მნიშვნელოვანი ინფორმაცია
9
ივნისიდღის ზოგადი ასტროლოგიური პროგნოზი
ორშაბათი, მთვარის მეთოთხმეტე დღე დაიწყება 21:02-ზე, მთვარე მშვილდოსანში იქნება 18:53-დან, უკურსო მთვარის პერიოდი იქნება 16:06-დან 18:55-მდე – მიიღეთ აქტიური და გადამწყვეტი მოქმედება. დაიწყე მნიშვნელოვანი და სერიოზული საქმეები. მომავალ წარმატებაში ეჭვი არ შეგეპაროთ. ფრთხილად და კარგად დაფიქრდი თქვენს ნაბიჯებზე. კომუნიკაცია სხვადასხვა ადამიანებთან. გააძლიერეთ ოჯახური კავშირები და დაამყარეთ ურთიერთობა საყვარელ ადამიანებთან, განსაკუთრებით უფროს თაობასთან. თუ შესაძლებელია, გადადეთ ყველაფერი, დაისვენეთ და ისიამოვნეთ ცხოვრებით. ფიზიკური აქტივობა სასარგებლოა. გაუფრთხილდით მხედველობას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მისი ჯანმრთელობის მდგომარეობა დღითიდღე უარესდება. ვითხოვთ მის ზიარებას" - გიორგი მამალაძის ოჯახის აქცია საპატრიარქოსთან
16:27 / 04-02-2019
საქართველოს საპატრიარქოსთან ე.წ. „ციანიდის საქმეზე“ მსჯავრდებულ გიორგი მამალაძის ოჯახის წევრები და ახლობლები აქციას მართავენ.
აქციის მონაწილეების მთავარი მოთხოვნაა, მოხდეს დეკანოზის ზიარება.
როგორც „ინტერპრესნიუსს“ გიორგი მამალაძის ძმამ განუცხადა, გაუარესებულია მსჯავრდებული დეკანოზის ჯანმრთელობის მდგომარეობა. კონკრეტულად კი, მისი ინფორმაციით, გიორგი მამალაძეს გულთან დაკავშირებით აქვს პრობლემები. მისივე განცხადებით, მძიმეა მისი სულიერი მდგომარეობა.
„უკვე ორი წელია, ჩემი ძმა, დეკანოზი გიორგი მამალაძე საპატრიარქოს გარკვეული დაჯგუფებისა და მთავრობის ხელშეწყობით უკანონო პატიმრობაშია. მისი ჯანმრთელობის მდგომარეობა დღითიდღე უარესდება. ვითხოვთ მის თავისუფლებასთან ერთად ზიარებას საკურნებლად სულისა და ხორცისა. მის მძიმე სულიერ მდგომარეობას ემატება ის, რომ მამა გიორგის აწუხებს გული. დაემართა დიაბეტიც და ჯანმრთელობის სხვა პრობლემებიც აღენიშნება, რომელზეც საუბარი არ მსურს. ჩვენ ველოდებოდით და გვინდოდა, რომ შიგნიდან მოგვეგვარებია ეს პრობლემა, მაგრამ, სამწუხაროდ, არანაირი დადებითი ნაბიჯი არ გადადგმულა ამასთან დაკავშირებით. ამ აქციის მოწყობა ისევ საპატრიარქომ გვიბიძგა.
ჩემი ძმა არის სასულიერო პირი. ჩემს ძმას აქვს მხოლოდ უფლის მოწყალების იმედი. იგი დღემდე იმედიანადაა, მაგრამ მე ვარ ჩვეულებრივი ერისკაცი, ოჯახის წევრი, ძმა და რადიკალური ნაბიჯები გადავდგი აქციის მოწყობის სახით“, – განაცხადა თორნიკე მამალაძემ.
აქციას ასევე შეუერთდა ადვოკატი მიხეილ რამიშვილი, რომელიც იმედს გამოთქვამს, რომ სტრასბურგის სასამართლო მიიღებს სამართლიან და ობიექტურ გადაწყვეტილებას, „რაც კიდევ ერთი დასტური იქნება იმის, რომ საქართველოში არ არსებობს სასამართლო ხელისუფლება და რომელიც დაამტკიცებს დეკანოზის უდანაშაულობას“.
00:00 / 00:00
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
