რა ქონებას ფლობს გერმანიასა და საქართველოში ლევან კობიაშვილი და რას არ უთითებს დეკლარაციაში

პარლამენტის წევრსა და ფეხბურთის ფედერაციის პრეზიდენტს ლევან კობიაშვილს გასულ წელს შევსებულ ქონებრივ დეკლარაციაში აღნიშნულ თანამდებობებზე მიღებული შემოსავალი მითითებული არ აქვს.

ეს მონაცემი კობიაშვილს არც 2017 წელს შევსებულ ქონებრივ დეკლარაციაში ჰქონდა აღნიშნული. თუმცა, 2016 წლის დეკლარაციის თანახმად, მისმა შემოსავალმა ფეხბურთის ფედერაციის პრეზიდენტის პოსტზე 63 334 ლარი შეადგინა. ცნობისთვის, კობიაშვილი ამ თანამდებობას 2015 წლის 3 ოქტომბრიდან იკავებს.

2018 წლის 31 დეკემბერს შევსებული ქონებრივი დეკლარაციის მიხედვით, ლევან კობიაშვილი ფლობს:

• 425 კვადრატული მეტრი ფართობის საცხოვრებელი სახლის 50%-იან წილს დუსელდორფში;
• 550 კვ. მეტრის სახლის 50%-იან წილს ბერლინში და 790 კვ. მეტრის მიწის ნაკვეთის 50%-ს დუსელდორფში.

აღსანიშნავია, რომ გერმანიაში მდებარე ქონების თანამფლობელი კობიაშვილის დეკლარაციაში მითითებული არ არის, თუმცა, 2016 წელს შევსებულ დეკლარაციაში უძრავი ქონების დანარჩენ 50%-იან წილს მისი მეუღლე ფლობდა.

კობიაშვილს ეკუთვნის 281 კვ. მეტრი ფართობის ბინა თბილისში; ასევე, 450 კვადრატული მეტრი ფართობის საცხოვრებელი სახლი და 2100 კვ. მეტრის მიწის ნაკვეთი წყნეთში; 6500 კვ. მეტრის მიწის ნაკვეთი ბაკურიანში.

კობიაშვილის საკუთრებაშია 180; 110 და 150 კვ. მეტრი ფართობის 3 ბინა თბილისში. გარდა ამისა, კობიაშვილი ფლობს მსუბუქ ავტომობილებს Mercedes benz-სა და Audi-ს წაიკითხეთ ვრცლად