ბექჰემის ძაღლის პლედი, შესაძლოა, უფრო ძვირი ღირს, ვიდრე თქვენი მანქანა

ბექჰემების ოჯახის ყველა წევრი, ცხადია, ფუფუნებაში ცხოვრობს და გამონაკლისი არც მათი ძაღლია. „დეილი მეილი“ წერს, რომ პლედი, რომელსაც ოლაივს აფარებენ ხოლმე, 4,600 ფუნტი (თითქმის 6 ათასი დოლარი) ღირს.

ძაღლი დევიდსა და ვიქტორიას 2015 წლიდან ჰყავთ. რამდენიმე დღის წინ დიზაინერმა მისი ფოტო „ინსტაგრამზე“ განათავსა, ოლაივი ლუი ვიტონის ძვირადღირებულ პლედშია გახვეული და დევიდ ბექჰემთან ჩახუტებულს ძინავს.

„შუა დღის ძილი მამიკოსთან ერთად,“ - წერს ვიქტორია ფოტოს კომენტარად.

ოლაივი „ინსტაგრამის“ ვარსკვლავია და საკუთარი გვერდიც აქვს სოციალურ ქსელში, ძაღლს 70 ათასი მიმდევარი ჰყავს.

წყვილის ხელგაშლილობა საკუთარი შინაური ცხოველისთვის დიდი ხანია, ყველასთვის ცნობილია. ცოტა ხნის წინ მედიამ დაწერა, რომ ძაღლების ცნობილ მწვრთნელს ბარი კარაკოსტას ბექჰემები სპანიელის პარკში წასაყვანად 1 საათში 30 ფუნტს უხდიან.