მნიშვნელოვანი ინფორმაცია
26
მაისიდღის ზოგადი ასტროლოგიური პროგნოზი
ორშაბათი, მთვარის ოცდამეცხრე დღე დაიწყება 03:56-ზე, მთვარე 21:22-დან ტყუპში იქნება – საკმაოდ რთული დღეა. არ დაიწყოთ ახალი საქმეები. მოერიდეთ ფინანსურ ოპერაციებს, ყოველგვარ ვაჭრობასა და სასამართლო საქმეს. სხვა დღისთვის გადადეთ უფროსთან შეხვედრა და საქმეებზე საუბარს. არ გირჩევთ მგზავრობას, საქმეების გარჩევას. მეტად დაისვენეთ. კარგია მსუბუქი ვარჯიში. ამ დღეს ქორწინება დაუშვებელია. განქორწინების მიზეზი ერთ-ერთი მეუღლის ღალატი ან ტყუილი გახდება. სასურველია ამ დღეს დაიცვათ მარხვა. ნებადართულია რძის პროდუქტები. ხორცი არა. ძილის წინ მიიღეთ გამწმენდი შხაპი. ნაკლები დრო გაატარეთ უჰაერო ოთახში, მოერიდეთ ე.წ. მოწევის ადგილებს. გაანიავეთ ოთახი. შეამცირეთ დატვირთვა ხელებსა და მხრებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
პალიტრამედიის პრაქტიკულმა აკადემიამ მეორე ნაკადის სტუდენტები მიიღო
17:55 / 11-02-2019
დღესდღეობით მსოფლიოში მულტიმედია ჟურნალისტიკა ყველაზე მოთხოვნადია, რადგან თუ ხარ მულტიმედიაზე მომუშავე ჟურნალისტი, ნიშნავს, რომ შენ მზად ხარ ყველაფრისთვის: გადაღებისთვის, საუბრისთვის, ექსტრემალურ სიტუაციებში წერისათვის და ყოველგვარი ტექნიკური სამუშაოსთვის.
სწორედ ასეთი ინოვაციური სტანდარტების დანერგვა დაიწყო "პალიტრამედია ჰოლდინგმა" და უნიკალური შანსი მისცა არაერთ მსურველს, მოხვედრილიყო პროფესიონალთა გუნდში, რომელსაც ჰოლდინგი აერთიანებს.
პალიტრამედიის პრაქტიკული აკადემიის პირველი ნაკადის წარმატებამ, კარგი დასაწყისი შეუქმნა პროექტის გაგრძელებას - შესაბამისად 2019 წლის 11 თებერვლიდან, აკადემიის მეორე ნაკადის სამთვიანი სასწავლო კურსი დაიწყო.
კურსის შესახებ დეტალურად გვესაუბრება პალიტრა მედია ჰოლდინგის პერსონალის განვითარების მიმართულების ხელმძღვანელი ნინი მარეხაშვილი:
- შეიცვალა თუ არა პირველი ნაკადისგან განსხვავებით, მეორე ნაკადის შერჩევის კრიტერიუმები?
- კრიტერიუმები უცვლელია: პრაქტიკულად ნებისმიერ მსურველს შეეძლო პროექტში ჩართულიყო და ჰქონდა ამის საშუალება. შესაბამისად შერჩეულ სტუდენტებს რომ გადავხედოთ, ასაკობრივი განსხვავებაც არის მათ შორის და თითოეულს სხვადასხვა მიმართულებით აქვს დაგროვილი გამოცდილება. მათი ნაწილი არის სტუდენტი, ნაწილს აქვს ჩამოყალიბებული შეხედულება იმ მიმართულებებთან დაკავშირებით, რაშიც თავს უფრო კომფორტულად გრძნობს და რისი კეთებაც მოსწონს... საერთო ჯამში საკმაოდ საინტერესო გუნდი შედგა, რომლებიც 3 თვის განმავლობაში შეძლებენ "პალიტრამედიას პრაქტიკულ აკადემიაში" თანამედროვე ჟურნალისტისთვის საჭირო უნარ-ჩვევები განივითარონ.
