25
მარტიდღის ზოგადი ასტროლოგიური პროგნოზი
თუ გსურთ ზამთრის ვირუსებისა და გრიპისგან თავის დაღწევა, ეს 13 სახეობის საკვები დაგეხმარებათ გაციების თავიდან აცილებასა და მედიკამენტების იძულებით მიღებაც არ დაგჭირდებათ:
1. ციტრუსები
უმრავლესობა C ვიტამინს მაშინ იღებს, როდესაც უკვე გრიპი ხვდებათ, თუმცა, გაციებამდე მისი ხილის სახით მიღება დაგეხმარებათ იმუნური სისტემის გაძლიერებაში. C ვიტამინი სისხლის თეთრი უჯრედების შექმნას უწყობს ხელს, რომელიც თავის მხრივ უმნიშვნელოვანესია ინფექციებთან საბრძოლველად. C ვიტამინით მდიდარია:
- გრეიფრუტი
- ფორთოხალი
- მანდარინი
- ლიმონი
იმის გამო, რომ თქვენი სხეული არც ინახავს და არც აწარმოებს C ვიტამინს, საჭიროა მისი ბუნებრივი სახით ყოველდღიური მიღება, ამიტომ შეგიძლიათ ზემოთ ჩამოთვლილი ხილის რამდენიმე წვეთი მოასხათ ნებისმიერ კერძს და ისე მიირთვათ.
2. ბულგარული წიწაკა
მხოლოდ ციტრუსი არ შეიცავს ვიტამინი C-ს, ბოსტნეულებიდან ერთ-ერთი გამორჩეულია წითელი ფერის ბულგარული წიწაკა, რომელიც ციტრუსებზე ორჯერ მეტ C ვიტამინს შეიცავს.
3. ბროკოლი
ბროკოლი ვიტამინებით და მინერალებით სავსე პროდუქტია. შეიცავს A, C და E ვიტამინებს, ასევე, ანტიოქსიდანტებს და ბოჭკოს. ბროკოლი ერთ-ერთი ყველაზე ჯანსაღი ბოსტნეულია, რომელიც კი ადამიანმა შეიძლება მიიღოს. მთავარია მისი მომზადებისას დაიცვათ ზომიერება და ზედმეტად არ გადახარშოთ.
4. ნიორი
ნიორი მსოფლიოს თითქმის ყველა სამზარეულოს ნაწილია, იგი საკმაოდ კარგ არომატს და გემოს აძლევს საჭმელს და ამასთან ჯანმრთელობისთვისაც აუცილებელია. ჯერ კიდევ ადრეულ საუკუნეებში აღმოაჩინეს ადამიანებმა მისი ინფექციასთან ბრძოლის ეფექტურობა.
5. ჯანჯაფილი
ჯანჯაფილი ერთ-ერთი ინგრედიენტია, რომელიც ხშირად გაციების დროს გამოიყენება. იგი ორგანიზმს ანთებასთან ბრძოლაში ეხმარება და განსაკუთრებით ეფექტურია ყელის ტკივილის დროს. ჯანჯაფილი შესაძლოა გამოიყენოთ გულისრევის შესაჩერებლადაც.
6. ისპანახი
ისპანახი ბროკოლის მსგავსად საკმაოდ მდიდარია არა მარტო C ვიტამინით, არამედ ანტიოქსიდანტებით და ბეტა კაროტინით, რაც ჩვენს იმუნურ სისტემას ინფექციასთან ბრძოლაში ეხმარება.
7. ნუში
ვიტამინი E არანაკლებ მნიშნელოვანია გაციებასთან საბრძოლველად. თუმცა, იგი სრულყოფილად ასათვისებლად საჭიროებს ორგანიზმში ცხიმის არსებობას. 4-6 ცალი ნუშის მიღება 100%-ით აკმაყოფილებს E ვიტამინის ყოველდღიურ დოზას.
8. მწვანე ჩაი
მწვანე და შავი ჩაი ანტიოქსიდანტების ერთგვარი სახეობაა. ისინი ორგანიზმს იმუნური ფუნქციების გაძლიერებაში ეხმარებიან.
9. პაპაია
ეს ტროპიკული ხილი C ვიტამინით მდიდარია. ერთ ცალ პაპაიაში შეგიძლიათ იპოვოთ დღიურად რეკომენდირებული С ვიტამინის დიდი დოზა. მას ანთებ-საწინააღმდეგო ეფექტიც აქვს. პაპაია ასევე შეიცავს კალიუმს, B ვიტამინებს და ზოგადად ადამიანის ჯანმრთელობაზე სასარგებლო ეფექტი აქვს.
10. კივი
პაპაიას მსგავსად კივიც სხვადასხა ვიტამინით მდიდარი ხილია. შეიცავს კალიუმს, ვიტამინ K-ს და C-ს.
11. ფრინველის ხორცი
როდესაც ავად ხართ, ქათმის წვნიანი მხოლოდ სასიამოვნო კი არა სასარგებლოც არის. იგი ორგანიზმს გაციებისგან იცავს. ინდაურის და ქათმის ხორცი სავსეა B-6 ვიტამინით. იგი ეხმარება ორგანიზმს სისხლის წითელი უჯრედების შექმნაში.
12. მზესუმზირის მარცვლები
მზესუმზირის თესლი სავსეა ნუტრიენტებით, მათ შორის ფოსფორით, მაგნიუმით და ვიტამინი B 6-ით. სავსეა ვიტამინი E-თიც, რომლის დღიური, რეკომენდირებული დოზის 82%, ჭიქის მეოთხედი გარჩეული მზესუმზირის მარცვლით შეიძლება შეივსოთ. ვიტამინი E შესანიშნავი ანტიოქსიდანტია და იმუნური სისტემის ფუნქციონირებასაც უწყობს ხელს. E ვიტამინს ასევე შეიცავს ავოკადო და მუქი ფოთლოვანი მწვანილები.
13. მოლუსკები
მოლუქსკები მდიდარია თუთიით, რაც ასევე გადამწყვეტია იმუნიტეტისთვის. ბევრი ამ ნივთიერებას იმდენად დიდ ყურადღებას არ აქცევს, თუმცა, თუთია იმუნური სისტემის სრულფასოვანი ფუნციონირებისთვის უმნიშვნელოვანესია.
თუთიით მდიდარია:
- კრაბი
- ლობსტერი
- მიდიები
healthline.com-ის მიხედვით მოამზადა გვანცა კაკაურიძემ
კრაბი-ძირძველი ქართული სიტყვა.