როგორია 4 წლის ბავშვის მდგომარეობა, რომელმაც საბავშვო ბაღში სავარაუდოდ სადეზინფექციო ხსნარი დალია
ბათუმიდან იაშვილის კლინიკაში გადმოყვანილ ბავშვს, რომელმაც სავარაუდოდ სადეზინფექციო ხსნარი დალია, დღეს გაწერენ, - ამის შესახებ "ინტერპრესნიუსს" იაშვილის კლინიკის პრესსამსახურში განუცხადეს.
მათივე ინფორმაციით, ბავშვს მეორე ხარისხის დამწვრობა დაუდგინდა.
"დღეს პაციენტს ვწერთ ბინაზე, ჩატარებული ინსტრუმენტული კვლევის შედეგად დადგინდა მეორე ხარისხის დამწვრობა. პაციენტი სამი კვირით ეწერება კონსერვატიული მკურნალობის ქვეშ. ბავშვი იღებს საკვებსა და სითხეს. სამი კვირის შემდეგ განმეორებითი კვლევაზეა დაბარებული", - აცხადებენ კლინიკაში.
შეგახსენებთ, რომ 4 წლის ბავშვი, რომელმაც ბათუმის ერთ-ერთ ბაღში სავარაუდოდ, სადეზინფექციო ხსნარი დალია, იაშვილის კლინიკაში გადმოიყვანეს. როგორც შს სამინისტროში აცხადებენ, უწყებაში შეტყობინება საბავშვო ბაღიდან არ შესულა, თუმცა სამართალდამცველებმა მოკვლევა დაიწყეს.
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია
