მნიშვნელოვანი ინფორმაცია
30
ივნისიდღის ზოგადი ასტროლოგიური პროგნოზი
ორშაბათი, მთვარის მეექვსე დღე დაიწყება 10:53-ზე, მთვარე ქალწულშია – მარტოობისა და თავმდაბლობის დღეა. ინტუიცია მძაფრდება. კარგია სუნთქვითი ვარჯიში და არომათერაპია. კარგია ზედა სასუნთქი გზებისა და ბრონქების გაწმენდა. ნუ დალევთ ლუდს, ბევრ წყალს, რძეს. მოაგვარეთ მატერიალური და ფულადი საკითხები. გამოავლინეთ თქვენი უნარები და ნიჭი. წარმატების მიღწევა ბევრ სფეროში შეიძლება. არ არის რეკომენდებული ფულის გასესხება ან ვალის აღება. არ გადაიღალოთ, არ დარჩეთ სამსახურში გვიანობამდე. უმჯობესია თავი შეიკავოთ როგორც გრძელი, ასევე მოკლე მოგზაურობისგან. ეს დღე განკუთვნილია დასვენებისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ვერაზე დაჭრილი მამაკაცი წლების წინ მოკლული ანტონ ადუაშვილის ვაჟია
21:29 / 15-01-2019
ვერაზე დაჭრილი გიორგი ადუაშვილი 2012 წელს მოკლული ანტონ ადუაშვილის ვაჟია. როგორც Ambebi.ge-ს დაჭრილის მეზობელმა განუცხადა, ამჟამად ადუაშვილი "ნახალოვკაში" ცხოვრობს და მცირე ბიზნესით არის დაკავებული.
გიორგი ადუაშვილი დღეს ვერაზე ბასრი საგნით დაჭრეს. მას ქირურგიისა და ტრავმატოლოგიის ცენტრში გადაუდებელი ოპერაცია ჩაუტარდა. დაჭრილს იღლიის არეში ორი და ფეხის არეში ოთხი ჭრილობა აღენიშნებოდა. მისი მდგომარეობა ამ დროისთვის სტაბილურია.
როგორც Ambebi.ge-მ გაარკვია, დაჭრის ფაქტი ტატიშვილის ქუჩაზე მომხდარ სროლას უძღოდა წინ, რა დროსაც მოძრავ ავტომობილს ცეცხლი ასევე სხვა მოძრავი ავტომანქანიდან გაუხსნეს. სროლის მიუხედავად დაცხრილული ავტომობილის მძღოლმა მოძრაობა განაგრძო, ჩავიდა მელიქიშვილის ქუჩაზე და ფილარმონიის საკონცერტო დარბაზთან დაპარკინგებულ ერთ-ერთ ავტომობილს შეეჯახა. ამის შემდეგ მან საკუთარი ავტომანქანა მიატოვა და გაიქცა. შინაგან საქმეთა სამინისტროს ინფორმაციით, ვერაზე მომხდარ სროლასთან დაკავშირებით სისხლის სამართლის საქმე ორი მუხლით აღიძრა. გამოძიება სისხლის სამართლის კოდექსის 19-108-ე და 236-ე მუხლებით მიმდინარეობს, რაც განზრახ მკვლელობის მცდელობას და ცეცხლსასროლი იარაღის მართლსაწინააღმდეგოდ შეძენა-შენახვას გულისხმობს. გავრცელებული ინფორმაციით, ვერაზე მანქანის ჩაცხრილვა და ორმხრივი სროლა შესაძლოა, მარგველაშვილის სიძის სამეგობროს კონფლიქტს უკავშირდებოდეს.
რაც შეეხება გიორგი ადუაშვილის მამის მკვლელობას, იგი 7 წლის წინ მოხდა. ანტონ ადუაშვილი 2012 წლის 23 ნოემბერს საკუთარ ავტომობილში ჩაცხრილეს. მას სამი ტყვია ჰქონდა მოხვედრილი, იყო საკონტროლო გასროლაც. პოლიციამ მაშინ ცხელ კვალზე მკვლელობაში ეჭვმიტანილი ერთ-ერთი პირი დააკავა. მკვლელობის საქმეზე კიდევ რამდენიმე პირი მიეცა პასუხისგებაში, მათ შორის სოსო პავლიაშვილის დის ქმარი, ვახტანგ ჩხაპელია. მისი დაკავება შოკის მომგვრელი აღმოჩნდა მოკლულის ოჯახისთვის, რადგან ახლობლად მიიჩნევდნენ. მეტიც, დაკრძალვის დღეებში ის ადუაშვილების სახლში ტრიალებდა. ყველაზე გამაოგნებელი კი მისი ჩვენება გახდა, სადაც მკვლელობის შემკვეთად მოკლულის უახლოესი მეგობარი, თავისი ცოლისძმა, სოსო პავლიაშვილი დაასახელა. პავლიაშვილის წინააღმდეგ საქმე არ აღძრულა. მაშინ პროკურატურაში ამბობდნენ, რომ ერთი მოწმის ჩვენება პირისთვის ბრალის წასაყენებლად საკმარისი არ არის.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხელოვნური ინტელექტი და მისი ტრანსფორმაციული ეფექტი თანამედროვე ბიზნესებზე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
