მნიშვნელოვანი ინფორმაცია
28
მაისიდღის ზოგადი ასტროლოგიური პროგნოზი
ოთხშაბათი, მთვარის მეორე დღე დაიწყება 04:56-ზე, მთვარე კირჩხიბში გადავა 21:36-ზე – კარგია ბიზნესის დაწყება. მუშაობა ინდივიდუალურადაც და გუნდურადაც. მოძებნეთ სპონსორები თქვენი პროექტებისთვის. შეგიძლიათ დაიწყოთ ახალი საგნების სწავლა, ჩაირიცხოთ კურსებზე. მოგზაურობა, მივლინებები. ერთ-ერთი საუკეთესო დღეა ქორწინებისთვის. ამ დღეს შექმნილი ოჯახი ძლიერი და მეგობრული იქნება. კარგია მტვერსასრუტით სახლის დალაგება, სანტექნიკის გამოცვლა. აუცილებელია ნათურების, ჭაღების გაწმენდა, აგრეთვე ჭურჭლისა და სარეცხის გარეცხვა. კარგი დღეებია მცენარეების მორწყვისთვის.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
გახდი სტუდენტი ელჩი "ლურჯ ოკეანეში" - "პალიტრა L-ის" მორიგი პროექტი იწყება
16:40 / 12-02-2019
თუ ხარ სტუდენტი და გაინტერესებს ბიზნესლიტერატურა, გსურს, გაიღრმავო ცოდნა ბიზნესის მიმართულებით, გამოიმუშავო ლიდერული უნარ-ჩვევები, მაშინ "პალიტრა L-ის" ახალი წამოწყება შენთვისაა.
ეს არის პროექტი ბიზნესმიმართულებით, რომელიც „ლურჯი ოკეანის“ ფარგლებში იგეგმება. "ლურჯი ოკეანე" "პალიტრა L-ის" ბიზნესლიტერატურის სერიაა, რომელიც ცნობილი ბიზნეს ბესტსელერების ქართულ ენაზე გამოცემას გულისხმობს. იგი აერთიანებს ისეთი ავტორების ნამუშევრებს, როგორებიც არიან: ბრაიან თრეისი, დევიდ ალენი, გაი კავასაკი, ერიკ რისი, ჯეისონ ფრაიდი და დევიდ ჰაინემაიერ ჰანსონი და სხვა. ამ ეტაპზე გამოცემულია 45-მდე დასახელების წიგნი მენეჯმენტის, მარკეტინგის, ბიზნესისა და ანტრეპრენერშიპის სფეროებში.
გარდა ბიზნესლიტერატურის გამოცემისა, „ლურჯი ოკეანის“ ფარგლებში ტარდება სხვადასხვა ღონისძიებები, ტრეინინგები, სადაც ბიზნესის სფეროში დასაქმებული ადამიანები, სტუდენტები და სხვა დაინტერესებული პირები იღებენ მონაწიელობას.
"სტუდენტი ელჩი "ლურჯ ოკეანეში" კიდევ ერთი წამოწყებაა, რომლის მიზანიც სტუდენტური ცხოვრების გამრავალფეროვნება და მათთვის ხელშეწყობაა, დააგროვონ გამოცდილება სფეროში, რომელიც მათთვის საინტერესო და პრიორიტეტულია.
პროექტის ფარგლებში სტუდენტებს შესაძლებლობა ეძლევათ, გახდნენ "ლურჯი ოკეანის" გუნდის წევრები; მიიღონ მონაწილეობა წიგნის განხილვაში; გაიგონ როგორ ხდება ბიზნესლიტერატურის წიგნის გამოცემა; დაესწრონ "ლურჯი ოკეანის" ღონისძიებებს; მიიღონ წევრობის სპეციალური ფასდაკლებები წიგნებზე. ამას გარდა, მათ სხვა ბევრი სიურპრიზი ელოდებათ.
"წელიწადში რამდენჯერმე მოეწყობა სპეციალური ღონისძიებები ელჩებისთვის: შეჯიბრებები, ტრეინინგები, შემეცნებითი თუ გასართობი აქტივობები. სტუდენტებს შესაძლებლობა ექნებათ, ჩაერთონ ღონისძიებების ორგანიზებაში, გამოიმუშაონ ლიდერული უნარ-ჩვევები. ამ ყველაფრით შევეცდებით გავამრავალფეროვნოთ მათი სტუდენტური ცხოვრება და ხელი შევუწყოთ მათ პროფესიულ განვითარებას" - ამბობს "პალიტრა L-ის" მარკეტინგის მენეჯერი, თამარ ახვლედიანი.
_2019-02-12_4zyV7yvrJWdB8.jpg)
მისივე თქმით, აქტიურ სტუდენტ ელჩებს 2019 წელს გამოცემული სტუდენტებისთვის განკუთვნილი წიგნები გადაეცემათ საჩუქრად.
როგორც პროექტის მენეჯერი, თათია ტურაშვილი ამბობს, სტუდენტები გაეცნობიან წიგნის გამოცემის პროცესს და თავადაც ჩაერთვებიან მასში. მისი თქმით, ეს სტუდენტების განვითარებას კიდევ უფრო შეუწყობს ხელს.
სტუდენტებს პროექტისათვის რეგისტრაცია შეეძლებათ სპეციალური სააპლიკაციო ფორმით, რომელსაც გამომცემლობა დაინტერესებულ უნივერსიტეტის ადმინისტრაციას უგზავნის.
იმისათვის, რომ გახდეთ ელჩი, საჭიროა, გაინტერესებდეთ ბიზნესლიტერატურა, გიყვარდეთ წიგნების კითხვა, იყოთ ორგანიზებული, განვითარებასა და წინსვლაზე ორიენტირებული.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შინაგან საქმეთა მინისტრად გელა გელაძე დაინიშნა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
