როგორ ცხოვრობს პარიზში საქართველოს ყოფილი პირველი ლედის სეხნია, უმცროსი ნანული შევარდნაძე

საქართველოს ყოფილი პრეზიდენტის, ედუარდ შევარდნაძის უმცროსი შვილიშვილი და ბებიის სეხნია, ნანული შევარდნაძე 21 წლისაა, ის საფრანგეთში დაიბადა და ოჯახთან ერთად პარიზში ცხოვრობს. გოგონა სამსახიობო ხელოვნებითაა გატაცებული, გარდა ამისა, მრავალფეროვანი ინტერესები აქვს.

ოთხი წლიდან ბალეტით იყო დაინტერესებული, ხატავს და ცხენით ჯირითობს, უკრავს გიტარაზე. უყვარს სეირნობა ელისეს მინდვრებში და ლუქსემბურგის ბაღში. "ყველაზე მეტად მსახიობობა მინდა და გავხდები კიდეც, მიუხედავად იმისა, რომ ჩემ გარშემო ყველა ცდილობს გადამარწმუნოს", - ამბობდა ის წლების წინ ერთ-ერთ ინტერვიუში. როგორც ჩანს, პატარა ნანულიმ ოცნება აიხდინა.

უფროსი დის, სოფიკოს მსგავასად, ნანულიც იყო ჟურნალისტიკით დაინტერესებული. წლების წინ მან სტაჟირება საფრანგეთში, "ევროპა 1-ზე" გაიარა.