მნიშვნელოვანი ინფორმაცია
8
ივნისიდღის ზოგადი ასტროლოგიური პროგნოზი
კვირა, მთვარის მეცამეტე დღე დაიწყება 19:40-ზე, მთვარე მორიელშია – კარგია ჯგუფური მუშაობისთვის, ახალი ინფორმაციის მოსაპოვებლად, სწავლის დასაწყებად. საყოფაცხოვრებო ნივთების დაგროვების, შეძენისა და წარმოებისთვის. კარგია პურის გამოცხობა. არ არის რეკომენდებული სერიოზული საქმეების და ვალდებულებების შესრულება, განსაკუთრებით მარტო. ადრე დაწყებული პროექტების მიტოვება. სიზარმაცე. ხელსაყრელი დღეა მოგზაურობისთვის, მივლინების ან მომლოცველებისთვის. აგრეთვე ოჯახის შესაქმნელად.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"პურში თმისა და ძაფების პოვნას შეჩვეული ვიყავით, ახლა კი ეს უხარისხო საკვებიც ძვირდება" - აფხაზეთში კრიზისი მწვავდება
16:05 / 18-01-2019
ოკუპირებულ აფხაზეთში პური ძვირდება. პურის მწარმოებელი კომპანია Золотой Колос-ის გენერალური დირექტორის, ნონა ჭანტურიას თქმით, რომელიც 30 წელზე მეტია ამ სფეროშია, არსებობს გარდაუვალი გარემოებები, რომელთა გამოც პურის ფასი მოიმატებს. ადგილობრივი მედიის ცნობით, ჭანტურიამ 90-იანი წლების ომის დასრულებისთანავე გახსნა პურის საცხობი. ის ამბობს, რომ ახლა აფხაზეთში შექმნილი ვითარება ბოლო წლებისგან სრულიად განსხვავებულია. მისივე თქმით, საბჭოთა წლებში პურის წარმოება დოტაციური იყო და მის ფასს სახელმწიფო არეგულირებდა, თუმცა, ახლა ბევრი რამ შეიცვალა. ახლა აფხაზეთში 6 "სახელმწიფო" საცხობი არსებობს და თითქმის მთელ რეგიონს პურით ისინი ამარაგებენ. გარდა ამისა, არსებობს არაერთი კერძო საცხობი, რომელიც პურის გაძვირების პათოსს იზიარებს.
პურის საცხობის მეპატრონეების თქმით, მისი გაძვირება ფქვილზე, ზეთსა და საფუარზე ფასების მომატებით არის გამოწვეული, რომლის კონტროლი და მით უფრო, ფასის დაწევა, ჭანტურიას თქმით, უკვე შეუძლებელია.
ჭანტურიას განცხადებით, "მშრალი საფუარი მათ თურქეთიდან შემოაქვთ, იქ კი დოლარი რუბლთან მიმართებაში დავარდა და ეს ყველაფრის ფასზე აისახა. ამას ემატება მუშახელის მომსახურება, ტრანსპორტირება და სხვა ხარჯები... საქმე ის არის, რომ განსკუთრებით მოწყვლადი ფენა სოციალური შეღავათებით უნდა სარგებლობდეს პურის ფასზე, რომელსაც სახელმწიფო უნდა არეგულირებდეს.
პრობლემა საკმაოდ რთულია, გასაახლებელია ქარხნებისა და საცხობების ინფრასტრუქტურა, ავტოპარკი, რადგან ყველაფერი მოძველებულია და პრაქტიკულად ვერ ვმუშაობთ. არის შემთხვევები, გაუმართავი ავტომანქანების გამო, დილას დასარიგებელი პური ღამე მიაქვთ მაღაზიებში... იმისთვის, რომ სტაბილური მიწოდება მოხდეს, ინფრასტრუქტურა უნდა გაიმართოს", - ამბობს ჭანტურია abkhaz-auto.ru-სთან საუბარში და დასძენს, რომ "სახელმწიფოს" სურს პურზე ფიქსირებული ფასი იყოს, თუმცა, რეგიონში არსებული ფქვილის ფასების გამო, ეს თითქმის შეუძლებელია.
