28
მაისიდღის ზოგადი ასტროლოგიური პროგნოზი
პარიზში ძლიერი აფეთქების შედეგად ორი მეხანძრე გარდაიცვალა და ათობით დაშავდა, ინფორმაციას CNN ავრცელებს.
აფეთქება პარიზის ცენტრში, ტრევიზის ქუჩაზე მდებარე საცხობში ადგილობრივი დროით 9 საათზე მოხდა, სამაშველო სამსახურმა გაზის გაჟონვის შესახებ მიიღო ინფორმაცია.
„ამ დროის მონაცემებით, პარიზის სახანძრო ბრიგადის ორი მეხანძრეა გარდაცვლილი. 10 ადამიანს სხეულის მძიმე დაზიანებები აქვს მიღებული, მათ შორის ერთი მეხანძრეა. 37 ადამიანი შედარებით მსუბუქად დაშავდა,“ - წერს „ტვიტერზე“ საფრანგეთის შს მინისტრი კრისტოფ კასტანერი.
ფოტოებზე, რომელიც სოციალურ ქსელებში ვრცელდება, ჩანს ჩამტვრეული ფანჯრები, მაშველებს კი შენობიდან ხალხი გამოჰყავთ.
აფეთქების ადგილზე უკვე იმყოფებოდნენ ქვეყნის შს მინისტრი, პრემიერ-მინისტრი და პარიზის მერი.
კასტანერის ინფორმაციით, ინციდენტის გამო ადგილზე 200-ზე მეტი მეხანძრე მუშაობს.
