მნიშვნელოვანი ინფორმაცია
12
ივნისიდღის ზოგადი ასტროლოგიური პროგნოზი
ხუთშაბათი, მთვარის მეჩვიდმეტე დღე დაიწყება 23:57-ზე, მთვარე თხის რქაში გადავა 05:54 –
კარგად შეძლებთ მნიშვნელოვანი ამოცანების დაგეგმვასა. იმ სამუშაოს შესრულებას, რომელიც მოითხოვს სიზუსტეს, მათემატიკურ გამოთვლებს და ინსტრუქციების მკაფიო დაცვას. ადამიანი ავლენს პასუხისმგებლობას, პრაქტიკულობას და მოვალეობის გრძნობას. რეკომენდებულია კომუნიკაცია, შეხვედრები მეგობრებთან; შემოქმედებითი საქმიანობა; პრეზენტაციებისა და სარეკლამო კამპანიების ჩატარება. გუნდური მუშაობა. წარუდგინეთ პროექტები თქვენს უფროსებს განსახილველად. აქტიური ორგანოებია: მუხლები, ძვლები, სახსრები, კანი, სისხლის მიმოქცევის სისტემა. დაიცავით უმარილო დიეტა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"რაც სხვა პროექტებში ვერ გავაკეთე, "საქართველოს ვარსკვლავში" უნდა გავაკეთო" - რა შეიცვალა ნინი ცნობილაძის ცხოვრებაში 2013 წლის შემდეგ
16:56 / 18-01-2019
"საქართველოს ვარსკვლავის" კიდევ ერთი კონკურსანტი უნდა გაგაცნოთ. ეს განსხვავებული ტემბრისა და ხმის მომღერალი ნინი ცნობილაძეა. პროექტში მონაწილეობის გადაწყვეტილება იმის გამო მიიღო, რომ "ევროვიზიის" კონკურსანტობა უნდა. "ჯერ კიდევ 2015 წელს მქონდა იქ გამოსვლის შანსი, "ევროვიზიის" მოთხოვანა მათ ბლოგზე დაიდო, რომ 5 ქართველი მომღერალი ჰყავდათ არჩეული, ვისაც საქართველოს სახელი უნდოდათ, რომ კონკურსზე წარედგინათ. ერთ-ერთი მე ვიყავი. მერე უკრაინის სახელით შემომთავაზეს "ევროვიზიაზე" გასვლა, რაც დიდი პატივი იყო, მაგრამ უკრაინის სახელით გასვლა არ მინდოდა. თან, დიდი პასუხისმგებლობაც იყო, - ასე ჩავთვალე, რადგანაც იქ საქართველო წარმომეცინა ჯობდა. ამიტომ, ახლა აქ ვცდი და მერე ვნახოთ. "ევროვიზია" მასშტაბური კონკურსია, სადაც უზარმაზარი რაოდენობის მაყურებელი გიყურებს. ამ ყველაფერს სულ რომ პოლიტიკური სარჩული ჰქონდეს, მაინც საინტერესოა მომღერლისთვის, დიდი გამოცდილებაა, მით უმეტეს, შენი ქვეყნის სახელი რომ გაგაქვს, თან, პასუხისმგებლობაა.
- "საქართველოს ვარსკვლავში" გამოცდილები გამოუცდელებთან რომ მონაწილეობთ, ეს როგორია?
- გამოცდილი და გამოუცდელი - არასწორი მიდგომაა. ჩვენთან დიდად გამოცდილს ვერავის დაარქმევ, რადგან ასეთი არავინაა. ყველანი დამწყებები ვართ იმ თვალსაზრისით, რომ საქართველოში დიდი სცენა არ არსებობს. პატარა სცენაზე კი შესაბამისად ყველა დგას, ვინც ამ კონკურსში მონაწილეობს, ბარში, კლუბში - ყველას აქვს ნამღერი, მიკროფონი ხელში სჭერია და სცენაზე მდგარა.
- კონკურსში სკოლის მოსწავლეებიც მონაწილეობენ...
- მერე რა, ისინიც სხვადასხვა კონკურსში მონაწილეობდნენ...
- კონკურსები ვახსენეთ - არაერთში გაქვს მონაწილეობა მიღებული ("ვოისი," "ცეკვავენ ვარსკვლავები," "ორი ვარსკვლავი," "უკრაინის ვოისი"), რას ნიშნავს შენთვის მათში მონაწილეობა?
- კონკურსი ემსახურება იმას, რომ მაყურებელმა გაგიცნოს, გაიგოს საზოგადოებამ - ვინ ხარ, რას აკეთებ, რას საქმიანობ, რას გააკეთებ მომავალში. სახელი და გვარი რომ იციან, უკვე დააინტერესებთ საქმიანობაც და ესა ტუ ის პროექტი ამის საშუალებას მეტად იძლევა, დიდს არაფერს. წარმატებისკენ შენ უნდა გაიკვალო გზა, შენი სიმღერები აკეთო, ქავერებზე რომ არ გაჩერდე. ამის საშუალებას, ხომ ვამბობ, ეს ყველაფერი გაძლევს. უკრაინის კონკურსმა ამ მხრივ მეტი მომცა, ბევრი შემოთავაზება და საშუალებაა, რომ იმოძრაო. აქ შენით თუ იბრძოლებ. სიმღერები უნდა წერო, მერე გამოაქვეყნო, რაც ფინანსებთან არის დაკავშირებული.
- 2013 წლიდან, ანუ პირველი კონკურსის შემდეგ რა შეიცვალა შენს ცხოვრებაში?
- ბევრი რამ შეიცვალა - ადამიანების მიმართ დამოკიდებულება, მსოფლმხედველობა, რა თქმა უნდა, მუსიკის მიმართაც. ადრე სხვანაირად ვუყურებდი რაღაცებს, ახლა სხვანაირად ვხედავ. პირადში არაფერი არ შეცვლილა.
- რატომ? არ გინდა, რომ შეიცვალოს?
- არა, ვიყავი ურთიერთობაში, ოღონდ, ის ურთიერთობა დასრულდა, ამჯერად მარტო ვარ... აუცილებლად ვგეგმავ ალბომის გამოშვებას, სიმღერებზე მეგობრებთან ერთად ვმუშაობ. მაქვს კლუბებში კონცერტები, ვმუშაობ ბენდთან. მთავარია, რასაც აკეთებ, მოგწონდეს, გიყვარდეს, ზოგადად კი მთავარია, კარგი ადამიანი იყო, შენს პროფესიას ემსახურო.
- თუ მომღერლობასა და მუსიკოსობას აპირებდი, რატომ აირჩიე პროფესიად ჟურნალისტობა?
- თავიდან მინდოდა, ჩემთვის მისაღები პროფესია იყო, მაგრამ რომ განვახორციელე, მიზანს მივაღწიე და საქმე ბოლომდე მივიყვანე, მივხვდი, რომ საჩემო არ იყო. ეს იმის ბრალია, რომ სკოლის დამთავრების შემდეგ საშუალებას არ გაძლევენ პროფესია დაფიქრებულად აირჩიო, რომ სწორი გადაწყვეტლება მიიღო, რომელიც მომავალში მართლა მოგინდება, აკეთო. შეუმდგარი ჟურნალისტი ვარ, ჩემი პროფესიით არ მიმუშავია, თუმცა მუსიკალური განათლებაც მაქვს - შვიდწლედი დავამთავრე.
- რა მოლოდინი გაქვს - "საქართველოს ვარსკვლავზე" გაიმარჯვებ?
- რაც სხვა პროექტებში ვერ გავაკეთე, ამ პროექტში უნდა გავაკეთო - კიდევ ერთხელ, სხვა მხრიდან დავანახო ქართველ მაყურებელს ჩემი თავი... საერთოდ კი "ევროვიზიაზე" საქართველო ღირსეულმა ადამიანმა უნდა წარადგინოს, ვისაც მართლა უყვარს და მართლა შესტკივა გული, გულით შეუძლია იმღეროს და მიუძღვნას ამ ქვეყანას სიმღერა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
