მღვდელი ზიმბაბვეში "სამოთხის ბილეთებს" 500 დოლარად ყიდდა

ზიმბაბველი მღვდელი ტიტო ვოტსი და მისი ცოლი, ამანდა „სამოთხის ბილეთების“ გაყიდვის გამო დააკავეს - ერთი „ბილეთის“ ფასი 500 აშშ დოლარი იყო, ინფორმაცია Egypt Today-მ გაავრცელა.

პოლიციამ დაადგინა, რომ მღვდელი და მისი ცოლი მრევლს არწმუნებდნენ, რომ ბილეთის შეძენის შემთხვევაში ისინი სამოთხეში განკითხვის გარეშე მოხვდებოდნენ. ამასთან, ტიტო და ამანდა აცხადებდნენ, რომ ბილეთები „სუფთა ოქროსგან“ იყო დამზადებული. მოტყუებული მრევლის ნაწილის მტკიცებით კი "სამოთხის საგზური" შეღებილი ხეა.

უოტსის მტკიცებით, ბილეთები გასაყიდად მას თავად იესომ მისცა.

ცოლ-ქმარი ამბობს, რომ აღებული ფულით სხვა პლანეტაზე სურდათ გამგზავრება, სადაც კოკაინს თავისუფლად მოიპოვებდნენ. ამანდამ აქვე დასძინა, რომ ტყუილად ედავებიან, რადგან ბილეთებს მისი ქმარი ყიდდა.