დღის ფოტო: ზაზა სარალიძემ პროკურატურის ეზოში მოკლული შვილის ფოტოები შეყარა

ზაზა სარალიძემ პროკურატურის ეზოს ტერიტორიაზე მისი მოკლული შვილის, დათო სარალიძის ფოტოები შეყარა.

• პროკურატურის გადაწყვეტილებით, ზაზა სარალიძესთან შეხვედრა დღეს გაიმართება

მას შემდეგ რაც, სარალიძე სამართალდამცველებმა პროკურატურის ეზოდან ქუჩაში ძალის გამოყენებით გაიყვანეს, მან პროტესტის ნიშნად თვითდაზიანება მიიყენა - თავი ურტყა ჭიშკარსა და ასფალტს, რის შედეგადაც გატეხილი აქვს თავი. სარალიძე დღეს დილიდან პროკურატურასთან იმყოფება და საქმის პროკურორთან შეხვედრას ითხოვს.

გარეთ გამოძევების შემდეგ ზაზა სარალიძემ ქუჩიდან პროკურატურის ჭიშკრის გისოსებში, უწყების ეზოში მოკლული ვაჟიშვილის, დათო სარალიძის ფოტოები შეყარა და მოითხოვა, რომ აღნიშნული ფოტოებისთვის არავის ეხლო ხელი. მოგვიანებით, ფოტოები სარალიძემ თავად აკრიფა. მას პროკურატურაში შესვლის საშუალება მისცეს.

ფოტო: ფბ-გვერდი "მამები სიმართლისთვის"