მნიშვნელოვანი ინფორმაცია
8
ივნისიდღის ზოგადი ასტროლოგიური პროგნოზი
კვირა, მთვარის მეცამეტე დღე დაიწყება 19:40-ზე, მთვარე მორიელშია – კარგია ჯგუფური მუშაობისთვის, ახალი ინფორმაციის მოსაპოვებლად, სწავლის დასაწყებად. საყოფაცხოვრებო ნივთების დაგროვების, შეძენისა და წარმოებისთვის. კარგია პურის გამოცხობა. არ არის რეკომენდებული სერიოზული საქმეების და ვალდებულებების შესრულება, განსაკუთრებით მარტო. ადრე დაწყებული პროექტების მიტოვება. სიზარმაცე. ხელსაყრელი დღეა მოგზაურობისთვის, მივლინების ან მომლოცველებისთვის. აგრეთვე ოჯახის შესაქმნელად.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
მოსკოვის ელიტურ სახლში ხანძარმა 8 ადამიანი იმსხვერპლა - "ვერ პოულობენ ოჯახს, რომელსაც მცირეწლოვანი შვილი ჰყავს"
14:50 / 05-02-2019
4 თებერვალს, მოსკოვში მდებარე ერთ-ერთ საცხოვრებელ სახლში გაჩენილ ხანძარს 8 ადამიანი ემსხვერპლა. დაღუპულებს შორის ორი ბავშვია. მაშველებმა დღეს დილით იპოვნეს ერთ-ერთი მცირეწლოვნის ცხედარი, რომელსაც მთელი ღამე ეძებდნენ. რუსული მედიის ცნობით, დაღუპული ბავშვებიდან ერთ-ერთი 6 წლის არის, მეორეს ასაკის დადგენა ჯერჯერობით ვერ ხერხდება.
მოსკოვის სამაშველო სამსახურის ინფორმაციით, პირველადი ცნობით, სავარაუდოდ, ერთ ოჯახში ყველა წევრი დაიღუპა.
პრესტიჟულ ადგილას, ნიკიტსკის ბულვარში მდებარე ე.წ. ვარსკვლავების სახლში ცეცხლი 4 თებერვალს, საღამოს გაჩნდა. შენობა აგურით არის ნაშენი და ხის მასალით გადახურული, რამაც ცეცხლის ელვისებური გავრცელება გამოიწვია. ცეცხლი სწრაფად მოედო ორი ათას კვადრატულ მეტრამდე ფართობს, 300 კვადრატულ მეტრის სახურავი ჩაინგრა. შენობა აგებულია 1912 წელს და კულტურული მემკვიდრეობის ობიექტებს მიეკუთვნება. მასში ასამდე ბინაა.
Комсомольская Правда-ს ინფორმაციით, ცეცხლი პირველად რუსეთის სახალხო არტისტის, ცნობილი მუსიკოსის და დირიჟორის იური ბაშმეტის ქალიშვილის სახლში გაჩნდა. ამავე შენობაში მსახიობ ინდებორგა დაბკუნაიტეს სახლი მდებარეობს, კორპუსში ცხოვრობს რამდენიმე ცნობილი მსახიობი და მხატვარი.
rbc.ru-ს ცნობით, ხანძრის შედეგად დაშავებულებიდან ოთხის მდგომარეობა მძიმეა. მოსკოვის მერის, სერგეი სობიანინის თქმით, შენობა ისედაც ძველია და ამ ხანძრის შემდეგ, მისი ბოლომდე ჩამონგრევის საშიშროება არსებობს.
ადგილობრივი სამართალდამცავები ტერაქტს გამორიცხავენ და ვარაუდობენ, რომ ხანძარი გაუმართავმა ელექტროგაყვანილობამ გამოიწვია. საცხოვრებელი სახლის მცხოვრებლების თქმით, მათ არაერთელ მიმართეს თხოვნით მერიას შენობის გამაგრების შესახებ, თუმცა, უშედეგოდ...
“ჩემი ამერიკელი მეგობარი ტომი, მე-6 სართულზე, მეუღლესა და ორ შვილთან ერთად ცხოვრობს, მას რუსეთში ბიზნესი აქვს. ძლივს მოასწრეს გაქცევა. ყველაფერი დაეწვათ... ამჟამად ერთ-ერთ სასტუმროში არიან... მეზობლები ერთ ოჯახს ვერ პოულობენ, რომელსაც მცირეწლოვანი შვილი ჰყავდა", - აცხადებს რუსულ მედიასთან საუბრისას ადგილობრივი გიორგი მასლოვი.
რუსი ინტერნეტმომხმარებლები წერენ, რომ მოსკოვის ცენტრში და მის გარშემო, უამრავი ავარიული შენობაა, სადაც ცხოვრება ძალიან საშიშია, მაგრამ ამით არავინ ინტერესდება.
"ოცდამეერთე საუკუნის მოსკოვის ცენტრში, რომელსაც მეგაპოლისის ამბიცია აქვს, ხალხი აგურის სახლებში ცხოვრობს, სადაც რუსეთის მეფისდროინდელი გაყვანილობაა და შეცვლა, უბრალოდ, შეუძლებელია. არადა, საკმარისია, ერთ-ერთ ბინაში მოხდეს ინციდენტი და მთლიანი შენობა რამდენიმე წუთში დაიფერფლება,” - წერს კატერინა კასლიცკა.
დღესვე gazeta.ru-მ გაავრცელა ინფორმაცია, რომ მოსკოვში 50-ზე მეტი სკოლის, საბავშვო ბაღისა და უმაღლესი სასწავლებლის ევაკუაცია მოხდა. ყველა მათგანში ანონიმური ზარი შევიდა, რომლის თანახმადაც შენობებში ბომბი იყო.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
