21
ივნისიდღის ზოგადი ასტროლოგიური პროგნოზი
პიარმენეჯერი მაია ბიჭიკაშვილი "ფეისბუქის" პირად გვერდზე ავრცელებს ფოტოებს, რომელზეც გაძარცვული Pontiac Solstice-ია ასახული. ბიჭიკაშვილი წერს, რომ წუხელ მის მანქანას ქურდებმა საბურავები მოხსნეს და მანქანა ბლოკებზე შეყენებული დატოვეს.
"აი, დადგა ის ნანატრი ხვალე... ვიღაცამ ოცნება აუსრულა ჩემი მანქანის საბურავებით... გაგებით მოვეკიდო? არადა ყველაზე დაცულ უბანში ვცხოვრობ ვითომ..." - წერს ბიჭიკაშვილი და გაძარცვული ავტომანქანის ფოტოებს ავრცელებს.
მისივე ინფორმაციით, მძარცველებმა არამხოლოდ საბურავები მოიპარეს, არამედ მანქანა დააზიანეს და გაჩხაპნილ-შეტყლეჟილი დატოვეს. შემთხვევა თბილისის ერთ-ერთ ყველაზე პრესტიჟულ უბანში, დიღმის 7-ში მოხდა, რომელიც დიპლომატების უბნად ითვლება.
ბიჭიკაშვილის თქმით, მისი მეზობლების უმრავლესობას სათვალთვალო კამერები აქვს დაყენებული, თუმცა მას არა. დაზარალებულმა გამოიძახა საპატრულო პოლიცია, რომელიც ჯერ კიდევ ატარებს შესაბამის ღონისძიებებს შემთხვევის ადგილზე. მისივე თქმით, საქმით დაინტერესდა ამერიკის საელჩოც, რადგან მიმდებარე ტერიტორიაზე ცხოვრობს ბევრი დიპლომატი.
