ქსენია სობჩაკის ქმარმა ცოლის საყვარელს სცემა და ცხვირი გაუტეხა - რუსული მედია კადრებს ავრცელებს

ქსენია სობჩაკის ქმარმა, მაქსიმ ვიტორგანმა ცოლის საყვარელს, რეჟისორ კონსტანტინ ბოგომოლოვს ცხვირი გაუტეხა, „კომსომოლსკაია პრავდა“ წერს, რომ დაპირისპირების ამსახველი ვიდეოკადრები რუსულ ინტერნეტსივრცეში ვირუსულად ვრცელდება.

ბოგომოლოვს სამედიცინო დახმარება დასჭირდა, ვიტორგანმა კი ჩხუბიდან სულ ცოტა ხანში „ინსტაგრამზე“ ვახშმის ფოტო გააზიარა.

ქმრისა და საყვარლის ფიზიკურ დაპირისპირებას სობჩაკი ორიგინალურად გამოეხმაურა. მან სოციალურ ქსელში გააზიარა სურათი ძველი ფოტოსესიიდან, სადაც მას ანა კარენინას იმიჯი აქვს. ფოტოსესია რუსულ ჟურნალში Elle გამოქვეყნდა.

VIDEO: სათვალთვალო კამერის ჩანაწერში ჩანს, როგორ სცემს ქსენია სობჩაკის ქმარი ცოლის საყვარელს

სოციალური ქსელების მომხმარებლები ფოტოს კომენტარად წერენ, რომ სობჩაკის ქმარი „ნამდვილი ტაისონია“.

სასიყვარულო სამკუთხედი, როგორც რუსული საინფორმაციო სააგენტოები წერენ, გასული წლის ზაფხულში გაჩნდა. ქსენიასა და მაქსიმის ქორწინება, ერთი შეხედვით, ბედნიერი ჩანდა, თუმცა რამდენიმე თვის წინ რუსი ტელევარსკვლავის რომანის შესახებ გავრცელდა ინფორმაცია.

სობჩაკისა და ბოგომოლოვის რომანტიკულ შეხვედრებზე წერდნენ სოციალურ ქსელებში, ასევე, ვრცელდებოდა ინფორმაცია, რომ ქსენია ქმართან ერთად აღარ ცხოვრობს.

სობჩაკსა და ვიტორგანს საერთო შვილი, 2 წლის პლატონი ჰყავთ.