"აი, ამ გერმანული ბოტასით ალავერდს შენთან გადმოვალ..." - მელორ ვაჩნაძე გახარიას და ფარცხალაძეს მიმართავს
მელორ ვაჩნაძე გერმანიაში მისი დაკავების შესახებ გავრცელებულ ინფორმაციასთან დაკავშირებით "ფეისბუქის" პირად გვერდზე მორიგ პოსტს აქვეყნებს.
გავრცელებული ინფორმაციით, გერმანიაში ქართველი სამოქალაქო აქტივისტი ფეხსაცმლის ქურდობისთვის დააკავეს. ვაჩნაძე სოციალურ ქსელში ოთარ ფარცხალაძეს მიმართავს:
"აი ამ გერმანული ბოტასით ალავერდს შენთან გადმოვალ, ჩემო ფარცხალ, და აი ჩემი გენ პროკურორობისა მინდა დავლიო. შენ რა ფულიც იშოვე, მეც მაშოვნინოს და თუ გინდა მერე ყველა გაჭირვებულისთვისაც მოვიპაროთ ასეთი ბოტასი. ასე მტერი დამეცალოს!!! გახარია სარდაფებში მენახოს, მოიდა ბოტასა.
შენ თუ ამას დალევ... აი შენ თუ ამას დალევ!!! ბარიგა გახარია, შენ და ოცნების პიარშიკები თუ პადვალ-პადვალ არ გათრიოთ, მე ვიყო ფარცხალაძე", - წერს მელორ ვაჩნაძე.
შეგახსენებთ, ორი წლის წინ "ევროპული საქართველოს" წევრმა გიგი უგულავამ განაცხადა, რომ ოთარ ფარცხალაძე 2001 წლის 16 იანვარს აუსბურგის სასამართლოს მიერ, გერმანიის სისხლის სამართლის კოდექსის 249-ე და 252-ე მუხლებით ყაჩაღური ქურდობისთვისაა ნასამართლევი.
"ერთიანი ნაციონალური მოძრაობის" ინფორმაციით, გერმანიაში ოთარ ფარცხალაძე ბოტასის ქურდობის გამო გასამართლდა. აღნიშნული სკანდალების შემდეგ, 2013 წლის 30 დეკემბერს, ოთარ ფარცხალაძემ მთავარი პროკურორის თანამდებობა დატოვა.