5
ივნისიდღის ზოგადი ასტროლოგიური პროგნოზი
პირველკურსელ ბიჭს საკუთარი სამედიცინო ცოდნისა და უნარების გამოვლენა პირველად ლონდონის მეტროში მოუხდა. „დეილი მეილი“ წერს, რომ ჰამზა სელიმი ლექციიდან სახლში ბრუნდებოდა, როდესაც უორენ სტრიტის სადგურზე ქალის კივილის ხმა შემოესმა.
21 წლის ბიჭმა სადგურის კედელზე მიყრდნობილი ქალი დაინახა, როდესაც მასთან მიიჭრა, მიხვდა, რომ მშობიარობის მონაწილე გახდა.
„ყველაფერი ინსტინქტურად გავაკეთე. ეს შემთხვევა დაუჯერებელი იყო!“ - ამბობს სელიმი, რომელიც სახლში ანატომიის ლექციიდან ბრუნდებოდა.
ქალმა ბიჭს უთხრა, რომ საყიდლებზე იყო და იმის გამო, რომ ტაქსის გაჩერება ვერ შეძლო, იძულებული გახდა, მეტროში ჩასულიყო. მიწისქვეშ კი მშობიარობა დაეწყო. ჰამზა სელიმთან მან აღნიშნა, რომ მანამდე სამი ბავშვი ჰყავდა გაჩენილი.
„ძალიან შემეშინდა, უნივერსიტეტში ჯერ არ გვისწავლია, როგორ უნდა მივიღოთ მშობიარობა,“ - ამბობს პირველკურსელი ჟურნალისტებთან.
თუმცა სამშობიაროში გავლილმა ტრენინგმა მას საშუალება მისცა, ქალს დახმარებოდა.
სასწრაფო დახმარების ბრიგადა ადგილზე მშობიარობიდან 5 წუთის შემდეგ მივიდა და ჭიპლარიც მათ გადაუჭრეს. დედა და შვილი საავადმყოფოში გადაიყვანეს და ორივე მათგანი თავს შესანიშნავად გრძნობს.
