მნიშვნელოვანი ინფორმაცია
30
მაისიდღის ზოგადი ასტროლოგიური პროგნოზი
30 მაისი, პარასკევი, მთვარის მეოთხე დღე დაიწყება 07:23-ზე, მთვარე ლომში გადაბრძანდება 23:58-ზე – ნუ აჰყვებით პროვოკაციებს, მოერიდეთ კამათსა და კონფლიქტს. კარგია ახალი ინფორმაციის შეგროვება და დამუშავება. წარმოების გაზრდა. არ არის შესაფერისი დღე მოგზაურობის დასაწყებად ან მივლინებაში წასასვლელად. დღის ენერგიამ შეიძლება გამოიწვიოს გაურკვევლობა, ადამიანებში იმატებს კომპრომისზე წასვლის უუნარობა. ასევე, არ არის მიზანშეწონილი რომანტიკული პაემანი. კარგია ოთახების მოლამაზება. ინტერიერის განახლება. აგრეთვე სადილის მომზადება და ცხობა. საუკეთესოა თმის შეჭრა და შეღებვა. გაიკეთეთ თმისა და სახის ნიღაბი. მოუფრთხილდით გულს, სისხლის მიმოქცევის სისტემას, არტერიებს, ზურგს, დიაფრაგმას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ფარული ჩანაწერების საქმეზე დაკავებულთაგან ერთ-ერთი მომღერალი გიორგი გასვიანია
12:46 / 01-02-2019
შინაგან საქმეთა სამინისტროს ინფორმაციით, ფარულ ვიდეოჩანაწერებთან დაკავშირებით 16 პირია დაკავებული.
არსებული ინფორმაციით, დაკავებულებს შორის ერთ-ერთი მომღერალი გიორგი გასვიანია, რომელიც 2017 წელს მუსიკალური პროექტის "X ფაქტორის" კონკურსანტი იყო.
"იქს-ფაქტორის" მონაწილე პროექტს ოთხი სკამის ტურიდან გამოეთიშა. სანდრო კურცხალიძის პროექტში დასატოვებლად სოფო ნიჟარაძემ 4 ბიჭიდან გიორგი გასვიანზე შეაჩერა არჩევანი და სწორედ ის ააყენა სკამიდან.
"იქს-ფაქტორამდე" გიორგი გასვიანი კიდევ ერთ მუსიკალურ შოუში "ახალ ხმაში" მონაწილეობდა, სადაც მერვედფინალამდე მივიდა.
შინაგან საქმეთა სამინისტრო აღნიშნულთან დაკავშირებით, დამატებით ინფორმაციას ჯერჯერობით არ ასაჯაროვებს.
როგორც დაკავებული მომღერლის ადვოკატმა, კახა ხვისტანმა „ინტერპრესნიუსს“ განუცხადა, გასვიანი სამართალდამცველებმა სამსახურში აიყვანეს და მას ბრალს დღეს, სავარაუდოდ, დღის მეორე ნახევარში წაუყენებენ.
„ჩემი ინფორმაციით, პოლიციის თანამშრომლებმა გიორგი გასვიანს სამსახურში გუშინ მიაკითხეს და იქ მოხდა მისი დაკავება. დეტალებს ვერაფერს გეტყვით, ჯერ ბრალიც არ წაუყენებიათ, ჯერჯერობით, ჩემსა და გამომძიებელს შორის კომუნიკაცია არ ყოფილა“, - აცხადებს ადვოკატი.
შინაგან საქმეთა სამინისტროს ცენტრალური კრიმინალური პოლიციის დეპარტამენტში მიმდინარეობს გამოძიება პირადი ცხოვრების ამსახველი ვიდეო-ჩანაწერის გავრცელების ფაქტზე. გატარებული ოპერატიულ-საგამოძიებო მოქმედებების შედეგად, აღნიშნული ვიდეო-ჩანაწერის შენახვის და გავრცელების ბრალდებით, საქართველოს სისხლის სამართლის კოდექსის 157-ე პრიმა მუხლის პირველი და მეორე ნაწილებით დაკავებულია 16 პირი.
გამოძიებით დადგინდა, რომ აღნიშნული პირები სოციალური ქსელის და მობილური ინტერნეტ აპლიკაციის მეშვეობით ინახავდნენ და მასობრივად ავრცელებდნენ პირადი ცხოვრების ამსახველ ვიდეო-ჩანაწერს.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
