"გინდოდათ ლამაზი და განათლებული მისი? მიიღეთ!" - რას წერს ნანუკა გოგიჩაიშვილი დის შესახებ, რომელიც "მის საქართველო" გახდა

2018 წლის ყველაზე ლამაზი გოგონა საქართველოში მოდელი და ტელეწამყვანი ნინი გოგიჩაიშვილია. "მის საქართველოს" გამარჯვებული რამდენიმე დღის წინ გამოვლინდა.

25 წლის ნინი გოგიჩაიშვილი ცნობილი ტელეწამყვანის გიორგი გოგიჩაიშვილის და ჟურნალისტის ნათია ბანძელაძის ქალიშვილია. ნინის უფროსი და ნანუკა გოგიჩაიშვილი 2009 წელს მონაწილეობდა "მის საქართველოს" კონკურსში და "ვიცე მისი" გახდა.

ნანუკა გოგიჩაიშვილი დის წარმატებას "ფეისბუქის" პირად გვერდზე ასე ეხმაურება:

"ვულოცავ საქართველოს ახალ მისს, ჩვენ აქამდეც გააზრებული გვქონდა მონაწილეობას ან ყველაზე კარგ შემთხვევაში გამარჯვებას რა თანმხლები ეტაპები მოყვება, ასე რომ გინდოდათ ლამაზი და განათლებული მისი? მიიღეთ!

პ.ს. გერმანული ... ინგლისური, რუსული , იტალიური (ამჟამად სწავლის პროცესში) იყოს ეს მცირე ინფორმაციაც აქ" - წერს ნანუკა გოგიჩაიშვილი.

ქვეყნის ყველაზე ლამაზი გოგონას ტიტულის მოსაპოვებლად 20 ლამაზმანი უწევდა ერთმანეთს კონკურენციას. მათი ასაკი 17-დან 25 წლამდეა. კონკურსანტების უმრავლესობა თბილისიდანაა, ასევე არიან კონკურსანტები ქუთაისიდან, ფოთიდან, ზუგდიდიდან, წყალტუბოდან, ოკრიბიდან.