მნიშვნელოვანი ინფორმაცია
6
ივნისიდღის ზოგადი ასტროლოგიური პროგნოზი
პარასკევი, მთვარის მეთერთმეტე დღე დაიწყება 17:02-ზე, მთვარე სასწორშია – ერთ-ერთი ყველაზე ენერგიული, წარმატებული და ძლიერი დღეა. ნებისმიერი დავალების შესრულებისას საჭიროა სიფრთხილე და ყურადღება. იმოქმედეთ გადამწყვეტად, ბიზნესში თუ სამსახურში. განხორციელდეთ ის, რაც ჩაფიქრებული გქონდათ. გააფორმეთ კონტრაქტები, დაიკავეთ ახალი პოზიცია. დაასრულეთ რაც დაიწყეთ. დღის საუკეთესო საკვებად ითვლება წვენები და ხილი. გამოიჩინეთ მზრუნველობა და სიყვარული საყვარელი ადამიანის მიმართ, მიართვათ საჩუქარი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ინფორმაცია უგზო-უკვლოდ დაკარგულ ქართველ მეომრებზე, რომელიც AMBEBI.GE-ს მკითხველის თხოვნით მოვიძიეთ
15:56 / 04-02-2019
მეორე მსოფლიო ომში დაკარგული ქართველი ჯარისკაცების შესახებ ყოველი სტატიის შემდეგ, AMBEBI.GE-ს მკითხველები კომენტარებში წერენ საკუთარი წინაპრის ან ნათესავის შესახებ მონაცემებს და მათზე ინფორმაციას ითხოვენ.
ამჯერად, ჩვენი მკითხველისთვის ქერჩის კომისიის წევრებმა იმ ადამიანების გვარ-სახელები მოიძიეს, რომლებიც აქამდე უგზო-უკვლოდ დაკარგულად ითვლებოდნენ...
ასევე, კომისიის წევრის თქმით, ქერჩის საერთო სასაფლაოზე ახალი დაფის განთავსება იგეგმება, რისთვისაც საჭიროა ნათესავებთან და ოჯახის წევრებთან მეომრების გვარ-სახელებისა და დაბადების წლების დაზუსტება, რადგან ხშირ შემთხვევაში მათ პირად მონაცემებში შეცდომები იყო.
მაშ ასე, გთავაზობთ იმ ქართველი მეომრების მონაცემებს, რომლებსაც ახლობლები აქამდე უგზო-უკვლოდ დაკარგულად თვლიდნენ:
გიორგი მიხეილის ძე მაისურაძე - დაბადებული 1907 წელს, ბორჯომის რაიონის სოფელ ჩობისხევში. მეუღლე თამარა. დღემდე ითვლებოდა უგზო-უკვლოდ დაკარგულად, სინამდვილეში დაკრძალულია ქერჩში, საერთო სასაფლაოზე.
ვასილი ვარლამის ძე კაველაძე - (შესაძლოა, ყაველაძე ან ყოველაძე), დაბადებული ხარაგაულის რაიონში, მეუღლე - ვერა.
ამირან პროკოფის ძე ლატარია - დაბადებული ხობის რაიონის სოფელ ხეთაში, 1922 წელს. გარდაიცვალა სამხედრო საავადმყოფოში, მიღებული ჭრილობებისგან.
სერგეი ბაღდარის ძე მურდოიანი - დაბადებული 1921 წელს თბილისში, პლეხანოვის (მარჯანიშვილის) პროსპექტზე, #88. დედა - მარგარიტა სარქისის ასული მურდოიანი. მოწინააღმდეგის მიერ დაზიანებული თვითმფრინავი ყირიმის თავზე ჩამოაგდეს. დაჭრილი მურდოიანი პარაშუტით გადმოხტა, საბჭოთა ფრონტის ხაზამდე მიაღწია და სანგარში დაიღუპა.
სულიკო სოსოს ძე ოთიაშვილი - დაბადებული 1913 წელს თელავის რაიონის სოფელ მატანში. მეუღლე ვერა ლევანის ასული. დღემდე ითვლებოდა უგზო-უკვლოდ დაკარგულად. დაკრძალულია ქერჩის საერთო სასაფლაოზე.
ვასილი მილოშევის ძე რეხვიაშვილი - დღემდე უგზო-უკვლოდ დაკარგულად ითვლება, გერმანელებმა ტყვედ აიყვანეს და 1945 წლამდე გერმანიის ქალაქ ცერბსტში, იქიდან კი, ეშელონით გროზნოში გადაიყვანეს. სავარაუდოდ, დაიღუპა მატარებელში და დაკრძალულია ამავე ქალაქში.
ნიკოლოზ ზახარის ძე ონოფრიშვილი - უგზო-უკვლოდ დაკარგულად ითვლებოდა 1945 წლიდან, სავარაუდოდ, დაიკარგა ბოლო ბრძოლებისას, გერმანიაში, ქალაქ ლუკენვალდის მიმდებარე ტყეებში დაიკარგა. მის შესახებ მეტი ინფორმაციის მიღება შეუძლიათ ოჯახის წევრებს ან შთამომავლებს - ამისთვის ბერლინში არსებულ საქართველოს საკონსულოს უნდა დაუკავშირდნენ, რომლის დახმარებითაც წერილობით უნდა მიმართონ ლუკენვალდის არქივს.
ცნობისთვის, შესაძლოა, ონოფრიშვილი, ლუკენვალდში დაკრძალული იყოს, როგორც “უცნობი ჯარისკაცი.” დამატებითი ინფორმაციის მითითება შესაძლოა, ადგილობრივი არქივიდან.
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქართულ კომერციულ ბანკებში დაახლოებით 2 მილიარდი რუსული რუბლი ინახება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ვეძებ ჩემ დიდ პაპას შალა გიორგის-ძე წიკლაური სოფელ ახატნიდად 1943 წელს უგზო-უკვალოდ დაიკარგა ქერჩში თუ ვინმემ რამე იცით შეგვეხმიანეთ ნომერი 557646895
ვეძებ ბიძას. აბელა ან აბესალომი იაძე. კასპის რაიონი სოფელი მეტეხი