასოფლო-სამეურნეო და მცირე ინფრასტრუქტურულ სარეაბილიტაციო სამუშაოებს შეუწყობს ხელს.
მძიმე ტექნიკის ოპერატორების გადამზადების პროგრამა მოწოდებულია, ადგილობრივ მოსახლეობას პროფესიულ გადამზადებაში შეუწყოს ხელი. პროგრამა დააფინანსებს მძიმე ტექნიკის იმ სახეობების ოპერატორთა ტრენინგ-კურსებს, რომლებიც ნენსკრას ჰიდროელექტროსადგურის მშენებლობისას ყველაზე მოთხოვნადი იქნება.
„ნენსკრა ჰიდროს“ მიერ გამართულ საჯარო განხილვებს ასევე სამეგრელო-ზემო სვანეთის გუბერნატორის მოადგილე ნინო ვიბლიანი და მესტიის მუნიციპალიტეტის მერი კაპიტონ ჟორჟოლიანი ესწრებოდნენ. სამივე პროექტი „ნენსკრა ჰიდროსა“ და მესტიის მუნიციპალიტეტს შორის 2018 წელს გაფორმებული ურთიერთთანამშრომლობის მემორანდუმის ფარგლებში ხორციელდება.
NS
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
_2019-02-13_0MGzodmAQF1LF.jpg)
