მეხანძრე-მაშველს, რომელმაც ხანძრისას 9 თვის ჩვილი გადაარჩინა, World Run-ის კეთილი ნების ელჩის სტატუსი მიენიჭა
ალექსანდრე შუკვანი პირველი მეხანძრე-მაშველია, რომელსაც World Run-ის კეთილი ნების ელჩის სტატუსი მიენიჭა. ამის შესახებ საქართველოს განათლების, მეცნიერების, კულტურისა და სპორტის სამინისტროში გაიმართულ ღონისძიებაზე გახდა ცნობილი.
ალექსანდრე შუკვანმა გასული წლის ზაფხულში თბილისში, ბერი გაბრიელ სალოსის ქუჩაზე გაჩენილი ხანძრისას 9 თვის ჩვილი გადაარჩინა.
"ჩემთვის დიდი პატივია ვიყო მსოფლიო რბენის კეთილი ნების ელჩი. ჯანსაღი ცხოვრების წესის გავრცელება უმნიშვნელოვანესია და განსაკუთრებით მაშინ, როცა საქმე ქველმოქმედებას ეხება. ყველას მოვუწოდებ, რომ გახდნენ წლევანდელი World Run-ის მონაწილეები" - აცხადებს ალექსანდრე შუკვანი.
Wings for Life World Run უნიკალური მარათონია - სპორტსმენები, მოყვარულები და ეტლით მოსარგებლე ადამიანები ერთად მონაწილეობენ საქველმოქმედო გარბენში. ღონისძიება 5 მაისს, 15:00 საათზე ლოპოტას ტბის მიმდებარე ტერიტორიიდან აიღებს სტარტს. მეხანძრე-მაშველები გარბენში მონაწილეობას ტრადიციულად წელსაც მიიღებენ.
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია
