მნიშვნელოვანი ინფორმაცია
3
ივნისიდღის ზოგადი ასტროლოგიური პროგნოზი
სამშაბათი, მთვარის მერვე დღე დაიწყება 13:13-ზე, მთვარე ქალწულშია – დღეს დაწყებული და დაგეგმილი ყველაფერი გაცილებით ნელა მიმდინარეობს, ვიდრე ჩვენ გვსურს. შესაძლებელია მოვლენების მოულოდნელი შემობრუნება, კონფლიქტები და საგანგებო სიტუაციები. რეკომენდებულია კრეატიული მიდგომები ძველი პროექტების განსახორციელებლად. მოაგვარეთ მხოლოდ მცირე ფინანსური საკითხები. მოძებნეთ ახალი პარტნიორები. ინდივიდუალურად იმუშავეთ. შეზღუდეთ კოლექტიური მუშაობა. შეგიძლიათ დაიცვათ მარხვა, შესაფერისია მსუბუქი საკვები, მარცვლეული და თევზი. ალკოჰოლი და ნიკოტინი უკუნაჩვენებია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რას განიხილავდნენ ზურაბ ადეიშვილი და ერეკლე კოდუა ბუდაპეშტის ქართულ რესტორანში - ექსკლუზიური ფოტო ვახშმიდან
12:35 / 06-01-2019
იუსტიციის ყოფილი მინისტრი ზურაბ ადეიშვილი და სპეციალური ოპერატიული დეპარტამენტის (სოდ) ყოფილი უფროსი ერეკლე კოდუა ბუდაპეშტში მდებარე ქართულ რესტორანში "ხაჭაპური" ერთად ვახშმობისას შენიშნეს. შეხვედის ამსახველი ფოტო AMBEBI.GE-ს საკუთარმა წყარომ ექსკლუზიურად მიაწოდა. შეგახსენებთ, რომ ადეიშვილი და კოდუა ინტერპოლით იძებნებიან.
ჩვენი წყაროს ცნობით, რესტორანში მათთან ერთად კიდევ ათამდე ქართველი იმყოფებოდა - ყოფილი მაღალჩინოსნები ბუდაპეშტის ცენტრში ფართის დაქირავების საკითხს განიხილავდნენ, რაც სავარაუდოდ, კოდუას გეგმებში შედის.
"ერეკლე კოდუა თავის უკრაინელ მეუღლესთან ერთად იყო. მეუღლეებთან ერთად იყვნენ სხვებიც, თუ არ ჩავთვლით ზურაბ ადეიშვილს, რომელსაც ბავშვი ახლდა... აქამდე მეგონა, რომ ისინი ინტერპოლით იძებნებოდნენ და ძალიან გამიკვირდება, როდესაც შუაგულ ევროპაში, უნგრეთის დედაქალაქის ცენტრალურ ქუჩაზე მდებარე რესტორანში ლაღად მსხდომები შევნიშნე. როგორც ჩანს, ისინი იქაურობას საკმაოდ ხშირად სტუმრობენ", - განუცხადა AMBEBI.GE-ს საკუთარმა წყარომ.
ცნობისთვის, რამდენიმე წლის წინ, კოდუას ადვოკატმა ოთარ კახიძემ განაცხადა, რომ მისი დაცვის ობიექტზე საერთაშორისო ძებნა შეწყდა. მისივე თქმით, ინტერპოლმა ძებნის შეწყვეტის გადაწყვეტილება ადვოკატების მიმართვის საფუძველზე მიიღო. იგივე ინფორმაცია გავრცელდა ზურაბ ადეიშვილსა და დავით კეზერაშვილზეც, რაც მაშინ საზოგადოების ნაწილმა ხელისუფლებას უნიათობად ჩაუთვალა.
ერეკლე კოდუას ბრალი ორ საქმესთან დაკავშირებით - ვალერი გელაშვილის ცემის და სამსახურებრივი უფლებამოსილების გადამეტებისა და სამსახურებრივი მდგომარეობის გამოყენებით, თაღლითობის ჩადენის ფაქტებზე აქვს წაყენებული.
"ერეკლე კოდუა ინტერპოლმა მოხსნა საერთაშორისო ძებნიდან. გენერალურმა სამდივნომ შეისწავლა მიწოდებული მასალა და მიიღო შესაბამისი გადაწყვეტილება. ერეკლე კოდუა იმყოფება ევროკავშირის წევრ სახელმწიფოში, რომელმაც, თავის მხრივ, იგი პოლიტიკური ნიშნით დევნილად აღიარა", - განმარტავდა კახიძე.
მოგვიანებით, დაახლოებით იგივე ინფორმაცია გავრცელდა საქართველოს იუსტიციის ყოფილ მინისტრ ზურაბ ადეიშვილთან დაკავშირებით, რომელიც ასევე ინტერპოლის წითელი ცირკულარით იძებნებოდა. 2015 წელს კი, ცნობილი გახდა, რომ ინტერპოლის ვებგვერდზე ადეიშვილის შესახებ მონაცემები აღარ იძებნება.
ადეიშვილს საქართველოში ბრალი, სამსახურებრივი უფლებამოსილების გადამეტებასა და პატიმართა დამამცირებელი და არაადამიანური მოპყრობის ორგანიზებაში, დაუსწრებლად წაუყენეს. მას ასევე ბრალად ედება განსაკუთრებით მძიმე დანაშაულის შესახებ, სისხლის სამართლის საქმეზე მტკიცებულების ფალსიფიკაციისა და დანაშაულთა პროვოკაციის ორგანიზება.
მაშინ მთავარმა პროკურატურამ განაცხადა, რომ ინტერპოლის გენერალურმა სამდივნომ საერთაშორისო ძებნის შეწყვეტის შესახებ გადაწყვეტილება ქართულ მხარესთან შეუთანხმებლად მიიღო და არც დამატებითი არგუმენტაციისა თუ დოკუმენტაციის წარდგენა მოუთხოვია.
"ინტერპოლის გენერალურმა სამდივნომ ზ. ადეიშვილის მიმართ საერთაშორისო ძებნის გაუქმების ძირითად საფუძვლად მიუთითა ქართული მხარისათვის უცნობი ერთ-ერთი სახელმწიფოს მიერ ზ. ადეიშვილისთვის მინიჭებული ლტოლვილის სტატუსი", - აცხადებდნენ უწყებაში.
საქართველოს იუსტიციის ყოფილი მინისტრი და ყოფილი მთავარი პროკურორი ზურაბ ადეიშვილი პროკურატურამ 2007 წლის 7 ნოემბრის საპროტესტო აქციის დროს კობა დავითაშვილის ცემისა და მისი თავისუფლების უკანონო აღკვეთის საქმეზე სისხლის სამართლის პასუხისგებაში მისცა.
ამასთან, მას წინასწარი პატიმრობა აქვს შეფარდებული. მის წინააღმდეგ საქართველოში 3 სისხლის სამართლის საქმის წარმოება მიმდინარეობს: ციხეში პატიმრის წამების საქმე, ქართუ ბანკის გაკოტრების საქმე და 7 ნოემბრისა და ტელეკომპანია იმედში უკანონო შეჭრის საქმე.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აფეთქება, ამჯერად წყალქვეშ - თავდასხმა ყირიმის ხიდზე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
