მნიშვნელოვანი ინფორმაცია
7
ივნისიდღის ზოგადი ასტროლოგიური პროგნოზი
კვირა, მთვარის მეცამეტე დღე დაიწყება 19:40-ზე, მთვარე მორიელშია – კარგია ჯგუფური მუშაობისთვის, ახალი ინფორმაციის მოსაპოვებლად, სწავლის დასაწყებად. საყოფაცხოვრებო ნივთების დაგროვების, შეძენისა და წარმოებისთვის. კარგია პურის გამოცხობა. არ არის რეკომენდებული სერიოზული საქმეების და ვალდებულებების შესრულება, განსაკუთრებით მარტო. ადრე დაწყებული პროექტების მიტოვება. სიზარმაცე. ხელსაყრელი დღეა მოგზაურობისთვის, მივლინების ან მომლოცველებისთვის. აგრეთვე ოჯახის შესაქმნელად.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რა უამბო ბრიტანულ მედიას ჯეკ შეფერდის მეგობარმა ქართველმა გოგონამ: "შოკირებული ვიყავი, თავადაც ტიროდა"
12:57 / 28-01-2019
ბრიტანული გამოცემები ჯეკ შეფერდის ქართველი მეგობრის შესახებ წერენ - The Sun-ის ინფორმაციით, ყოფილი ტელეწამყვანი, 24 წლის მაიკო ჭანტურიძე შოკირებული იყო, როდესაც შეიტყო, რომ შეფერდს მკვლელობაში მონაწილეობის ბრალდებით ინტერპოლი ეძებდა.
ჭანტურიძის თქმით, შეფერდმა პოლიციაში მისვლამდე რამდენიმე დღით ადრე დაურეკა.
"მითხრა, რომ მნიშვნელოვანი რამ უნდა ეთქვა. სიტყვების პოვნა უჭირდა, თუმცა საბოლოოდ მომიყვა, რომ იყო ინციდენტის მონაწილე, რომლის დროსაც გოგონა დაიღუპა, მას კი ინტერპოლი ეძებდა. ასევე, აღნიშნა, რომ აპირებდა პოლიციაში გამოცხადებულიყო, რადგან აღარ სურდა, მასზე ცხოველის მსგავსად ენადირათ.
შოკირებული ვიყავი, თავადაც ტიროდა..." - ამბობს ჭანტურიძე The Sun-თან ექსკლუზიურ ინტერვიუში.
შეფერდი ქართველ გოგონასთან საუბრის დროს ამტკიცებდა, რომ 24 წლის შარლოტა ბრაუნის გარდაცვალება მისი ბრალი არ ყოფილა.
ჭანტურიძის თქმით, ბრიტანელი მამაკაცი პარკში გაიცნო, როდესაც გოგონა ძაღლს, ლუსის ასეირნებდა. ის ჰყვება, რომ მოგვიანებით მამაკაცი დას და მეგობრებსაც გააცნო, ხშირად დადიოდნენ ერთად ბარებსა და რესტორნებში.
"ჩვენ შორის ძალიან ახლო მეგობრობა ჩამოყალიბდა, თუმცა ურთიერთობა ამაზე შორს არ წასულა," - ამბობს ჭანტურიძე.
31 წლის ჯეკ შეფერდი საკუთარ კატერს ნასვამ მდგომარეობაში მართავდა, სიჩქარის გადაჭარბების გამო კატერი გადაბრუნდა, რასაც 24 წლის შარლოტა ბრაუნის სიცოცხლე ემსხვერპლა. მამაკაცმა გოგონას დახმარება არც სცადა, სამაშველო სამსახური კი შეცდომაში შეიყვანა. შემთხვევა 2015 წლის დეკემბერში მოხდა, შეფერდი კი 2018 წლის ივლისში სასამართლო პროცესის დაწყებამდე გაუჩინარდა და მისი ადგილსამყოფელის შესახებ არაფერი იცოდნენ. 23 იანვარს ის ადვოკატებთან ერთად პოლიციაში გამოცხადდა.
"ქართველი და ბრიტანელი სამართალდამცველების თანამშრომლობით ჯ.ს.შ.-ზე საერთაშორისო არხებით ძებნა მიმდინარე წლის 12 იანვრიდან გამოცხადდა. 31 წლის ბრიტანელი ლონდონის ცენტრალური კრიმინალური სასამართლოს მიერ ცნობილი იქნა დამნაშავედ ერთი პირის გაუფრთხილებლობით სიცოცხლის მოსპობის გამო და 6 წლით თავისუფლების აღკვეთა მიესაჯა. შემთხვევა 2015 წლის 8 დეკემბერს მოხდა.
ამჟამად, დაკავებული პირის მიმართ მიმდინარეობს კანონით გათვალისწინებული წინასაექსტრადიციო პროცედურები“, - ნათქვამია შსს-ს განცხადებაში.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
