17 იანვარი გლოვის დღედ გამოცხადდა - სახელმწიფო უწყებების შენობებზე დროშები დაუშვეს
საქართველოს მთავრობის ადმინისტრაციის შენობაზე, გლოვის დღესთან დაკავშირებით, სახელმწიფო დროშა დაშვებულია. სახელმწიფო დროშა დაუშვეს პარლამენტის შენობის ფასადზეც.
პრემიერ-მინისტრ მამუკა ბახტაძის გადაწყვეტილებით, თბილისში, ბუნებრივი აირის გაჟონვის შედეგად დატრიალებული ტრაგედიის გამო, 17 იანვარი გლოვის დღედ გამოცხადდა.
მთავრობის განკარგულებით, გლოვის დღესთან დაკავშირებით, სახელმწიფო დროშები საქართველოს ტერიტორიაზე ყველა ადმინისტრაციულ შენობაზე და საზღვარგარეთ საქართველოს დიპლომატიურ წარმომადგენლობებზე დაეშვება.
დიდ დიღომში, ავთანდილის ქუჩაზე აფეთქება საცხოვრებელ კორპუსში სავარაუდოდ ბუნებრივი აირის გაჟონვამ გამოიწვია. ბოლო ინფორმაციით, დაღუპულია ოთხი ადამიანი, მათ შორის 4 წლის ბავშვი, არიან დაშავებულებიც. ჯანდაცვის მინისტრის დავით სერგეენკოს ინფორმაციით, დაშავებული 8 ადამიანი მკურნალობას კლინიკებში გადის. აქედან ექვსი არის ბავშვი და ისინი იაშვილის კლინიკაში მკურნალობენ. რაც შეეხება ორ მოზრდილ პაციენტს, სერგეენკოს თქმით, ისინი ღუდუშაურის კლინიკაში არიან გადაყვანილები. მინისტრის ინფორმაციით, ყველა პაციენტის ჯანმრთელობის მდგომარეობა სტაბილურია. მომხდარი ტრაგედიის გამო პრემიერმა 17 იანვარი გლოვის დღედ გამოაცხადა.
"ბავშვის დედა კართან მუხლებზე მდგომი დამხვდა, სიტყვებს თავს ვერ უყრიდა" - სცენიდან ომში და ომიდან სამაშველო სამსახურში წასული ბიჭის ამბავი
"ბავშვის ოპერაცია 300 000 ევრო ჯდება და სანამ თანხას არ გადავურიცხავთ, არაფერს უკეთებენ" - პატარა ანიტას დახმარება სჭირდება
