მნიშვნელოვანი ინფორმაცია
4
ივნისიდღის ზოგადი ასტროლოგიური პროგნოზი
4 ივნისი, ოთხშაბათი, მთვარის მეცხრე დღე დაიწყება 14:30-ზე, მთვარე სასწორში გადავა 17:41-ზე – დღის ენერგია უარყოფითად მოქმედებს ადამიანებზე. პროვოკაციების დღეა, უფრთხილდით მოტყუებას და ცდუნებებს, იყავით მოკრძალებული. ცოტა დაისვენეთ, აღიდგინეთ ძალა. მოუფრთხილდით პირად ნივთებს. იყავით თავშეკავებული და ტოლერანტული სამსახურში, კომუნიკაციაში, ეცადეთ არავის ანაწყენოთ. არ მიიღოთ მონაწილეობა სარისკო საქმიანობაში. არ არის რეკომენდებული ბიზნესის დაწყება, პრეზენტაციებსა და გასართობ ღონისძიებებზე დასწრება, ხელშეკრულებების გაფორმება. საბუთების შედგენა. აქტიური ორგანოებია: თირკმელები, შარდის ბუშტი, გამომყოფი სისტემა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რატომ ეძახდნენ ლევან ჩხაიძეს ჯაკოს - "უნდა გამოვტყდე, რომ პოლიტიკურ ჟურნალისტიკასთან ნაკლებად ვაკავშირებდი"
14:24 / 22-01-2019
ყოფილი ტელეწამყვანი და დეპუტატი გიორგი თარგამაძე გარდაცვლილი ჟურნალისტის, ლევან ჩხაიძის ზედმეტსახელის შესახებ წერს, ჩხაიძეს მეგობრები და კოლეგები მრავალი წლის განმავლობაში ჯაკოს ეძახდნენ.
"შეიძლება ბევრმა არ იცის რატომ ვეძახდით ლევანს - ჯაკოს. წლების წინ ტვ იმედში მუშაობის დაწყებამდე რადიო "ჯაკო" - ში მუშაობდა. იქიდან ავიყვანეთ. მალე ნიუსრუმის და მთლიანად ჩვენი ოჯახის სრულფასოვანი წევრი გახდა და სპორტულ ამბებს უძღვებოდა. უნდა გამოვტყდე, რომ პოლიტიკურ ჟურნალისტიკასთან ნაკლებად ვაკავშირებდი და მათე კირვალიძის განსაკუთრებულ დამსახურებად მიმაჩნია ჯაკოს პოტენციალის შემჩნევა და გამორჩეულ ტელერეპორტიორად და წამყვანად მისი ტრანსფორმაცია (დღეს მათეს ყველა ჩვენგანზე მეტად უჭირს).
რა თქმა უნდა ტვ პირველის და მისი თანამშრომლების როლი ყველაზე მნიშვნელოვანია იმ მედიასახის ფორმირებაში, როგორადაც ქართველ ტელემაყურებელს ლევანი ყოველთვის ემახსოვრება. ბოლო წლებში, მე იშვიათად შემხვედრია პოლიტიკური სასაუბრო ჟანრის ისეთი მზარდი წამყვანი როგორიც ჯაკო იყო: სხარტი, სწრაფი აზროვნებით, მომენტალური რეაქციით, მკაფიო მეხსიერებით და კვალიფიციური აგრესიულობით გაჯერებელი სტილით.
ვწუხვარ, რომ მისთვის ამ ჩემი შეფასების მხოლოდ ნაწილი მაქვს ნათქვამი, მინდოდა რომ მუდმივი ზრდის მოტივაცია დიდხანს შეენარჩუნებინა. უმძიმესი დღეებია ჩვენთვის და ყველას თანაგიგრძნობთ, ვისაც გული გწვყდება, რომ ჯაკოს გულწრფელი ღიმილითა და სიცოცხლის ნაპერწკლებით სავსე თვალებს ვეღარ დავინახავთ. ღმერთმა სამუდამო განსასვენებელი დაუმკვიდროს!"
"ტვ პირველის" დღის ამბების წამყვანი ლევან ჩხაიძე 21 იანვარს გარდაიცვალა, როცა 33 წლის ჟურნალისტი ბუდაპეშტში, მეგობრებთან ერთად იმყოფებოდა შვებულებაში. არსებული ინფორმაციით, გარდაცვალების მიზეზი თრომბი გახდა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კიტ კელოგი - მჯერა, რუსეთის წინააღმდეგ აშშ-ის ახალი სანქციები მზადაა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