კიდევ ერთი პლატფორმა შეემატა მეორე ნაკადს და სტუდენტებს უკვე შეეძლებათ, პროექტის განმავლობაში ჩაერთონ ჰოლდინგის მარკეტინგისა და გაყიდვების მიმართულებებში, ჩაიხედონ მათ საქმიანობაში. ძირითადი განსხვავება წინა კურსისგან სწორედ ეს მოდული გახლავთ, რაც დაემატა ახალი პლატფორმის სახით.
- რამდენად წარმატებული იყო პალიტრამედიის პრაქტიკული აკადემიის პირველი ნაკადი?
- მოლოდინები ნამდვილად გაამართლეს, პირველი ნაკადიდან რეალურად შეგვიძლია ვთქვათ, რომ 90 % უკვე ჩვენთან დასაქმებულია, რაც ძალიან გვახარებს და ვთვლით, რომ პროექტის წარმატების ერთ-ერთი კრიეტერიუმი, როდესაც საბოლოოდ შევაფასეთ ეს პროექტი, ესეც გახლდათ. ძალიან გვიხარია, რომ ჩვენს გუნდში უკვე არიან ეს ადამიანები და რეალურად, პრაქტიკულ საქმეში არიან ჩართულები, აკეთებენ იმ საქმეს, რომელიც დარწმუნებული ვარ, ძალიან უყვართ.
კურსის შესახებ ასევე გვესაუბრა, პალიტრამედიის პრაქტიკული აკადემიის პირველი ნაკადის სტუდენტი, თამარ ბოკუჩავა.
- თამარ, 3-თვიანი პრაქტიკული კურსის შემდეგ, რომელ პლატფორმაზე განაგრძობ უკვე თანამშრომლის რანგში მუშაობას?
- ამ ეტაპზე ვმუშაობ ორი მიმართულებით, პირველი მიმართულება, რაც ჩვენ გავიარეთ სამთვიან სასწავლო პერიოდში - ვმუშაობ კონტენტ მარკეტინგის დეპარტამენტში, ასევე astrologi.ambebi.ge-სთვის ვწერ სტატიებს და სტატიებთან ერთად ვმუშაობთ ვიდეო კონტენტზეც. მიხარია, რომ ჩემი წვლილი შემაქვს ამ საიტის განვითარებაში, რა თქმა უნდა რედაქტორის დახმარებით. მეორე მხრივ, გახლავართ რადიოს ბადის მენეჯერი.
- როგორ ჩაიარა პირველმა შეხვედრამ მეორე ნაკადის სტუდენტებთან?
- მინდა გითხრათ, რომ საკმაოდ წარმატებულად ჩაიარა. პირველი რაც ვუთხარი მათ იყო ის, რომ შემშურდება იმ სემინარების, რომელსაც ამ თვეების მანძილზე მოისმენენ წარმატებული ჟურნალისტებისა და მთავარი რედაქტორებისაგან. მეც თუ მოვახერხებ და გამოვყოფ დროს რომ დავესწრო გარკვეულ სემინარებს, დარწმუნებული ვარ, უფრო მეტ ცოდნას შევიძენ მათთან ერთად, ვინაიდან აქ გატარებული არცერთი დღე არ ჰგავს ერთმანეთს.
ვურჩევდი, იყვნენ მაქსიმალურად თავისუფლები, აუცილებლად გამოავლინონ თავიანთი მისწრაფებები, აკეთონ ის რაც უყვართ, იყვნენ შრომისუნარიანები და თუ გამოავლენენ ნიჭსა და მონდომებას, ნამდვილად არაფერი დააკლდებათ! პირიქით მოემატებათ და წაიღებენ აქედან ცოდნასთან ერთად უდიდეს პრაქტიკულ გამოცდილებას.
ავტორი: ლიდია ამარიანი
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
