"მხოლოდ ქართულის" გამარჯვებული გიორგი კელაპტრიშვილი გახდა

მუსიკალური პროექტის "მხოლოდ ქართულის" მეორე სეზონის გამარჯვებული გიორგი კელაპტრიშვილი გახდა.

ფინალში ერთმანეთს გიორგი კელაპტრიშვილი, ნოდარიკო ხუციშვილი, გუგა მარგველაშვილი და ნუცა თოფურია დაუპირისპირდნენ. თითოეულმა მათგანმა ორ-ორი სიმღერა შეასრულა, ერთი - ეროვნულ სიმფონიურ ორკესტრთან, ხოლო მეორე - ზვიად ბოლქვაძესთან ერთად.

"მხოლოდ ქართული" რამდენიმე თვეა მიმდინარეობს და საკმაოდ მაღალი რეიტინგითაც სარგებლობდა. კონკურსანტები პროექტში კასტინგის შედეგად შეირჩნენ. მთელი სეზონის განმავლობაში მათ მხოლოდ ქართული სიმღერის შესრულება უწევდათ.

VIDEO: ყველაზე ამაღელვებელი წუთები ფინალურ შოუში - ვინ გახდა "მხოლოდ ქართულის" გამარჯვებული