მისივე თქმით, თუ სახელმწიფო მათ პურის გაძვირების უფლებას არ მისცემს და არც ინფრასტრუქტურის განახლებაში შეეშველება ფინანსურად, მეწარმეები და და საცხობის მფლობელები იძულებულნი გახდებიან მუშაობა შეაჩერონ, ეს კი რეგიონში კრიზისს გაამწვავებს.
აფხაზეთში პურის ფქვილის ერთ-ერთი ყველაზე მსხვილი შემომტანი რუსი ბიზნესმენი ალექსეი ლიტვინოვია, რომელიც რეგიონის 50%-ზე მეტს ამარაგებს. მისი თქმით, ფქვილის გაძვირება, იმან გამოიწვია, რომ გასულ წელს რუსეთში ხორბლის შემოსავალი 40 მილიონი ტონით ნაკლები იყო, ვიდრე წინა წლებში.
"ეს არ ნიშნავს, რომ შიმშილობა დაიწყება და ვითარება კრიტიკულია. ევროპასა და სამხრეთ ამერიკაში გაცილებით ნაკლები ხორბლის მოსავალი იყო და, შესაბამისად, მისი ექსპორტი გაიზარდა. ახლა რაც უნდა ვითმინოთ და ვითარებას წავუყრუოთ, თებერვლის ბოლოდან პურის გაძვირების პროცესი მაინც დაიწყება", - ამბობს ლიტვინოვი abkhaz-auto.ru-სთან საუბარში.
ადგილობრივი მოსახლეობა მოსალოდნელ სიახლეს მწვავედ აკრიტიკებს და ამბობს, რომ უკიდურესად უხარისხო, სიცოცხლისთვის აუცილებელი პროდუქციის შეძენა გაზრდილ ფასში მოუწევთ, რაც კატასტროფაა, რადგან პურს ისედაც "ნისიად" ყიდულობდნენ.
"პურში თმის, ძაფებისა და სხვა წვრილმანი ნივთების პოვნას შეჩვეული ვიყავით. ნამდვილი პურის გემო არც მახსოვს, ეს ალბათ ომამდე იყო. ახლა კი, თურმე ეს საშინლად უხარისხო საკვებიც ძვირდება", - წერს სოხუმელი გალინა.
"ყველაზე კარგი მაჭარის რუხი პურია, ერთი კვირაც რომ იდოს, არ ფუჭდება. სხვები, დაჭრი თუ არა, ნახევარ საათში ქვიშასავით იშლება. ზოგი სინდისიანია და კარგად აცხობს, ზოგმა კი ოღონდ ფული გააკეთოს", - წერს აფხაზი ზურიკი ekhokavkaza.com-სთან საუბარში.
"ადრე კონტროლდებოდა, რას როგორ აკეთებდნენ, ხარისხი, საცხობები, ახლა კი, როგორც უნდათ ისე აკეთებენ, გამკითხავი არავინაა. 25 რუბლამდე უნდა ავწიოთ ფასიო. ხალხი ლამის მხოლოდ პურზე გადადიოდა და ვის აქვს მისი შეძენის თავი?! მოხუცებს ძალიან მძიმე პერიოდი გვაქვს", - ამბობს ადგილობრივი ჯოფიკი, რომლის თქმითაც, მათ ახსოვთ საბჭოთა დროინდელი პურის გემო და ახლანდელით უკმაყოფილოები არიან.
"აფხაზებო, თქვენი მოსაწონი არის რამე? მე რუსეთის მოქალაქე ვარ და ვიცი, რომ ფასები ყველგან იზრდება. შეხედეთ ადლერსა და სოჭში რა ხდება, მაგრამ თქვენ გგონიათ, რომ განსაკუთრებით პრივილეგიებით უნდა სარგებლობდეთ, უფასოდ უნდა იკვებებოდეთ და კარგად უნდა ცხოვრობდეთ, ოღონდ რატომ, ამაზე პასუხი არ გაქვთ", - წერს სენია ბოცმანი.
მკითხველის კომენტარები /
2 /
თარიღის მიხედვით
მოწონების მიხედვით
გააკეთეთ კომენტარი
ყველა კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
