ვინ არის მამაკაცი ცნობილი ფოტოდან, რომელმაც სრულიად საქართველო შეძრა

დიდ დიღომში აფეთქების შედეგად დაშავებული მცირეწლოვანი გოგონას მდგომარეობა სტაბილურია და ის კონტაქტურია (ექიმის კომენტარი). გოგონას და "იაშვილის" კლინიკიდან უკვე გაწერეს. მათი 4 წლის ძმა კი გუშინ "იმედის" კლინიკაში გარდაიცვალა.

• აფეთქების შედეგად დაშავებული ერთი ბავშვი რეანიმაციაში რჩება, ხუთი კი გაწერეს

როგორც Ambebi.ge-მ გაარკვია, აფეთქება სწორედ ფირალიშვილების ოჯახში მოხდა. გარდაცვლილებს შორის ბავშვების დედაც არის.

• ვინ იყო ახალგაზრდა ქალი, რომელიც დიდ დიღომში აფეთქების შედეგად გარდაიცვალა

"სახლში ახალი მისული ვიყავი, აფეთქების ხმა გავიგე, ბავშვების ხროტინის ხმა მესმოდა, ჩემი ხელით გამოვიყვანე ჩემი შვილები" - აცხადებს ბავშვების მამა მინდია ფირალიშვილი Ambebi.ge-სთან საუბრისას.

• რას ჰყვება ბავშვის მამა, რომლის ფოტომ "ფეისბუქი" შეძრა - გოგონას ძმა და დედა გარდაეცვალა

"ინტერპრესნიუსის" ფოტორეპორტიორის, გიორგი ჟამერაშვილის მიერ, დიდ დიღომში, ტრაგედიის ადგილას გადაღებულმა ფოტომ სრულიად საქართველო შეძრა. ფოტოზე სწორედ ერთ-ერთი დაშავებული გოგონაა ასახული. იმავე ფოტოზე მამასთან ერთად ცნობილი ქირურგი ოლეგ კვიციანია. იგი ამჟამად "ნიუ ვიჟენ" საუნივერსიტეტო ჰოსპიტალის ერთ-ერთი მიმართულების ხელმძღვანელია.

დიდ დიღომში, საცხოვრებელ კორპუსში გუშინ მომხდარი აფეთქების შედეგად 4 ადამიანი გარდაიცვალა. დაშავდა 8 ადამიანი, თუმცა, ისინი კლინიკებიდან დღეს გაწერეს და ამ დროისთვის იაშვილის საავადმყოფოში მხოლოდ ერთი ბავშვი განაგრძობს მკურნალობას.

იხილეთ ვიდეო: ვინ არის კაცი ცნობილი ფოტოდან, ბავშვით ხელში